Контакт

Европа

Брисел ја забрзува испораката на вакцини до земјите-членки поради ширењето на омикрон

Објавено пред

Европската комисија објави дека постигнала договор со Фајзер/Бионтек за испорака на 20 милиони дополнителни дози вакцина против Ковид до земјите-членки во првата половина на 2022 година за да се олесни кампањите за вакцинација.

Комисијата, исто така, објави дека истовремено ја активирала „првата опција да нарача повеќе од 200 милиони дози според третиот договор со Фајзер/Бионтек“.

„Споменатата нарачка ги опфаќа и вакцините погодни за варијантата омикрон, доколку таквата вакцина стане достапна во догледна иднина“, се вели во соопштението на Комисијата, додавајќи дека испораките треба да почнат од вториот квартал на 2022 година.

Во првиот квартал од 2022 година, „Фајзер/Бионтек“ ќе испорача 20 милиони дополнителни дози вакцина (5 милиони во јануари, 5 милиони во февруари и 10 милиони во март). Овие дози се додаваат на веќе планираните 195 милиони дози од Фајзер/Бионтек, што значи дека вкупниот број на испораки во првиот квартал би бил 215 милиони“, се вели во соопштението на Европската комисија.

Постигнат е договор и со фармацевтската компанија Модерна за испорака на дополнителни дози на вакцина во текот на првиот квартал од 2022 година, се додава во соопштението.

„Ова ќе се покаже особено корисно за земјите-членки со краткорочна потреба од дополнителни дози на вакцина“, објасни Комисијата.

„Проширувањето на вакцинацијата за сите граѓани и примената на дополнителни, засилувачки дози се клучни и итни“, изјавија шефовите на држави и влади на ЕУ во четвртокот по самитот во Брисел.

„Со оглед на очекуваниот брз пораст на инфекциите со коронавирус, омикрон, овој потег е поитен од кога било“, се вели во соопштението на Комисијата.

Комисијата посочува дека омикрон би можел да стане доминантен вид во земјите-членки на ЕУ, каде што досега целосно се вакцинирани само 67 отсто од населението.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Бундестагот денеска им оддава почит на жртвите на нацизмот

Објавено пред

Германскиот Бундестаг денеска им оддава почит на жртвите на нацизмот, на годишнината од ослободувањето на концентрациониот логор Аушвиц.

На западната фасада на Бундестагот стои пораката „#Се сеќаваме“, а денеска на седницата на Бундестагот ќе биде оддадено едноминутно молчење за жртвите на нацизмот.

Говор ќе одржи преживеаната од холокаустот Инге Ауербахер, а на свечената седница ќе присуствува, како што e најавeно, и претседателот на израелскиот Кнесет, Мики Леви.

Претседателката на Бундестагот, Бербел Бас, во пресрет на денешната седница истакна дека е застрашувачки како денес се намалува тежината на злосторствата од холокаустот и како тие се користат за политичка пропаганда, пред сè на социјалните мрежи.

„На пример, кога радикалните противници на вакцинацијата се нарекуваат себеси ‘Евреи на денешницата’“, подвлече таа.

Бас посочи дека кампањата за комеморација на жртвите на холокаустот треба да покаже дека граѓаните се обединети во спротивставувањето на обидите да се заборави или злоупотреби минатото.

Прикажи повеќе...

Европа

Лавров: САД не одговараат на најважното прашање – ширењето на НАТО кон исток

Објавено пред

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции овозможува сериозен разговор, но за споредни теми.

Лавров вели дека САД не одговориле на најважното прашање во документот што вчера го доставиле до Москва – за непроширувањето на НАТО кон исток.

„Нема позитивна реакција за главното прашање во тој документ, а главното прашање е нашата јасна позиција за недозволивоста за натамошното проширување на НАТО кон исток и распоредување на офанзивно оружје што може да ја загрози територијата на Руската Федерација“, изјави Лавров за новинарите.

Шефот на руската дипломатија кажа дека Москва ќе се фокусира на објаснување на, како што рече, лукавиот однос на САД во однос на прашањето за непроширување на НАТО и неделивост на безбедноста.

Лавров изјави и дека Русија го проучува одговорот на САД и додаде дека во блиска иднина ќе се знае содржината на тој документ. Министерот посочи дека САД побарале документот да остане во доверлив дипломатски дијалог, но дека тој е усогласен со сите сојузници на САД и со украинската страна.

„Затоа, не се сомневам дека ќе ‘протече’ во многу блиска иднина“, кажа тој.

Вчера САД и НАТО ѝ ги предадоа на Русија одговорите за нацрт-договорите за безбедносни гаранции, кои Москва им ги испрати кон крајот на минатата година.

Прикажи повеќе...

Европа

Медведев: Конфликт меѓу Русија и Америка за Украина би бил катастрофално сценарио

Објавено пред

Русија и САД треба дипломатски да ја решат украинската криза, наместо ескалација на тензиите за собирање политички поени, изјави високиот руски безбедносен функционер и поранешен претседател Дмитриј Медведев.

„Очигледно, најважниот и единствен начин да се постигне договор за безбедносните гаранции е преку политички и дипломатски средства, преговори, користење на принципот на неделивост на безбедноста“, рече Медведев, пренесуваат агенциите.

Тој додаде дека потенцијалниот конфликт меѓу Русија и Вашингтон за Украина ќе биде катастрофално сценарио и изрази стравување дека „жешките глави“ во САД и НАТО воопшто замислуваат такво сценарио.

„Сметам дека тоа никогаш нема да се случи“, рече тој.

Неговите коментари одговараат на моделот на помека, поодбранбена реторика од Москва по неколку недели поагресивни забелешки од високи функционери, пишуваат медиумите.

„Другата работа е што има многу луѓе кои заработуваат на тоа, шпекулираат со тоа. Некои го прават тоа од незнаење, други затоа што водат одредена политичка агенда“, рече Медведев.

Медведев, кој важи за близок сојузник на рускиот претседател Владимир Путин и претседател од 2008 до 2012 година, посочува на висок американски сенатор за кој рече дека јавно ја разгледал можноста за ограничен руско-американски нуклеарен конфликт.

Медвед сега е заменик-претседател на Советот за безбедност на Русија.

Прикажи повеќе...

Најново

Топ2 часа

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе наредба за спроведување истражна постапка против 21-годишниот скопјанец за кого постои сомнение за тешки дела...

Европа2 часа

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија4 часа

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа4 часа

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа6 часа

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија18 часа

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија18 часа

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија21 час

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија21 час

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ22 часа

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија23 часа

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ1 ден

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија1 ден

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ1 ден

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Македонија1 ден

Лекарската комора бара промени на казнената регулатива на Фондот

Лекарската комора остро реагира на наплатата на изречените казни за матичните лекари од страна на Фондот за здравствено осигурување. Оттаму...

Свет1 ден

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија1 ден

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Свет1 ден

Русија почна големи поморски вежби во Арктикот

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот,...

Свет1 ден

Холандија ги олабавува мерките и покрај силниот бран на инфекции – кафулињата и рестораните ќе работат до 22 часот

Холандија од денеска отвора ресторани, театри, музеи и кина и покрај силниот бран на инфекции со варијантата омикрон на коронавирусот,...

Свет1 ден

СЗО: Бројот на заразени со Ковид-19 во светот надмина 350 милиони

Вкупниот број на потврдени случаи со Ковид-19 ширум светот надмина 350 милиони, додека бројот на починати надмина 5,6 милиони, соопшти...

Досие