Контакт

Свет

Бездомништвото на рекордно ниво во Њујорк

Објавено пред

Рекорден број на сами возрасни лица се бездомници во Њујорк, па дури и оние што имаат покрив над главите живеат несигурно, што е дел од трендот на територијата на целата земја спротивен на наративното економско закрепнување што го рекламираат политичарите, пренесува РТ.

Повеќе сами возрасни од кога и да било порано спијат во засолништата во Њујорк, а бројот на бездомни семејства се доближува до јануарскиот рекорд од 63.839 мажи, жени и деца кои спијат во засолништа, покажува новиот извештај на Коалицијата за бездомници. Тој број дури и не ги вклучува бездомниците кои го избегнуваат системот засолништа, спијат по улици, во возовите или во напуштени згради или други импровизирани живеалишта, што значи дека вистинскиот број бездомници е веројатно многу поголем.

Бездомната популација во ноќните засолништа го соборија градскиот рекорд по бројност дури 32 пати во изминатите шест месеци, што е шокантна статистика дури и кога се гледа во контекст на рекордните 133.284 лица кои поминале најмалку една ноќ во засолниште во 2018 година.

Бројот на бездомници во Њујорк постојано се зголемува по падот од 2008 година, а популацијата во засолништата оттогаш е двојно зголемена.

Коалицијата им даде на градоначалникот Бил де Бласио и гувернерот Ендрју Куомо повеќе негаитивни оценки за нивното справување со ситуацијата, обвинувајќи ги за влошување на проблемот со одолговлекување на изградбата и одржувањете евтини станови.

И покрај ветувањето на Бласио од 2017 година дека ќе го намали бездомното население за 2.500 луѓе за пет години, нивниот број продолжува да се зголемува и е на пат да се зголеми двојно. Извештајот на Коалицијата препорачува градските и државните власти да изградат и да сочуваат 30.000 повеќе евтини станбени единици и да ги зголемат субвенциите за изнајмување и заштитата на станарите, кои во голема мера исчезнаа во градот бидејќи Менхетен, па дури и Бруклин станаа многу гентрифицирани.

Цели 14 отсто од американските бездомници живеат во Њујорк, вели Министерството за домување и урбан развој.

И ставање покрив над глава во Њујорк не е евтино. Во март извештајот на ATTOM Data Solutions посочи дека цените за домување во Њујорк се највисоки во земјата, па купувачите треба да потрошат 115 отсто од нивниот приход за да купат дом.

Повеќе од една третина од њујорчани тврдат дека не можат да си ги дозволат високите трошоци за живот, а 41 отсто стравуваат дека ќе бидат принудени да се преселат на други места поради економски причини, според анкетата спроведена во март.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Вучиќ: Од 10 ноември без ПЦР-тест меѓу Србија, Албанија и Македонија

Објавено пред

Претседателот на Србија, Александар Вучиќ изјави дека биле донесени неколку важни одлуки на видео-состанокот на тема „Мал Шенген“, чија имплементација ќе започне на 10 ноември. Она што е сигурно е дека оттогаш, граѓаните на трите земји ќе можат да патуваат од една во друга земја без ПЦР-тест.

„Имавме долг состанок со Рама и Заев и мислам дека беше важно да донесеме неколку важни одлуки, кои ќе бидат спроведени најдоцна до 10 ноември. Дотогаш сигурно ќе може да се оди во Албанија и во Северна Македонија, или пак оттаму во Србија без ПРЦ-тест“, рече Вучиќ.

Тој додаде дека во наредните денови министрите за здравство ќе формулираат договори како да си помагаат едни на други. „Да можеме да примаме пациенти од Скопје и Тирана и тие да можат да примаат наши луѓе кои се на нивна територија и како да ги регулираат трошоците“, вели српскиот претседател.

Прикажи повеќе...

Свет

Лукашенко тврди дека нема намера да побегне од Белорусија

Објавено пред

Белорускиот претседател, Александар Лукашенко, нема намера да бега од земјата под притисок на опозицијата, рече тој за време на состанокот со вработените во Министерството за внатрешни работи, пренесува „Белта“.

„Ако некој мисли дека ќе се спакувам и ќе заминам… Видете, имало ситуации кога некој веројатно треперел. Но, тука има генерали кои цело време зборуваат со мене и видоа дека влакно на главата не ми мрда. Видете, сме имале и полоши времиња кога на улиците гореа автомобили, анархисти и ѓубриња од целиот свет доаѓаа во Белорусија во средината на 90-тите, има снимки. Тие се обидоа да упаднат во владата, да постават шатори на Октомврискиот плоштад. Сè уште се сеќавам на тоа. Го издржавме сето тоа“, рече Лукашенко.

Лукашенко предупреди дека со цел да се заштити земјата, ќе бидат мобилизирани сите постојни средства, вклучително и агенциите за спроведување на законот и војската.

„Сакам не само припадиците на полицијата, кои се присутни денес, туку и војската, исто така да разберат дека војната не е војна како што беше порано, која почнува со надворешна агресија. Секоја војна ќе почне однатре. Се подготвуваше во нашата земја, во секој случај. Значи, секој треба да разбере дека ќе мобилизираме сè што имаме за да ги заштитиме нашата земја, нашите семејства и нашите деца. Би сакал да го разберете ова“, рече тој.

Претседателот ја нарече ситуацијата на западната граница на Белорусија немирна.

„Овде на Запад е немирно. Она што ми го рече државниот секретар на САД, Мајкл Помпео, тоа е добро, го забележав тоа“, рече тој.

Претходно, американскиот дипломат го увери Лукашенко дека нема закана за Белорусија од НАТО. Сепак, Лукашенко изјави дека трупите на НАТО се во движење и немирни, што го поттикнало и тој да распореди дел од белоруската војска во близина на западната граница.

„Тие се смирија, разбраа дека не се шегуваме“, рече белорускиот претседател.

Белорусија ги одржа своите претседателски избори на 9 август. Според податоците на Централната изборна комисија, актуелниот претседател Александар Лукашенко доби 80,1 отсто од гласовите. Светлана Тихановскаја, која освои 10,12 отсто, одби да ги признае резултатите од изборите и ја напушти Белорусија.

Протести избувнаа во главниот град на земјата Минск и во неколку други градови по гласањето за претседател, што доведе до судири меѓу демонстрантите и полицијата. Крајниот рок за „Ултиматумот на народот“ од опозицијата истече во неделата на 25 октомври, а беше упатен до претседателот Александар Лукашенко од страна на сега веќе прогонетата поранешна претседателска кандидатка Светлана Тихановскаја. Барањата вклучуваа оставка на актуелниот претседател, ослободување политички затвореници и крај на насилството. Опозицијата ги повика работниците во индустриските претпријатија да почнат штрајк ако овие барања не бидат исполнети.

Прикажи повеќе...

Европа

Уште еден земјотрес ја погоди Турција

Објавено пред

Уште еден земјотрес со јачина од 5,1 степен ја погоди Турција. Земјотресот е регистриран на 74 километри од Измир, пренесува ЕМСЦ.Нов земјотрес е регистриран на длабочина од пет километри, а бил почувствуван и на бреговите на Грција.

ЕМСЦ известува дека по ова било почувствувано и тресење на тлото со јачина од 3,9 степени според Рихтеровата скала на 47 километри западно од Сока.

Во водите на Егејско Море попладнево е регистриран земјотрес со јачина од 6,6 степени според Рихтеровата скала. Речиси 20 згради се урнаа во областите на западниот турски град Измир. Според досегашните податоци, шест лица загинаа, а повеќе од 200 се повредени.

Прикажи повеќе...

Најново

Регион17 минути

Вучиќ: Од 10 ноември без ПЦР-тест меѓу Србија, Албанија и Македонија

Претседателот на Србија, Александар Вучиќ изјави дека биле донесени неколку важни одлуки на видео-состанокот на тема „Мал Шенген“, чија имплементација...

Свет2 часа

(Видео) Во земјотресот во Измир досега загинаа 4, а повредени се 152 лица

Управата за вонредни состојби во Турција (АФАД) извести дека во земјотресот во Измир досега загинале 4, а повредени се 120...

Македонија2 часа

Обвинителството отвори истрага за Лидија Димова за злоупотреба на европските фондови

Основното јавно обвинителство за гонење организиран криминал и корупција отвори истрага за директорката на Националната агенција за европски образовни програми...

Македонија2 часа

Бојан Јовановски оди во домашен притвор

Апелациониот суд Скопје ја уважи жалбата на обвинетиот Бојан Јовановски – Боки 13 за предметот „Рекет“, со што ја укина...

Македонија4 часа

Царовска: Нема ширење на Ковид-19 во училиштата

Немаме ширење на Ковид-19 во училиштата, додека не се создадат услови за затворање, остануваме на овој модел, изјави министерката за...

Македонија5 часа

СОНК бара да се преиспита наставата со физичко присуство

СОНК бара Министерството за образование и наука да ја преиспита одлуката за настава со физичко присуство, односно да им овозможи...

Македонија6 часа

Советничка група на ВМРО-ДПМНЕ: Скандал е што наместо оставка, Шилегов го награди Караџовски

Советничката група на ВМРО-ДПМНЕ на град Скопје реагира за доделената награда „13 Ноември“ на епидемиологот Жарко Караџовски. Тие велат дека...

Регион7 часа

Во Хрватска 2.772 новозаразени од коронавирус, 20 починати

Во Хрватска се евидентирани 2.772 нови случаја на зараза од коронавирус, така што бројот на активни случаи во Хрватска е...

Македонија8 часа

Мицкоски предлага здравствените работници еднаш месечно бесплатно да се тестираат

Во време на ковид-пандемија, во насока да ги заштитиме тие што се грижат за нашето здравје и спасуваат животи, предлагам...

Актуелно8 часа

Почина актерот Данчо Чевревски

На 69 години синоќа во Скопје почина Данчо Чевревски, македонски театарски и филмски актер и продуцент. Чевревски е роден на...

Европа8 часа

Дарманин: Франција е во војна против исламистите

Францускиот министер за внатрешни работи, Жерар Дарманин, вели дека е можно повеќе напади да се случат на територијата на Франција...

Европа9 часа

ЕУ обезбеди 220 милиони евра за прекуграничен превоз на заболени од корона

Претседателката на Европската комисија, Урсула фон дер Лаен, во четвртокот објави 220 милиони евра помош за прекуграничен транспорт на луѓе...

Европа9 часа

(Видео) Огромен метеж во Париз, луѓето повторно празнеа полици пред новото затворање

Десетици илјади парижани синоќа предизвикаа масовен сообраќаен метеж во обид да ја напуштат француската престолнина пред почетокот на новото затворање...

Свет21 час

Автомобил удри во група луѓе во Германија – загина дете, а има и тешко повредени

Дванаесетгодишно момче загина, а тројца се тешко повредени во тешка сообраќајна несреќа што се случи доцна попладнево во Германија, пренесуваат...

Македонија22 часа

Во Скопје 390 новозаболени и петмина починати, најмладата жртва има 35 години

Во Скопје во изминатите 24 часа се регистрирани 390 нови случаи на Ковид-19 и петмина починати. Меѓу починатите најмладата жртва...

Македонија23 часа

Нови 862 заразени и 14 починати од Ковид-19 во земјава

Министерството за здравство информира дека во последните 24 часа се направени 2.699 тестирања, а регистрирани се 862 нови случаи на...

Свет1 ден

(Видео) Макрон се обрати на нацијата – нема да се откажеме од нашите вредности

Франција повторно беше цел на терористички напад, порача францускиот претседател, Емануел Макрон, во Ница, каде што утрово беа убиени тројца...

Македонија1 ден

Кривична за Лидија Димова, се товари дека злоупотребила милиони од европски фондови

Управата за финансиска полиција до Основното јавно обвинителство за гонење организиран криминал и корупција поднесе кривични пријави против директорката на...

Македонија1 ден

(Видео) За Заев е неприфатливо тоа дека македонскиот јазик извира од бугарскиот

Премиерот Зоран Заев изјави дека не се прифатливи некои од сигналите што доаѓаат од Бугарија. „Не е прифатливо“, изречно рече...

Македонија1 ден

Пендаровски: До овој момент не се размислува за полициски час каков што имавме

Претседателот Стево Пендаровски, по денешната седница на Советот на безбедност, изјави дека во овој момент не се размислува за полициски...

Досие