Свет
Австриска министерка обвинета за плагијат

Добро познатиот ловџија на плагијати Стефан Вебер се сомнева во веродостојноста на дипломската работа на министерката за економија на Австрија, Кристина Ашбахер.На својата веб-страница Вебер напиша дека Ашбахер го привлекла неговото внимание поради лошото изразување на германски јазик, па затоа решил да ја провери нејзината дипломска работа.
Откако ја анализирал работата што Ашбахер ја доставил до стручното училиште во Винеrнојштат, тој изјави дека е под сите научни стандарди.Тој цитира и неколку делови од делото, кои, како што тврди, покажуваат огромни јазични недостатоци. Вебер исто така тврди дека министерката „копирала цели делови“, а нејзината хипотеза била „плагијат“.
Во кабинетот на министерот Ашбахер, се изненадени од овие тврдења и велат дека министерката димпломската работа ја правела со најдобри намери.Потсетуваат дека трудот бил поднесен во 2006 година и дека е оценет со многу добра оценка. Тие исто така наведуваат дека предавачите на таа работа, но и на работата на Техничкиот универзитет во Братислава, биле познати професори, на чиј суд се потпрела.
Вебер го привлече вниманието на јавноста со обвинувања за плагијат на дела на неколку австриски познати личности, како што се сегашниот европски комесар Јоханес Хан или поранешниот министер Томас Дрозд, а во случајот на политичарот Кристијан Бухман, овие обвинувања доведоа до одземање на неговиот докторат.
Дневниот весник „Клајн Цајтунг“ објави делови од работата на министерката Ашбахер, во кои таа преведе статија од американското списание „Форбс“. Високата школа во Винернојштад, како што беше соопштено за дневниот весник „Стандард“, ќе ја провери дипломската работа на Ашбахер, а доколку се заклучи дека е плагијат, тогаш ќе и биде одземена магистратурата. Ако тоа се случи, тоа ќе има последици за докторската диплома што Ашбахер ја стекна во Братислава минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бајден го поздрави одобрувањето на вакцината „Џонсон и Џонсон“

Американскиот претседател, Џо Бајден, изрази задоволство и го поздрави одобрението издадено од американската Администрација за храна и лекови (ФДА) за вакцините на „Џонсон и Џонсон“.
„Ја гледаме светлината на крајот од тунелот, но не смееме да го спуштаме гардот или да претпоставиме дека победата над вирусот е сигурна“, рече американскиот претседател, Џо Бајден и ги повика Американците да продолжат да ги мијат рацете, да ја одржуваат физичката дистанца и да носат маски, рече тој.
„Постојано повторувам дека сè уште е можно ситуацијата да се влоши со ширењето на новите соеви на коронавирус и сегашниот позитивен тренд во борбата против заразата да се промени“, предупреди претседателот Бајден.
Анализите покажаа дека вакцината „Џонсон и Џонсон“ е 66 проценти ефикасна во спречување на умерени до тешки форми на Ковид-19 и 100 проценти ефективна против најтешките форми на болеста за кои е потребна хоспитализација и може да биде фатална.
Свет
Курц и Путин разговараа за заедничко производство на руската вакцина

Австрискиот канцелар, Себастијан Курц, разговараше со рускиот претседател Владимир Путин за испорака и заедничко производство на вакцината „Спутник В“.
Како што беше објавено во Виена, двајцата лидери зборувале за испорака на руската вакцина, веднаш штом ќе биде одобрена од Европската агенција за лекови (ЕМА).
Според медиумите, засега е нејасно дали веќе е поднесено барање за одобрување на вакцината „Спутник В“ до ЕМА. Додека Кремљ тврди дека такво барање е поднесено, во ЕМА нема постапка за одобрување на вакцината.
Австрија, заедно со Израел и Норвешка, се залагаат за заедничко производство на руската вакцина.
На почетокот на месецот, Курц истакна дека дискусијата за вакцината мора да се спроведе без геополитички ограничувања.
Тој посочи дека Австрија, по одобрувањето, ќе се обиде да ги направи достапни производните капацитети во земјата за производство на руски или кинески вакцини.
Регион
Уапсен маж кој фрли бомба во Сараево

Полицијата со поддршка на специјалната единица, уапси синоќа маж кој фрли експлозивна направа во населбата Грдоњ, во Сараево.
Нема повредени.
За време на неколкучасовниот претрес, мажот се криел во населбата, а според босанскиот портал „Клих“, повикувајќи се на неофицијални информации, кај него биле пронајдени пушка, пиштол и бомба.
Осомничениот и бил претходно познат на полицијата и се лекувал на Клиниката за неврологија во Сараево.
Засега е непознато зошто ја фрлил бомбата.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер