Спорт
(Видео) Сенегал и Јапонија останаа во игра со забавно реми
Сенегал и Јапонија по првичните победи на Мундијалот, одиграа интересен натпревар и го „поделија“ пленот со 2:2, со што и двете репрезентации останаа во игра за пласман во осминафиналето.
Пред вечерашниот дуел меѓу фаворитите кои беа поразени во првото…
Сенегал и Јапонија по првичните победи на Мундијалот, одиграа интересен натпревар и го „поделија“ пленот со 2:2, со што и двете репрезентации останаа во игра за пласман во осминафиналето.
Пред вечерашниот дуел меѓу фаворитите кои беа поразени во првото коло, Колумбија и Полска, Сенегал и Јапонија имаат по четири поени на врвот на табелата. Сенегал е единствената африканска нација со шанси за пласман во осминафиналето, а Јапонија е единствената азиска нација со ваква шанса.
Во последното коло, Сенегал игра со Колумбија, додека Јапонците ја пречекуваат Полска.
Сенегал бргу стигна до водство, откако јапонскиот голман во 12. минута ја исфрли топката до ѕвездата на Ливерпул, Садио Мане и топката заврши во голот. Веднаш потоа, Сенегалците повторно се заканија преку Нијанг, но Кавашима беше сигурен на голот.
Јапонија немаше поголеми шанси во првиот половина час игра, но во 34. минута дојдоа до израмнување по одличната акција во која Нагатоме излезе на работ на шестнаесетникот и ја „остави“ топката на Инуи, кој со одличен удар израмни на 1:1. Сенегал до крајот на полувремето имаше уште една шанса, кога Нијанг истрча сам пред противничкиот гол, но Кавашима повторно добро реагираше.
Сенегалците имаа подобар старт на второто полувреме, откако се заканија двапати преку Нијанг, но „самураите“ вратија со одлична акција во 60. минута, кога Шибасаки му даде фантастична топка на Осако, кој сепак не успеа убаво да ја стигне топката. Во 64. минута, повторно „висеше“ голот на Сенегалците, кога Инуи ја погоди пречката.
И покрај овој притисок, Сенегал дојде во водство во 71. минута, по одличната акција на Сабали и Нијанг, по која Вагуе постигна одличен гол за 2:1.
Јапонија не се откажа, и само три минути откако влезе во игра, Кеисуке Хонда израмнува на 2:2.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.