Двајца ученици се повредени, од кои еден потешко, во пукање пред средно училиште во Далас утринава. Полицијата уапсила лице кое го поврзуваат со нападот.

Пукањето започна во кампусот на средното училиште Ламар, во предградието Арлингтон, околу 6:55 часот, пред многу студенти да се вратат на часови по пролетниот распуст.

#BREAKING On-campus shooting at Lamar High School in Arlington, TX. Suspected shooter in custody. Two students injured and being treated. MORE: https://t.co/QGBY1lAuPg pic.twitter.com/LrtwfMDFWY

— Larry Collins (@LarryNBC5) March 20, 2023

Еден ученик е повреден во самото пукање, а другиот од „шрапнел од пукањето“. Двајцата се пренесени во болница, изјави портпаролката на училиштето Анита Фостер.

#BREAKING On-campus shooting at Lamar High School in Arlington, TX. Suspected shooter in custody. Two students injured and being treated. MORE: https://t.co/QGBY1lAuPg pic.twitter.com/LrtwfMDFWY

— Larry Collins (@LarryNBC5) March 20, 2023

Ен-Би-Си Далас-Форт Ворт објави дека еден од повредените студенти е во критична состојба, а другиот има полесни повреди.

Полицијата во Арлингтон соопшти дека осомничениот напаѓач не влегол во училиштето и бил уапсен набргу откако полицајците пристигнале на местото на настанот.

Полицијата не соопштува никакви информации за лицето кое е приведено, освен дека е малолетник и е однесен во малолетнички притвор.

Високиот претставник на ЕУ за надворешна политика и безбедност, Жосеп Борел, изјави дека министрите за надворешни работи и одбрана на земјите од ЕУ, на негова сугестија, денеска се договориле да и достават еден милион артилериски гранати на Украина во следните 12 месеци.

Борел на Твитер напиша дека „направен е план во три чекори, каде што првиот чекор е да се испратат една милијарда евра за итна испорака, вториот чекор е една милијарда евра за заедничка набавка, а третиот чекор е да се создадат комисии кои драстично ќе придонеста за зголемување на воено-производствените капацитети“.

„Преземаме клучен чекор кон исполнување на нашите ветувања за обезбедување на Украина со повеќе артилериска муниција. ЕУ е посветена на побрза и поголема испорака на оружје за Украина“, напиша тој.

За прв пат земјите од ЕУ заеднички купуваат муниција, особено артилериски гранати од 155 мм од западно производство, за кои веруваат дека може да и помогнат на Украина во војната.

Кинескиот претседател Шји Џјинпинг слета денеска на меѓународниот аеродром Внуково, со што започна тридневната посета на рускиот претседател Владимир Путин.

Во моментот на пристигнувањето на Џјинпинг на московскиот аеродром имало возило кое било подготвено да го пречека кинескиот претседател, пренесуваат медиумите.

Xi Jinping llega a #Moscú para reunirse con #Putin

Xi Jinping inicia su visita oficial de tres días que Pekín ha promocionado como un “viaje por la paz” en su intento de jugar a mediador en la guerra.

Detalles en 👉🏻 https://t.co/Xs2cFaESml#China #Rusia #XiJinping #Asia pic.twitter.com/Rr8zkMjnmI

— DescubriendoChina (@Descubre_China) March 20, 2023

Имено, според написите, се работи за луксузен кинески автомобил наречен „Hunci“, кој е производ на кинескиот концерн „FAV“ и е претседателски модел на автомобил.

Првиот автомобил „Хунчи“ е произведен во 1959 година, што го прави најстариот кинески бренд за патнички автомобили.

Зборот „Хунчи“ на кинески значи „Црвено знаме“.

Најпознати модели се „E-HS9“ и три седани „H5“, „H7“ и „H9“, како и „Q“ – автомобил од типот „SUV“.

Серијата L се автомобили од репрезентативна класа, кои се направени по индивидуални нарачки и се користат за големи светски настани.

Овој автомобил е аналог на рускиот претседателски автомобил „Аурус“.

Последната етапа од летот на Боинг 747-89Ј „Ер Чајна“ со кој Џјинпинг пристигна во Москва, преку апликацијата „Flight Radar“ ја следеа повеќе од 89.000 луѓе.

Ова е јасен показател дека интересот за посетата на кинескиот претседател Џјинпинг на Москва ги надминува сите очекувања, се наведува во новинарските извештаи.

Очите на целиот свет, како што стои во напиисите, се вперени кон кинескиот лидер, а неговата посета започнува во моментот кога Меѓународниот кривичен суд во Хаг го обвини рускиот претседател Владимир Путин за киднапирање и исчезнување на 17.000 украински деца.

Поради ова е распишана потерница за негово апсење.