Во последните 24 часа, во Хрватска се регистрирани 84 нови случаи на коронавирус, едно лице почина, а активни се 666 случаи.

Од 25 февруари 2020 година, кога е регистриран првиот случај на коронавирус во Хрватска, досега се евидентирани вкупно 359.115 лица заразени со новиот вирус, од кои 8.169 починале.

Закрепнале 350.280 луѓе, од кои 117 во последните 24 часа. Во моментов има 4.118 лица во самоизолација.

До денес направени се 2.106.145 тестови, од кои 4.316 во последните 24 часа.

Поранешниот претседател на САД, Доналд Трамп, се огласи за видеото на кое се гледа неговиот наследник, Џо Бајден, со спремни одговори на новинарски прашања за време на неодамнешна прес-конференција.

Трамп го сподели видеото на „Телеграм“ со коментар: „Можете ли да верувате? Не е ни чудо што нашата земја оди по ѓаволите“.

Бајден на прес-конференцијата во Корнвол, Англија, каде што се одржа самитот на Г7, беше уловен со спремни одговори.

Медиумите објавија дека неговите белешки содржеле одговори на можни новинарски прашања, вклучувајќи ги и оние што може да се однесуваат на Министерството за правда.

Holy shit this is embarrassing. Hit the pause button to see the pre-scripted notes

Joe Biden needs a flash card to remind him that he thinks everything is Trump’s fault.#DementiaJoe #PuppetJoe #Biden#G7 #G7UK #NATOSummit #cdnpoli #onpoli

pic.twitter.com/RmJQ0xyWPG

— 𝓒𝓱𝓻𝓲𝓼 ⭐ (@RealChrisKo) June 15, 2021

Така, некои од подготвените одговори гласат: „Трамп ги злоупотреби своите овластувања“, „Сега ние мора да го расчистиме тоа“, „Министерството за правда на Трамп е надвор од контрола“.

Ова не е првпат Бајден да користи белешки со спремни одговори. Западните медиуми објавија дека Бајден дошол на средбата со рускиот лидер Владимир Путин со спремни одговори на можни прашања, а ги користел и на својата прва прес-конференција во март.

Американскиот Стејт департмент ја поздрави Резолуцијата за Сребреница усвоена во Парламентот на Црна Гора во петокот.

„Позицијата на САД во врска со ова прашање е долготрајна и непоколеблива. Ова болно поглавје од европската историја никогаш не смее да се негира или заборави”, рече портпаролот на Стејт департментот за „Гласот на Америка“.

Бурни реакции се јавија еден ден откако црногорскиот Парламент усвои резолуција за забрана за негирање на геноцидот извршен во Сребреница и смената на поранешниот министер за правда, Владимир Лепосавиќ, кој одби да гласа „за“.

Милан Кнежевиќ од Демократскиот фронт изјави дека никој од граѓаните кои гласале за промени во Црна Гора и против Мило Ѓукановиќ не може да помисли дека парламентарното мнозинство ќе ги прогласи Србија и српскиот народ за геноцидни.

„Чувствувам одредена доза на срам иако гласав против таа резолуција. Сакам да се извинам на цела Србија и на српскиот народ за она што се случи во парламентот, бидејќи тоа не е мнозинството на Црна Гора“, рече Кнежевиќ.