Регион
Албанија им предаде на Макрон и Шолц статут за формирање ЗСО на Косово
Албанскиот премиер Еди Рама објави денеска дека вчера им го проследил на францускиот претседател Емануел Макрон и на германскиот канцелар Олаф Шолц нацртот за заедницата на општини со српско мнозинство во Косово, пренесува Радио Слободна Европа.
„Тука сум да ве информирам за еден досега непознат факт. Вчера им го препратив нацртот за ЗСО на Шолц и Макрон за што ги информирав и Шарл Мишел (претседател на Европскиот совет) и американската страна“, рече Рама.
Тој додаде дека документот е доверлив и изрази уверување дека станува збор за „документ на највисоко меѓународно ниво, кој ги зема предвид сите причини за создавање на заедницата“ и дека ЗСО ќе биде дел од Косово.
Албанскиот премиер рече дека не се консултирал со премиерот на Косово, Аљбин Курти, за изработката на статутот за формирање ЗСО и истакна дека е многу загрижен за ситуацијата во која се најде Косово.
Заедницата на општини со српско мнозинство е договорена во 2013 година во рамките на дијалогот меѓу Србија и Косово.
Две години подоцна, двете страни се договорија за принципите врз основа на кои ЗСО треба да се формира, но Уставниот суд на Косово утврди дека некои од нив не се во согласност со законите во Косово. Иако беше заклучено дека принципите може да се согласат со Уставот на Косово, косовските властите сепак одбија да ја формираат ЗСО.
Потоа, на крајот на февруари, двете страни го прифатија договорот за нормализација на односите врз основа на предлогот на ЕУ, а анексот за негова имплементација беше договорен во април.
Меѓу другото, овие документи предвидуваат ЗСО во Косово да добие одредено ниво на самоуправување, а европските и американските претставници потврдија дека тоа, всушност, е заедница на општини со српско мнозинство.
Потоа, на почетокот на мај, српската страна го претстави својот нацрт-статут за формирање ЗСО, кој беше отфрлен од Косово наведувајќи дека официјален Белград сака „уште една Република Српска“ (еден од ентитетите во БиХ).
Косовскиот премиер Аљбин Курти, од друга страна, ја претстави својата визија за обезбедување одредено ниво на самоуправување на Србите во Косово.
Инаку, формирањето ЗСО е еден од условите Србите да се вратат во косовските институции, кои ги напуштија во ноември минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Од вчера ништо не може да биде исто“: Курти на комеморацијата за убиениот полицаец
Косовскиот премиер Албин Курти на комеморацијата за убиениот косовски полицаец Африм Буњаку изјави дека „од вчера ништо не може да биде исто“.
„Фактите излегоа пред нас, во нашите очи и во очите на меѓународната заедница, како и во очите на сите оние кои имаат храброст и волја да ја видат вистината за регионот во кој живееме“, рече Курти во својот говор, соопшти Владата на Косово.
„Денес во нашата земја е ден на жалост поради заедничката тага и болка за Африм Буњаку, нашиот полициски наредник кој вчера го загубивме. Но, денеска е и денот кога на полицаецот Африм Буњаку ќе му бидат доделени највисоките национални почести, бидејќи заедно со тагата и болката чувствуваме гордост и доверба за Африм и за сите косовски полицајци“, рече премиерот на Косово.
Курти потсети дека Буњаку бил убиен вчера од „група тешко вооружени, опремени и професионално обучени луѓе“.
„ Законитост и уставност, мир и безбедност, за секого и за се без разлика“, рече Курти.
На овој комеморативен собир, постхумно му беше доделен највисокиот орден на Африм Буњаку.
Регион
Курти има за цел да го разгори конфликтот и да спроведе етничко чистење на Србите, тврди Захарова
Влошувањето на ситуацијата на Косово, што доведе до крвопролевање, е последица на политиката на „премиерот“ на самопрогласената република Албин Курти, чија цел е да го разгори конфликтот и да ја исчисти територијата од Срби, изјави официјалниот претставник на Министерството за надворешни работи на Русија, Марија Захарова.
„Вчерашното крвопролевање е директна и непосредна последица на курсот на таканаречениот „премиер“ Аљбин Курти со цел разгорување на конфликтот и чистење на територијата на регионот од Србите“, се наведува во коментарот на Захарова, објавен на веб-страница на руското МНР.
„ Со ескалирање на ситуацијата, неговите обиди да предизвика дополнителен притисок од Западот врз српското раководство за да го принуди Белград да ја признае „независноста“ на Косово се постојана игра со оган, која, како што можеме да видиме, е прескапа и го носи целиот балкански регион на опасен раб“, додаде Захарова.
Таа посочи дека „полицијата“ на косовските Албанци систематски спроведувала криминални операции против српската заедница и дека не се занимава исклучиво со заплашување на граѓаните.
„Постои директна закана од продолжување на етничкото чистење, кое претходно го практикуваа албанските екстремисти на Косово“, нагласи Захарова.
„Убедени сме дека патот кон стабилизација и долгорочно решение на Косово се одвива исклучиво преку сеопфатна имплементација на основната резолуција на Советот за безбедност на ОН 1244 и бриселските договори на Белград и Приштина од 2013 и 2015 година “, заклучи Захарова.
Регион
Амбасада на САД: Косово и Србија веднаш да се вратат на дијалогот под покровителство на ЕУ
Амбасадата на Соединетите Американски Држави во Србија ги осуди координираните насилни напади врз косовската полиција во близина на манастирот Бањска.
Амбасадата оцени дека неодамнешните насилни напади врз косовската полиција во близина на манастирот Бањска се неприфатливи.
Nedavni nasilni napadi na Kosovsku policiju kod manastira Banjska su neprihvatljivi. Pozivamo vlade Kosova i Srbije da se uzdrže od poteza kojima bi dodatno povećali tenzije i da se odmah vrate dijalogu pod okriljem EU. https://t.co/pdxJ0wGKoj
— Američka ambasada (@USEmbassySerbia) September 25, 2023
„Ги повикуваме владите на Косово и Србија да се воздржат од потези кои дополнително ќе ги зголемат тензиите и веднаш да се вратат на дијалогот под покровителство на ЕУ“, соопшти американската амбасада на социјалната мрежа Х, поранешна Твитер.
Нов протест пред Влада, се бара правда за пациентите од Онкологија
Започнаа нови протести на граѓаните на кои се бара правда за пациентите од Онкологија. Стотина граѓани побараа правда за сите...
Детали за двојното убиство во Гевгелија: Браќата не разговарале повеќе од 40 години
Oсновното јавно обвинителство Гевгелија донесе Наредба за спроведување истражна постапка против едно лице за кое постои сомнение дека сторил две...
Бектеши објави кои маркети се затворени оти не ги намалиле цените
Министерот за економија Крешник Бектеши рече дека во скопскиот регион се затворени маркети на „Веро“ и „Вива фреш“ поради непочитување...
46-годишна жена до смрт избодена во Кочани
46-годишна жена од Кочани утрово била избодена по претходна расправија со свој сограѓанин. Полицијата за „Макфакс“ потврдува дека, денеска, во...
Не сообраќаат возови на релација Скопје – Битола, во пожар изгореа 1.000 прага од пругата
Поради штета од пожарите во Битолско-прилепскиот Регион, не сообраќаат возови на пругата Скопје – Битола – Скопје. Од „Железници“ соопштија...
Македонските граѓани безбедно се упатени дома, вели Османи по случувањата во Косово
Македонските државјани сместени во хотел во непосредна близина на манастирот во селото Бањска на северот од Косово, каде што вчера...
Потребно е гаснење на малигниот пожар, кој има цел проширување и во регионот, порачува Ахмети за случувањата во Косово
Претседателот на ДУИ, Али Ахмети, преку напис на социјалните мрежи нападот во Косово го квалификува како сериозна провокација и, според...
Курти: Во полициска операција запленета поголема количина оружје
Косовскиот премиер Аљбин Курти на социјалната мрежа Х напиша дека во полициска операција е запленета поголема количина оружје. Тој додаде...
(Видео) Пукање во Босна и Херцеговина: во пекарница пронајдени тела на маж и жена
Синоќа, две тела биле пронајдени во пекарница во Завидовиќи, пишува босански „Аваз“. Avaz na licu mjesta: Horor u Zavidovićima, pucnjava...
Брнабиќ: Курти е единствениот виновен за конфликтот во Косово, ова е неговиот животен сон
Српската премиерка Ана Брнабиќ го коментира конфликтот на северот од Косово, во кој беа убиени косовски полицаец и тројца српски...
(Видео) Илјадници останаа без струја во Санкт Петербург, жителите слушнале експлозија
Вчера вечерта снема струја на рускиот аеродром „Пулково“ и во квартот Шушари во Санкт Петербург, источно од аеродромот. Според разни...
Северна Кореја одговори на критиките на Јужна: „Тоа е малигна клевета“
Северна Кореја одговори на критиките на јужнокорејскиот претседател Јун Сук Јеол за соработката на Пјонгјанг со Москва по посетата на...
(Видео) Ранетиот напаѓач префрлен во болница во Приштина: пренесен е со лисици
Еден ранет напаѓач на косовската полиција, по укажаната лекарска помош, доцна вчеравечер е пренесен на Универзитетскиот клинички центар во Приштина....
Ковачевски апелира на деескалација во Косово и уверува дека безбедносната состојба во Македонија е стабилна
Премиерот Димитар Ковачевски се огласи со коментар по денешните престрелки на северот на Косово апелирајќи на деескалација и осудувајќи ги...
Косовската полиција: Уапсен и вториот напаѓач на полицијата, ситуацијата се’ уште е тензична
Косовската полиција вечерва соопшти дека надлежните полициски единици го уапсиле вториот напаѓач, кој исто така бил во воена униформа и...
Вучиќ го осуди убиството на полицаецот: Се побунија Срби од Косово не можејќи да го трпат теророт на Курти
Србите, а не луѓето од централна Србија како што лажеа, се револтираа и не сакаат повеќе да го трпат теророт...
МНР: Седум македонски државјани меѓу кои и дете се во близина на манастирот во Косово
Министерството за надворешни работи објави дека во раните утрински часови, преку дежурниот телефон на Министерството за надворешни работи, добиена е...
Дете од Прилеп загина при пад од дрво
Малолетно момче од селото Црнилиште, Прилепско загина вчера по пад од дрво. Момчето од здобиените повреди починало на лице место. Според...
Мицкоски му посака добро здравје на Груевски: „И’ заби нож во грб на сопствената партија“
Морам да кажам дека како човек оваа јавна преписка со поранешниот претседател на ВМРО-ДПМНЕ не ме прави среќен, ниту ова...
Курти: Триесет вооружени лица продолжуваат со нападите врз косовската полиција
Косовскиот премиер Аљбин Курти изјави дека продолжуваат нападите врз косовската полиција, како и дека во нив учествуваат 30 вооружени лица....
