Свет

Бајден: Кина бргу се приближува

Објавено пред

1 месец

- 29 април, 2021

Од

За време на првиот говор во Конгресот по повод првите 100 дена од претседателскиот мандат, американскиот претседател Џо Бајден посебно внимание посвети на Кина и оцени дека таа земја бргу се приближува.

Во средата вечерта американсиот претседател порача дека САД ќе одржат силно присуство во Пацификот и вети дека ќе го интензивираат технолошкиот развој и трговијата, пренесува „Ројтерс“.

„Кина и другите земји бргу се приближуваат. Ние мора да се развиваме и да доминираме во производството и технологијата на иднината“, порача Бајден.

Во изјавата што го предизвика најсилниот аплауз на вечерта, Бајден рече дека, едноставно, нема причина зошто ветерни турбини да не се прават во Питсбург наместо во Пекинг.

Бајден повтори дека конкуренцијата со Кина е најголемиот предизвик во надворешната политика на САД.

Тој и неговите колеги демократи, како и републиканците, се согласија за построг пристап во односите со Пекинг.

„Америка ќе се бори против неправдите што ги поткопуваат американските работници и американската индустрија преку субвенции за државни компании и спречување кражба на американски технологии и интелектуална сопственост“, додаде американскиот претседател.

Тој му порача на кинескиот претседател Шји Џјинпинг дека Соединетите Американски Држави ќе одржат силно присуство во индопацификот, како што тоа го прави за НАТО во Европа – на за да почне конфликт, туку да го спречи.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:топ-тема

Следно

Бил Гејтс со нов придонес во поделбата на вакцините за сиромашните земји

Претходно

Во клиника во Германија убиени четворица пациенти, вработена е осомничена за злосторството

Свет

(Видео) Кралицата со лидерите на Г7

Објавено пред

2 часа

- 12 јуни, 2021

Од

Макфакс

Британската кралица Елизабета синоќа беше домаќин на европските лидери по состанокот на Самитот Г7.

Покрај кралицата, на приемот присуствуваат принцот Чарлс и војвотката Камила, како и принцот Вилијам и Кејт Мидлтон.

На приемот пристигнаа британскиот премиер и неговата сопруга Кери, а подоцна американскиот претседател и прва дама Џозеф и Џил Бајден, канадскиот премиер Џастин Трудо, францускиот претседател и прва дама Емануел и Брижит Макрон, италијанскиот премиер Марио Драги, германската канцеларка Ангела Меркел.

Лидерите се собраа синоќа за првпат од почетокот на пандемијата на коронавирус.

Американскиот претседател објави фотографија на лидерите со кралицата на својот профил на Твитер и напиша: „Демократијата се врати“.

Diplomacy is back. pic.twitter.com/27D316PAqB
— President Biden (@POTUS) June 11, 2021

Прикажи повеќе...

Свет

Ќе се фрлат спорните серии oд вакцините „Џонсон и Џонсон“

Објавено пред

2 часа

- 12 јуни, 2021

Од

Макфакс

Американската Управа за храна и лекови (ФДА) соопшти дека фармацевтската компанија „Џонсон и Џонсон“ ќе мора да фрли повеќе милиони дози вакцина против Ковид-19, произведени во фабриката во Балтимор.

Истовремено, ФДА одобри употреба на 10 милиони други дози од вакцината.

Според Њујорк тајмс спорниот контингент вакцини опфаќа околу 60 милиони дози.

Производството на вакцини во фабриката во Балтимор беше стопирано во април откако беше откриено дека состојките во вакцината на „Астра Зенека“, што во исто време се произведуваа во фабриката, штетно влијаеле на една серија вакцини на „Џонсон и Џонсон“.

Прикажи повеќе...

Свет

Повеќе од 1.000 новинари акредитирани за состанокот Путин – Бајден

Објавено пред

17 часа

- 11 јуни, 2021

Од

Макфакс

Повеќе од 1.000 новинари аплицираа за акредитација за состанокот меѓу рускиот и американскиот претседател Владимир Путин и Џо Бајден што ќе се одржи во Женева на 16 јуни, изјави за ТАСС портпаролот на Министерството за надворешни работи на Швајцарија, Пјер-Ален Елтшингер.

„Повеќе од 1.000 новинари поднесоа апликации. Швајцарското Министерство за надворешни работи продолжува да ги проверува добиените информации, со цел што побрзо да се заврши процесот на акредитација“, нагласи Елтшингер.

За да добијат пристап, медиумските работници мора да имаат потврда за вакцинација одобрена од Швајцарија, Европската унија или Светската здравствена организација, негативен ПЦР тест или доказ дека прележале Ковид-19.

Прикажи повеќе...