Контакт

Свет

Апелациониот суд го поддржа суспендирањето на указот на Трамп за забрана за влез во САД, за него тоа е политичка одлука

Објавено пред

Сојузниот апелационен суд на САД во Сан Франциско едногласно го поддржа суспендирањето на извршниот указ на претседателот Доналд Трап за привремена забрана за влегувањето на американска територија на државјани од седум мнозински муслимански земји, иако во неговата уредба не се споменува зборот ислам.

 

Набрзо по објавувањето на пресудата претседателот Доналд Трамп на својот Twitter профил порача „Ќе се видиме на суд, безбедноста на нашата нација е во прашање!“.

На новинарите пред канцеларијата на неговиот портпарол, Трамп им најави дека на крајот ќе го добие случајот,а пресудата на жалбениот суд ја оцени како „политичка одлука“.

Американското министерство за правосудство објави дека ја преиспитува одлуката и ги разгледува опциите кои стојат на располагање.

На 27-ми јануари претседателот Доналд Трамп го потпиша извршниот указ 13769 „За заштита на земјата од влез на странски терористи“, со кој во рок од 90 дена се суспендира издавање визи за државјаните на седум муслимански држави: Иран, Ирак, Јемен, Либија, Сирија, Сомалија и Судан. Указот, исто така, и им наложува на Стејт департментот и на Министерството за национална безбедност да го суспендираат распоредувањето на бегалците по сојузните држави на 120 дена, како и на неодреден рок се суспендира прифаќањето бегалци од Сирија. Исто така, значително е намалена квотата за прифаќање на барателите на азил во САД во фискалната 2017 година, која таму започнува во октомври 2016 година, на не повеќе од 50.000, од претходно планираните 110.000.

Сојузниот судија од Сиетл, Џејмс Робарт на 3-ти февруари го блокираше овој указ на Трамп со што тој не важеше на целата територија на САД. Потоа на 5-ти февруари, Окружниот апелационен суд во Сиетл одби, на барање на американското министерство за правосудство, да донесе итна мерка со којашто ќе биде суспендирана одлуката на федералниот судија Робарт, а којашто се однесува на целата територија на САД за привремено поништување на привремениот извршен указ на претседателот Трамп. Овој апелациониот суд го установил рокот за министерството за правосудство за одговор на тужителот кој истекува за приговорот на тужениот. Тој требало да биде даден до понеделник.

Пресудата од четвртокот,којашто следеше по рочиштето во вторникот, не го решава правниот спор, туку се однесува на прашањето дали указот на Трамп треба да биде суспендиран за време на судската постапка.

Двајца од тричлениот судски совет ги именуваа поранешните демократски претседателот Џими Картер и Барак Обама, а еден го именуваше републиканскиот претседател Џорџ В. Буш, па одлуката и не е зачудувачка, имајќи ја предвид острата политичка поделеност во американското општество по победата на Трамп на ноемвриските претседателски избори.

Владата може да побара целиот Апелационен суд на САД за деветтиот округ, кој има 29 активни судии и е надлежен за државите и териториите на западот од Соединетите држави, да ја преиспита одлуката или директно да вложи жалба до Врховниот суд, ој најверојатно и ќе го одреди крајниот исход од судскиот спор.

Тројцата споменати судии оцениле дека и привремената повторна примена на забраната би можела да предизвика штета. Во пресудата наведуваат дека увидуваат спротиставени интереси на националната безбедност и на слободата на движење, но де владата на САД не понудила „никакви докази“ за загриженост по националната безбедност кои би ја оправдале забраната за граѓаните од споменатите седум земји. Додаваат дека владата не изнела ниеден доказ дека кое и да е лице од тие земји сторило терористички напад во САД.

Министерството за правосудство на САД напиша во неделата дека одлуката на споменатиот судија, донесена во петокот, нанесува моментална штета на американската јавност и го оневозможува спроведувањето на извршна уредба, а исто така ги доведува во прашање национално-безбедносните процени на претседателот за ризикот кој претставува влегување во земјата на одредени групи и е најдобриот начин за намалување на тој ризик.

Министерството за правосудство не објави кога ќе ја поднесе самата жалба на деветтиот окружен апелационен суд на одлуката на судијата Робарт. Во поднесокот на министерството за правосудство Трамп е наведен како еден од подносителите во својство на претседател, заедно со секретарот за внатрешна безбедност Џон Кели и државниот секретар Рекс Тилерсон.

Противниците велат дека е илегална забраната за влез за бегалците и за државјаните од седумте земји. Сојузната држава Вашингтон тврди дека забраните донеле големи штети, бидејќи некои студенти од тие држави не можеле да се вратат на универзитетите,. Но во претходно администрацијата на Трамп дека забраната нема да важи за сите оние кои поседуваат уредни американски визи во нивните пасоши, а има податок дека биле отповикани околу 60.000 визи откако указот стапи на сила на 27-ми јануари./крај/мф/сн

Регион

(Видео) Се шири пожарот во Бодрум, туристите се евакуираат со чамци за спасување

Објавено пред

Туристите во Турција денеска побрзаа кон чамците за спасување, откако им беше кажано да се евакуираат од хотелите во егејското одморалиште Бодрум поради непосредна опасност од пожар, објавија турските медиуми. Во гаснењето на пожарите учествуваат голем број пожарникари и хеликоптери, а се вклучија и доброволци.

Единиците на крајбрежната стража ја спроведоа операцијата, а властите побараа од сопствениците на приватни чамци и јахти да помогнат во евакуацијата поради непосредна опасност од нови пожари, пренесува АП.

Денеска околу пладне по локално време, избувна нов пожар во ридовите над Бодрум и брзо почна да се шири кон околните населби.

На социјалните мрежи се појавија снимки од густ црн чад што лебди над ова популарно летувалиште. На снимките што доаѓаат од Бодрум се гледа како туристите со куферите ги напуштаат хотелите, а пламенот се шири.

Според турските медиуми, градоначалникот на Бодрум, Ахмет Арас упатил апел до сите граѓани да не излегуваат на улица без потреба, освен во итни случаи, со цел да им се овозможи на пожарникарите брзо да реагираат за локализирање на пожарот.

На социјалните мрежи се појавуваат и снимки од животни кои бегаат во паника пред огнот што голта се пред себе.

Бројот на загинати во пожарите што беснеат во турските медитерански градови денеска се искачи на шест откако загинаа двајца шумски чувари, потврди турскиот министер за здравство.

Прикажи повеќе...

Свет

Британскиот премиер го очекува своето седмо дете

Објавено пред

Сопругата на британскиот премиер Борис Џонсон, Кери, објави дека е бремена по втор пат. Таа објави на Инстаграм дека двојката го очекува своето второ дете на Божиќ. На британскиот премиер ова ќе му биде седмо дете.

Двојката, која се венчаше на тајна церемонија во катедралата во Вестминстер, два месеци претходно, во април минатата година, го доби своето прво дете. Момчето го доби името Вилфред Лаври Николас Џонсон, во чест на лекарите кои го спасија премиерот од ковид.

Кери Џонсон (33) откри дека годинава имала абортус, поради што нејзиното срце било „скршено“.

„ Се чувствувам неверојатно благословена што сум повторно бремена, но се чувствував и како вреќа со нерви. Прашањето за плодност може да биде навистина тешко за многу луѓе, особено кога на платформите како Инстаграм може да изгледа дека се оди добро“, напиша таа.

Борис Џонсон зад себе има два неуспешни брака, кои завршија поради неговите афери. Од бракот со Марина, Борис има четири деца: Лара (26), Мило Артур (24), Касија (22) и Теодора (20).

Во 2009 година, тој доби вонбрачно дете со Хелен Мекинтајр. Следуваа години правна борба за да се сокријат тие информации од очите на јавноста. Меѓутоа, Апелациониот суд во 2013 година заклучи дека јавноста има право да биде информирана за тоа, бидејќи Џонсон е јавна личност.

Прикажи повеќе...

Свет

(Видео) Протести во Париз против задолжителната вакцинација, полицијата употреби солзавец

Објавено пред

Француската полиција употреби солзавец против демонстрантите во Париз кои протестираат против задолжителната вакцинација и воведувањето на задолжителни ковид-пасоши.

Планирани се големи демонстрации во повеќе од 150 француски градови, вклучувајќи ги Монпеје, Бордо, Марсеј, Ница и Нант.

Ангажирани се повеќе од 3.000 полицајци за обезбедување на „чувствителните локации“.

Пратениците донесоа закон за коронавирусот, со кој од 9 август се бара поседување на пропусница за влез во повеќе места, како на пример рестораните, бидејќи бројот на заразени лица се зголемува, а расте и бројот на хоспитализации.

Анкетите покажуваат дека повеќето Французи го поддржуваат усвојувањето на законот, но некои Французи се силно против.

За добивање пропусница потребна е вакцинација или брз негативен тест или доказ за неодамнешно закрепнување од ковид-19.

Прикажи повеќе...

Најново

Регион1 час

(Видео) Се шири пожарот во Бодрум, туристите се евакуираат со чамци за спасување

Туристите во Турција денеска побрзаа кон чамците за спасување, откако им беше кажано да се евакуираат од хотелите во егејското...

Свет2 часа

Британскиот премиер го очекува своето седмо дете

Сопругата на британскиот премиер Борис Џонсон, Кери, објави дека е бремена по втор пат. Таа објави на Инстаграм дека двојката...

Свет2 часа

(Видео) Протести во Париз против задолжителната вакцинација, полицијата употреби солзавец

Француската полиција употреби солзавец против демонстрантите во Париз кои протестираат против задолжителната вакцинација и воведувањето на задолжителни ковид-пасоши. Планирани се...

Топ4 часа

Нападната вработена во Ургентниот центар во Куманово

Вработена во Ургентниот центар во Куманово пријавила дека додека била на работното место ја нападнало едно лице. Инцидентот се случил...

Македонија6 часа

Расте бројот на заболени – потврден 81 нов случај на коронавирус во Македонија

Во последните 24 часа во Македонија е потврден 81 нов заболен со коронавирус, соопшти Министерството за здравство. Направени се 5.315...

Македонија8 часа

Две дози вакцина во Македонија примиле над 390.000 граѓани

Прва доза вакцина вчера примиле 3.302 граѓани, а вчера вкупно се вакцинирале 12.545 граѓани. Во државата вкупно се аплицирани 904.583...

Свет9 часа

„Локдаун“ во уште еден град во Австралија

Милиони Австралијци се погодени од новото заклучување, пренесува Би -Би -Си. Властите воведоа тридневно заклучување во југоисточниот дел на Квинсленд,...

Спорт9 часа

Ѓоковиќ поразен – пристигна како најголем фаворит за златниот медал, на крајот не упеа да освои ниту бронза

Олимпискиот турнир во сингл за најдобриот светски тенисер, Новак Ѓоковиќ, се претвори во кошмар. Во Токио пристигна како најголем фаворит...

Македонија10 часа

Горан Сугарески разрешен од директорската функција во Царинската управа

Владата го разреши Горан Сугарески од функцијата директор на Царинската управа. „Владата ја прифати одлуката на Комисијата за именување, Горан Сугарески да...

Економија10 часа

Државата ќе им даде 111 милиони денари помош на туристички агенции, ресторани за свадби и ноќни клубови

Владата ќе додели еднократна финансиска помош во висина од 111 милиони денари за 382 лиценцирани туристички агенции, категоризирани ресторани за...

Македонија11 час

(Видео) Државата ја зголеми наградата за олимпиецот Георгиевски

Владата на 93-та седница ја дополни одлуката за паричната награда за постигнатиот врвен олимписки успех на Дејан Георгиевски на Летните...

Регион24 часа

Вишеградската група со поддршка за „Отворен Балкан“, соработката ќе придонесе за регионална стабилност

Земјите од вишеградската група (Унгарија, Чешка, Словачка и Полска) го поздравија формирањето на иницијативата „Отворен Балкан“ (поранешен минишенген) од страна...

Регион1 ден

Српски автобус се преврте во Германија, повредени најмалку 19 лица

Најмалку 19 лица се повредени при превртување патнички автобус на германскиот автопат А13 помеѓу Стааков и Фрајвалде во правец на...

Македонија1 ден

Поради неправилности во работењето, сменет директорот на Националната библиотека „Свети Климент Охридски“

Директорот Фремзим Даути се разрешува од должноста директор на Националната установа, Национална и универзитетска библиотека „Свети Климент Охридски“ – Скопје...

Македонија1 ден

Илинден на Мечкин Камен без говор на Пендаровски, но првпат со Ахмети

Претседателот на Собранието, Талат Џафери, нема да оди да го чествува Илинден на Мечин Камен на 2 Август иако шефот...

Македонија1 ден

Пендаровски нема да ги потпише измените на Изборниот законик, смета дека има нелогичности

Претседателот Стево Пендаровски нема да потпише указ за прогласување на измените на Изборниот законик со кој се бараат потписи од...

Македонија1 ден

Двајца починати и 74 нови случаи на Ковид-19

Министерството за здравство информира дека во последните 24 часа се направени 4.582 тестирања, а регистрирани се 74 нови случаи на...

Македонија1 ден

Фирма казнета со 20.000 евра за испуштање мазут во Вардар

По пријава од граѓани за излеана темна дамка во реката Вардар кај Градско, државен инспектор за животна средина темелно ги...

Топ1 ден

Пешак загина, велосипедист тешко повреден – и во двата случаја возачите што ги удриле побегнале

Пешак во Скопје загина, а велосипедист е тешко повреден во два одделни случаја во кои биле удрени од автомобили, при...

Топ1 ден

Возачот кој усмрти пешак во Куманово бил пијан

Седумдесетгодишниот возач М.П. кој удри во пешаци во Куманово, од кои едниот почина, бил пијан, утврди кумановското обвинителство. Несреќата се...

Досие