Мажот кој отворил оган со автоматска пушка во Голосеевскиот округ, при што загинаа цивили, е роден во Москва и имал украинско државјанство, соопшти генералниот обвинител Руслан Кравченко во објава на Телеграм.

Напаѓачот, кого полицијата го убила при обид за апсење во супермаркет, е идентификуван како Дмитриј Васиљевич Василченков (58), кој живеел токму во тој дел од градот.

Претходно живеел во Бахмут, во Доњецкиот регион, пренесува Униан.

Напаѓачот во Киев бил ликвидиран од безбедносните сили.

🇺🇦 5 dead, 10 hospitalized including a child: a gunman took hostages in a Kyiv supermarket, fired at police, and was later killed.

The attacker had ties to Ryazan, Russia, and held accounts in Russian banks.@clashreport https://t.co/9cHwHP9xhW pic.twitter.com/R0uobyPXwm

— Mario Nawfal (@MarioNawfal) April 18, 2026

Дополнителни информации изнесе новинарот Виталиј Глагола, кој тврди дека Василченков се појавувал во руски јавни групи на социјалните мрежи и зборувал за донации за Русија.

„Исто така утврдив дека служел во руска воена единица број 30274. Пронајдов и негова фотографија на социјалните мрежи, каде што е сликан во униформа со чин потполковник на руската војска. Постојат докази за двојно руско и украинско државјанство“, изјави Глагола.

🤬 It is reported that the terrorist in Kyiv previously took photos in a Russian army uniform and donated them to the occupiers. pic.twitter.com/4LZs8ArMT3

— Savchenko Volodymyr (@SavchenkoReview) April 18, 2026

Украинскиот министер за внатрешни работи Игор Клименко претходно ја опиша драматичната полициска акција во која напаѓачот бил убиен.

„Специјалните сили КОРД на Националната полиција упаднаа во продавницата во која се наоѓаше напаѓачот. Бројот на жртви во нападот сè уште се утврдува. Има загинати и повредени“, рече Клименко во објава на Телеграм.

The shooter in Kiev was killed by security forces.

The suspect’s name, according to Ukrainian media, is Dmytro Vasilchenkov, born April 21, 1968. He was born in Moscow and holds Ukrainian citizenship. He previously lived in Bakhmut in the Donetsk region, and later in the… pic.twitter.com/6q9fRR37Zi

— Victor vicktop55 commentary (@vick55top) April 18, 2026

Според достапните информации, нападот започнал на улица во киевската населба Демиевка, каде што мажот пукал кон минувачи, а потоа влегол во супермаркет и земал заложници.

Локалните медиуми пренесуваат и дека непосредно пред пукањето го запалил својот стан во истиот дел од градот.

Полицијата во округот Ваш води истрага поради сомнение за кривично дело против изборниот процес.

Партијата Тиса освои 140 мандати на изборите во Унгарија, откако не успеа да ги искористи преостанатите три шанси за зголемување на бројот на места во парламентот, додека кандидатите на Фидес-КДНП ја задржаа предноста во клучни изборни единици.

Тиса веќе победи во Домбовар, Њирбатор и Пакш, но до пладне стана јасно дека може да победи само во две изборни единици, откако кандидат на Фидес освои повеќе гласови во округот Ваш.

Во таа област кандидатот на Фидес-КДНП, Петер Аг, ја победи Викторија Штромпова од Тиса со разлика од 258 гласови, освојувајќи 46,26 отсто од гласовите, додека Штромпова доби 45,79 отсто.

По објавата на резултатите, победникот на парламентарните избори во април 2026 година во Унгарија, Петер Маѓар, се огласи на социјалните мрежи. Тој наведе дека, како што рече, „по руска метода“ имало кандидат кој настапувал под истото име, за кој тврди дека бил „лажен кандидат“, и кој освоил 909 гласови. Кандидатката на Тиса, Викторија Штромпова, на крајот изгубила со разлика од 258 гласови.

„Ова не беше чисто политичко натпреварување, туку намерна измама на гласовите“, изјави Маѓар, додавајќи дека во тек е полициска истрага поврзана со собирањето препораки.

Полициската управа во округот Ваш отвори кривична постапка во овој случај поради сомнение за кривично дело против изборниот процес.

Нема да има нови директни мировни преговори со САД додека не ги променат своите максималистички барања, изјави заменик-министерот за надворешни работи на Иран Саид Хатибзаде.

Американската и иранската делегација се сретнаа минатиот викенд во Исламабад, но разговорите траеја помалку од еден ден и не беше постигнат договор.

Белата куќа претходно оваа недела соопшти дека вториот круг разговори најверојатно би можел да се одржи во истиот град, при што Пакистан има клучна улога како посредник меѓу двете земји.

Но Хатибзаде изјави дека Иран бара да се заврши „рамковниот договор“ пред да се согласи на нов состанок.

„Сè уште не сме дојдени до фаза во која можеме да одиме на нов состанок, бидејќи постојат прашања во кои Американците сè уште не се откажале од своите максималистички позиции“, рече тој за Асошиетед прес на дипломатски форум во Турција.

Тој додаде дека во последните денови имало бројни размени на пораки меѓу двете страни. Исто така нагласи дека Иран нема да го предаде својот збогатен ураниум на САД, нарекувајќи ја таа идеја „неприфатлива од самиот почеток“.