Спорт
Ејтон прв пик, Дончиќ во Далас
Кошаркарот на универзитетот Аризона, Деандре Ејтон е избран како прв пик, од страна на Феникс Санс, на драфтот во Њујорк. Најдобриот Европеец, Лука Дончиќ, НБА кариерата ќе ја започне кај Дирк Новицки во екипата на Далас Маверикс.
Според најавите, Фени…
Кошаркарот на Универзитетот „Аризона“, Деандре Ејтон, е избран како прв пик од страна на Феникс Санс на драфтот во Њујорк. Најдобриот Европеец, Лука Дончиќ, НБА-кариерата ќе ја започне кај Дирк Новицки во екипата на Далас Маверикс.
Според најавите, Феникс не изненади со својот избор. Санс се реши за крилниот центар Ејтон, вториот пик го има Сакраменто Кингс, и генералниот менаџер на овој клуб, Владе Дивац, се реши за крилниот центар од Универзитетот „Дјук“, Марвин Бегли Третиот.
Словенецот Дончиќ како трет пик беше избран од Атланта Хокс, меѓутоа веднаш беше испратен во Далас. Атланта за Дончиќ ги доби петтиот пик на Далас, плејмејкерот Треј Јанг и право на избор во првата рунда на наредниот драфт.
Дончиќ е трет европски играч кој е избран како трет пик по Енес Кантер (2011) и Пау Гасол (2001), а подобро позиционирани од овие тројца биле само Дарко Миличиќ (втор пик, 2003), Рики Смитс (втор пик, 1998) и Андреа Барнњани (прв пик, 2006).
The Mavs picked up Luka Doncic and his mom….The draft is over, they won already pic.twitter.com/1a6tws7WxO
— gifdsports (@gifdsports) June 21, 2018
Мемфис од четвртата позиција се реши за крилниот центар на Универзитетот „Мичиген стејт“, Џерен Џексон Јуниор, а шестиот пик му припадна на Орландо Меџик. Центарот на Универзитетот „Тексас“, Мохамед Бамба, ќе игра за Орландо.
Вендел Картер Јуниор како седми пик е избран од страна на Чикаго Булс, а вицешампионот Кливленд Кавалирс од осмата позиција го избра плејмејкерот на Алабама, Колин Секстон. Овој пик Кливленд го доби како дел од трејдот на Кајри Ирвинг во Бостон Селтикс.
По изборот, Секстон му порачал на најдобриот играч на денешницата, Леброн Џејмс, дека треба да остане во Кливленд.
Деветти пик е крилниот играч на Универзитетот „Кентаки“, Кевин Нокс. Тој е избран од Њујорк Никс, а пик број десет е Микел Бриџис од Виланова, тој е избран од Филалдлефија, меѓутоа веднаш е трејдуван во Феникс Санс.
На драфтот се појави и репрезентативецот на БиХ, Џанан Муса. Ексиграчот на Цедевита како 29-ти пик го избра Бруклин Нетс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.