Контакт

Свет

Белата куќа тврди дека Пенс не е во карантин

Објавено пред

Белата куќа ги демантира информациите дека американскиот потпретседател Мајк Пенс е во карантин по информацијата дека една од неговите соработнички е заразена со коронавирус. Портпаролот на американскиот потпретседател, Девин О’Мали, соопшти дека Пенс ќе дојде денеска на работа како и вообичаено бидејќи има негативни тестови на вирусот.

„Потпретседателот Пенс ќе продолжи да ги следи советите на медицинскиот тим на Белата куќа и не е во карантин“, рече тој.

Претходно, „Блумберг“ јави дека потпретседателот на САД, Мајк Пенс, е во самоизолација надвор од Белата куќа по потврдата дека неговата портпаролка е заразена со коронавирус.

На портпаролката на Пенс, Кејти Милер, во петокот ѝ беше дијагностициран коронавирус, што е втор случај во Белата куќа по маринецот во служба на претседателот Доналд Трамп, кој беше позитивен на тестовите претходниот ден.

Пенс и Трамп секој ден се тестираат на коронавирус. Тројца членови на тимот на Белата куќа за борба против коронавирусот остануваат во изолација поради можна изложеност на вирусот, објавија американските медиуми во саботата.

Епидемиологот Ентони Фаучи, директорот на Центарот за спречување заразни болести (ЦДЦ), Роберт Редфилд, и директорот на Федералната управа за лекови (ФДА), Стивен Хан, се во изолација. Во епидемијата во САД починаа речиси 80.000 луѓе во САД.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

САД ѝ се заканија на Кина поради ситуацијата во Хонгконг

Објавено пред

Aмериканскиот советник за национална безбедност Роберт О’Брајан се закани дека Вашингтон ќе воведе санкции за Кина и Хонгконг доколку Пекинг го донесе законот за национална безбедност на територијата на Хонгконг.

„Тешко е да се согледа како Хонгконг ќе остане азиски финансиски центар доколку Кина ја преземе функцијата“, изјави Роберт О’Брајан за Ен-би-си, додавајќи дека тоа би било голема грешка од страна на Пекинг.

Тој предупреди дека во таков случај финансиската заедница нема да остане стационирана во Хонгконг.

О’Брајан објасни дека Стејт департментот нема да може да потврди дали Хонгконг го задржува високото ниво на автономија, а тоа, според него, ќе доведе до правни импликации.

„Ако ова се случи, ќе има санкции и за Хонгконг и за Кина. Кина зависи од капиталот од остатокот на светот“, рече О’Брајан.

„Ако преку Хонгконг го изгубат пристапот до него, тоа ќе биде голем удар за Си Џинпинг и Комунистичката партија на Кина“, додаде тој.

Пекинг објави нацрт-закон за национална безбедност кој предвидува формирање кинески разузнавачки агенции во Хонгконг. Документот ги зголеми стравувањата за судбината на формулата „една земја, два система“, која владее во Хонгконг откако поранешната британската колонија беше вратена под кинеска управа во 1997 година. Овој аранжман гарантира широки слободи за граѓаите на Хонгконг, кои не постојат во континентална Кина, вклучително и слободата на печатот и независно судство.

Поради ваквиот предлог-закон, во Хонгконг повторно избувнаа протести откако ситуацијата со коронавирусот предизвика затишје на оние кои претходно беа организирани поради контроверзниот закон за екстрадиција и блискота на властите во Хонгконг со официјален Пекинг.

„Денеска се уапсени најмалку 180 лица кои учествувале на нелегални собири“, се вели во полициското соопштение.

Полицијата ги осуди радикалните испади на некои демонстранти, кои, како што се наведува, кршеле излози на продавниците, фрлале шишиња од покривите и гаѓале со камења.

Прикажи повеќе...

Европа

Научниците од Оксфорд кои работат на вакцина против коронавирусот, наидоа на препрека

Објавено пред

Тимот на научници од Оксфорд кој развива вакцина против коронавирус наиде на пречка кон својата цел. Тие веруваат дека заради падот на инфективноста на болеста, ќе биде потешко да се докаже дали вакцината е успешна или не, пишува британски „Телеграф“.

„Тоа е трка против времето и вирусoт кој исчезнува“, вели Адријан Хил, директор на Институтот Џенер.

„Претходно годинава, рековме дека постои 80% шанса дека ќе развиеме ефикасна вакцина до септември. Во овој момент, постои 50% шанса дека воопшто нема да ја добиеме“, изјавил експертот чија изјава ја пренесуваат „Ројтерс“ и „Телеграф“.

Хил очекува дека помалку од 50 луѓе, од 10.000 кои доброволно се пријавиле за тестирањата на Оксфорд, ќе бидат заразени со новиот коронавирус. Тој смета дека резултатите ќе бидат бескорисни ако се заразат помалку од 20 лица. Вакцината од Оксфорд во моментов е еден од фаворитите за борба против Ковид-19 и се очекува да премине во масовно производство, доколку се докаже нејзината ефикасност. Но, со оглед на изјавите на Хил, прашање е дали воопшто научниците од Оксфорд ќе ја создадат вакцината.

Претходно британските медиуми информираа и дека оваа вакцина не го запира вирусот во тестовите на мајмуни и можно е да има само делумна ефикасност во реалноста.

Во моментов се развиваат повеќе од 100 вакцини низ целиот свет. Британската влада инвестираше повеќе од 100 милиони фунти во истражувачкиот тим од Оксфорд и верува дека до септември ќе бидат подготвени 30 милиони дози. Дотогаш, ќе биде предизвик да се најде вакцина која е ефикасна.

Научниците од универзитетот Рокфелер во Њујорк откриле дека повеќето од опоравените од Ковид-19 кои не оделе во болница, немаат антитела.

„Тоа е многу голем предизвик. Би требало да можеме подобро од ова, но не знаеме дали ќе биде така“, вели Стенли Перлман, долгогодишен научник кој работи на истражување на коронавирусот на Универзитетот во Ајова.

Прикажи повеќе...

Регион

Во Црна Гора веќе нема заразени од Ковид-19

Објавено пред

Во Црна Гора воопшто нема пациенти заразени со новиот коронавирус, по 68 дена од првиот регистриран случај, објави денеска Институтот за јавно здравје на земјата.

Во последните 24 часа биле тестирани 140 лица, пренесе порталот „Вјести“.

Како што се наведува, од избувнувањето на епидемијата во Црна Гора се разболеле вкупно 324 лица, од кои 315 закрепнале, а деветмина починале.

Во земјата нема потврдени нови случаи на инфекција веќе 20 дена по ред. Црногорските здравствени власти претходно соопштија дека крајот на епидемијата ќе биде прогласен кога вкупно 28 дена по ред нема да биде забележан нов случај на зараза.

Толку во просек траат два временски периода на инкубација на вирусот и ова е прифатено како стандард од страна на медицинските лица.

Црна Гора беше последната европска земја во која се појави коронавирусот, на 17 март.

За 70 дена изолација, поради кршење на мерките за заштита, 1.768 жители на Црна Гора добиле казни и во добротворни цели морале да платат вкупно 106 илјади евра.

Прикажи повеќе...

Најново

Свет11 час

САД ѝ се заканија на Кина поради ситуацијата во Хонгконг

Aмериканскиот советник за национална безбедност Роберт О’Брајан се закани дека Вашингтон ќе воведе санкции за Кина и Хонгконг доколку Пекинг...

Регион13 часа

Во Црна Гора веќе нема заразени од Ковид-19

Во Црна Гора воопшто нема пациенти заразени со новиот коронавирус, по 68 дена од првиот регистриран случај, објави денеска Институтот...

Европа14 часа

Австрискиот претседател го прекршил полицискиот час, полицијата го нашла во ресторан по полноќ

Австрискиот претседател, Александер Ван дер Белен, се извини денеска откако полицијата во друштво на неговата сопруга Дорис Шмидауер, по полноќ...

Европа15 часа

На миса во Франкфурт се заразиле 107 лица

Најмалку 107 лица се заразиле со коронавирус на миса на Баптистичката црква во Франкфурт, објави денеска локалниот министер за здравство....

Свет20 часа

„Њујорк Тајмс“ на насловната страница ги објави имињата на починатите од Ковид-19

Весникот Њујорк Тајмс на насловната страница ги објави имињата на починатите од Ковид-19. Вообичаени текстови, фотографии и цртежи се заменети...

Македонија21 час

Нови 37 случаи на коронавирус во земјава, нема починати

Во последните 24 часа направени се 508 тестирања, а регистрирани се 37 нови случаи на коронавирус и тоа: – Скопје...

Спорт21 час

Мечот Ливерпул-Атлетико е „одговорен“ за 41 починат од коронавирусот

Анализата на податоците на Британската здравствена служба (НХС) открива дека мечот од осминафиналето од Лигата на шампионите на Ливерпул против...

Свет21 час

Десетдневна жалост поради жртвите на коронавирусот во Шпанија

Шпанскиот премиер Педро Санчез изјави дека во јули ќе се отворат граници за странските туристи и најави дека ќе се...

Македонија21 час

Филипче: Иван е добар, следува најважниот период од неговото закрепнување

Министерот за здравство доц. д-р Венко Филипче, утрово во Клиниката за Државна Кардиохирургија го посети пациентот на кого му беше...

Регион23 часа

Хрватска од идната недела ја отвора летната туристичка сезона

Откако хрватскиот министер за туризам го претстави планот за отворање на летната туристичка сезона, во кој се предвидува дека до...

Европа24 часа

Португалски град ќе ги тестира сите жители за коронавирус

Крајбрежниот град Каскаис во близина на Лисабон планира да биде првиот во Португалија којшто ќе ги тестира сите 200 000...

Спорт24 часа

Тајсон: Сите ќе бидете шокирани од името на мојот прв противник (видео)

Мајк Тајсон тврди дека договорот за неговиот камбек во боксерскиот ринг ќе се потпише следната недела и додава дека мистериозниот...

Регион1 ден

Бугарски новинар пронајден мртов во езерото Варна

Бугарскиот новинар Георги Александров бил пронајден мртов, удавен во езерото Варна во езерскиот канал близу Аспарухово, додека работел на сторија...

Свет1 ден

И Амазонската дождовна шума погодена од коронавирусот

И, Амазонската дождовна шума, значајна за балансирање на климата во светот и борбата против климатските промени, страда од пандемија на...

Спорт2 дена

Маса: Знам, но нема да откријам во каква состојба е Шумахер

Фелипе Маса поранешниот тимски колега на Михаел Шумахер тврди дека има информации за состојбата во која се наоѓа легендарниот возач...

Европа2 дена

(Видео) Поради коронавирусот илјадници Шпанци излегоа на улиците

Илјадници демонстранти излегоа на улиците на Шпанија на повик на десничарската партија Вокс, барајќи оставка на владата на премиерот Педро...

Топ2 дена

Од две возила со автоматски пушки пукано кон скопјанец во населбата Бутел

Скопјанец пријавил дека попладнево од две возила биле испукани стотина куршуми кон него. Престрелката се случила во скопски Бутел 2....

Македонија2 дена

Васил Огњановски: Му благодарам на семејството што спаси три животи, од кои едниот е татко ми

„Операцијата се направи. Полека го будат. Очекувањата се големи. Еднаш докторите го спасија, го вратија меѓу живите, сега тоа го...

Македонија2 дена

Филипче: Бевме немоќни да го спасиме Иван – сега тој доби шанса за втор живот

„Сите ние, а и самиот пациент Иван Огњановски бевме свесни дека тој ги живее последните недели од својот живот, бидејќи...

Свет2 дена

(Видео) Американската морнарица претстави моќно ласерско оружје кое може да уништи авион во лет

Американската морнарица успешно тестираше ново оружје на воен брод. Станува збор за високо-енергетски ласер што може да сруши борбен авион...

Досие