Спорт
Трчаме заедно со новиот клуб Skopje City Running Club
Колку пати сте си рекле: „Ќе почнам да трчам следната недела“? Колку пати сте сакале да истраете во таа одлука, а потоа поради некоја причина сте ја изгубиле мотивацијата и не сте го направиле ниту првиот чекор?
Сигурно имате приоритетни задачи, токму затоа Skopje City Mall реши да создаде бесплатна уникатна програма за рекреативци и идни љубители на трачањето со цел да им даде дополнителна инспирација и причина конечно да истраат во својата одлука.
„Skopje City Running Club“ е бесплатна програма за трчање која е наменета за почетници во трчање, кои се уште не ја пробале оваа рекреативно-атлетска дисциплина, но и за напредни трчачи кои практикуваат некои од рекреативните спортови или имаат трки со трчање од 5, 10 километри, дури и полумаратон, но со свое темпо. „Skopje City Running Club“ е тука да од нив направи активни трчачи!
Тренингот ќе се одржува секоја сабота во различно време, а собирот е на платото пред Скопје Сити Мол. Првиот тренинг е во сабота 01.04. со почеток во 10:00 часот.
Оваа уникатна програма за трчање „Skopje City Running Club“ ќе ја води нашиот славен спортист Кокан Ајановски, учесник на многу натпревари и маратони во Македонија и во странство кој е и креатор на оваа програма за трчање и кој директно ќе ги менторира и води сите учесници во нивниот развој. Во ова тој ќе има поддршка од професионални тренери со повеќе годишно искуство во работа со спортски клубови.
Но, тоа не е сè што ја прави оваа програма уникатна! Со вклучување во програмата за трчање „Skopje City Running Club“, учесниците автоматски стануваат членови на клубот за лојалност „Skopje City Mall Runners“, што ќе им овозможи да добијат дополнителни попусти при купување во трговскиот центар, на асортиман на спортска опрема и додатоци. Исто така, за првите 50 пријавени учесници Skopje City Mall подготви специјални спортски маици и шишиња со вода, со цел да им ги олесни подготовките за тренинзи на стартот.
ЗА ПРОГРАМАТА
Програмата за трчање „Skopje City Running Club“ е групна програма за вежбање на отворено, достапна за сите од 16 до 65 години. ( за малолетни потребно е согласност од родител ). Обуките се одржуваат во времетраење од 45 до 90 минути, во зависност од категоријата и по дефинирана рута од Skopje City Mall до одредена точка и назад до Skopje City Mall. Самиот тренинг започнува со загревање на платото пред Skopje City Mall, по што се започнува со трчање, а завршува со истегнување на почетната локација. На овој начин учесниците добиваат сеопфатна програма преку која ќе развијат здрави навики кои ќе им помогнат да ја зајакнат и подобрат својата физичка форма и здравје воопшто, а исто така одлично ќе се забавуваат во друштво на луѓе со слични интереси.
За учество во програмата „Skopje City Running Club“ може да се пријавите на инфо пулт и на лице место пред тренингот.
Кокан Ајановски (1982) е основач на клубот AKKA Run Club, инструктор маратонец, повеќе од 20 пати државен првак на Македонија во повеќе атлетски дисциплини (полу маратон, 10 000 м, 5 000 м, планинско и крос-кантри трчање). Има повеке од 30 настапи за атлетската репрезентација на Македонија. Најзначајни интернационални успеси има остварено на балканските првенства (бронзен медал поединечно во маратон и бронзен медал екипно во крос-кантри натпреварување), а има учествувано и на многу меѓународни натпреварува (европски олимписки игри, светско првенство во полу маратон, европски првенства во крос-кантри, светски и европски првенства во планинско трчање).
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.