Фудбалерот на Реал Мадрид, Рафаел Варан, кариерата би можел да ја продолжи во Манчестер јунајтед. Варан покажал желба да замине од мадрид, а Јунајтед бараат партнер во одбраната за Хари Мегваер.

Реал, се свесни дека ќе останат без Варан и за него одредиле цена од 65 милиони евра. Јунајтед ќе се обидат да платат помалку, сопред „Дејли Мејл“, тие биле подготвени да платат 50 милиони евра за Варан.

Варан цела деценија е играч на Реал. Со клубот ги освоил сите клупски трофеи, а со Франција во 2018 стана светски првак.

Вечерва ќе бидат познати полу-финалните двојки во Лига Европа. Динамо Загреб, на Аријан Адеми и Стефан Ристовски, ќе гостуваа кај Виљареал. „Модрите“, имаат гол минус по првиот меч, одигран минатиот четврток во Загреб.

Манчестер јунајтед, против Гранада треба да го потврдат своето место во полу-финалето. „Црвените ѓаволи“, реваншот во кој се домаќини ќе го започнат со предност од два гола.

Тешка задача е пред фудбалерите на Ајакс, во Рим ќе ја бркаат предноста на Рома од 2:1.

Пред елиминација се наоѓа Арсенал. Славија во првиот меч успеа да остане непоразена (1.1), во Лондон.

Натпреварите ќе започнат во 21. часот.

Никола Јокиќ, со нов трипл-дабл, го предводеше Денвер Нагетс до победата над Мајами Хит 123:106.

Јокиќ, го забележа 15 трипл-дабл во сезоната, 56. во кариерата, натпреварот со Мајами го заврши со 17 поени, 10 скока и 11 асистенции. Српскиот центар успеа да забележи трипл-дабл, иако погоди само шест од 14 обиди од поле.

Сезонава повеќе трипл-дабл учиноци од Јокиќ забележал само Расел Вестбрук (23).

Денвер до триумфот, со кој ја прекинаа низата од два порази (Бостон и Голден стејт), го предводеа Мајкл Порттер јуниор со 25 поени и 10 скока, односно Џамајкл Грин со 17 поени.

Деневер се наоѓаат на четвртото место на Западот, додека Мајами се седми на Истокот.