Контакт

Свет

Бројот на починати од коронавирус во Италија се искачи на 79

Објавено пред

Бројот на смртни случаи од коронавирусот во Италија се искачи на 79. За 24 часа, пак, се пријавени 400 нови случаи со што бројот на заразени се искачи на 2,502.

Од овој број – 160 се излекувани, а 79 починале, со што бројот на активни случаи е 2.263, според официјалните податоци на италијанското Министерство за здравство.

Од вчера, бројот на починати е зголемен за 27.

Во Италија досега се тестирани 25.800 луѓе, од кои 10 отсто од тестовите се покажале позитивни. Околу 1.000 пациенти имаат благи симптоми и се во домашна изолација, 1.024 се на лекување во болница, а 229 се на интензивна нега.

80 проценти од заразените во Италија или имаат благи симптоми или се излекувани, а најризична група се повозрасните и луѓето со други здравствени проблеми. Најголемиот број од починатите се во оваа високоризична група.

Најголем број од случаите се во Ломбардија (1.500), а 10 од 11 градови во овој регион се во карантин. Во Ломбардија се регистрирани 55 смртни случаи.

Втор најзагрозен регион е Емилија-Ромања (420 заразени и 18 смртни случаи). Трет е Венето со 307 случаи и три смртни случаи.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Кина им забрани влез на двајца австралиски научници

Објавено пред

Кина им забрани влез во земјата на Клајв Хамилтон и Алекс Јоски, двајца австралиски научници.

Кинескиот дневен весник „Глобал тајмс“, повикувајќи се на неименувани извори, известува дека научниците се противници на Кина.

Кинеското Министерство за надворешни работи не ја потврди забраната за влез, но наведе дека земјата има право да забрани влез на кој било странски државјанин и ја обвини Австралија за напнатост во меѓусебните односи, објави „Ројтерс“.

„Ние силно се спротивставуваме на какви било активности кои намерно ја напаѓаат Кина, ја загрозуваат националната безбедност на Кина или шират дезинформации под изговор за студии и други академски активности“, изјави портпаролот на кинеското Министерство за надворешни работи, Ванг Венбин.

Врските Австралија-Кина се оптоварени со трговски спорови, австралискиот повик за меѓународна истрага за потеклото на коронавирусот, кој првпат се појави во Кина кон крајот на минатата година, и обвинувања за кинеско мешање во австралиските внатрешни работи.

„Оваа забрана е сосема неочекувана, иако веќе неколку години сум на списокот на непријатели на Пекинг“, вели Хамилтон, професор по јавна етика на Универзитетот „Чарлс Старт“ во Австралија, во порака на е-пошта испратена до „Ројтерс“.

Јоски, аналитичар од австралискиот Институт за стратешка политика, на својот профил на Твитер изјави дека забраната е последна во низата обиди на кинеската Комунистичка партија да ги казни оние кои ги откриваат нејзините активности и дека тој, исто така, оценил дека ризикот од патување во Кина е преголем.

Прикажи повеќе...

Свет

Руската амбасада во САД: Вашингтон да се бори против коронавирусот, а не против руската вакцина

Објавено пред

Руската амбасада во Вашингтон ја повика американската администрација да ги насочи своите напори кон борба против коронавирусот наместо да ја критикува руската вакцина, пренесува ТАСС.

„Не обидувајте се да го минимизирате конструктивниот предлог на претседателот Путин наскоро да се одржи онлајн конференција на високо ниво за земјите заинтересирани за соработка во развојот на вакцините против Ковид-19. Спасувајте ги американските животи. Борете се против Ковид-19, не против руските вакцини“, се вели во изјавата амбасадата на Твитер.

Амбасадата ја приложи пораката на портпаролот на Стејт департментот на САД, Морган Ортагус, во која тој изразува сомнеж во ефикасноста на руската вакцина.

Во исто време, амбасадата го објави текст од брифингот за медиумите во Белата куќа, за време на кој секретарот за печат, Кејли Мекенани, рече дека претседателот Доналд Трамп не ја исклучува можноста за употреба во САД на вакцини произведени од други земји.

На прашањето за руските и кинеските вакцини, прес-секретарот одговори цитирајќи го Трамп дека ќе ѝ се поклони на земјата што произведува вакцина што функционира.

Во говорот пред Генералното собрание на ОН, рускиот претседател Владимир Путин предложи наскоро да се одржи онлајн конференција на високо ниво за земјите заинтересирани за соработка во развојот на вакцини против коронавирусот.

Американската влада ѝ одобри 1,2 милијарди долари на британско-шведската фармацевтска компанија „АстраЗенека“, која развива вакцина во соработка со научници од Универзитетот Оксфорд (Велика Британија).

Покрај тоа, администрацијата на Вашингтон обезбеди 486 милиони долари за американската биотехнолошка компанија „Модерна“ и 456 милиони долари за фармацевтската компанија „Џонсон & Џонсон“ за овие цели. „Мерк“ и „Фицер“ развиваат вакцина против коронавирус и во САД. Администрацијата на САД инвестирала вкупно 12 милијарди долари во овие проекти.

На 11 август, Русија стана првата земја во светот што регистрирала вакцина против коронавирусот, наречена „Спутник V“. Вакцината е развиена од Националниот истражувачки центар за епидемиологија и микробиологија на руското Министерство за здравство, „Гамалеја“, и ги помина клиничките испитувања во периодот  јуни – јули.

Вакцината е создадена на платформа што се користела за развој на низа други вакцини. Според руското Министерство за здравство, искуството покажува дека ваквите вакцини се способни да развијат долгорочен имунитет кој трае до две години. Шефот на рускиот Фонд за директни инвестиции, Кирил Дмитриев, истакна дека Русија добила барања за повеќе од 1 милијарда дози на вакцина од 20 земји.

Прикажи повеќе...

Свет

(Видео) Зеленски: ОН дозволуваат катастрофите да станат нова нормала

Објавено пред

Украинскиот претседател, Владимир Зеленски, во виртуелниот говор во средата на 75-тото годишно Генерално собрание на ОН ја осуди неактивноста на организцијата околу окупацијата на Крим од страна на Русија.

„На Крим флагрантно се кршат човековите права… се случуваат прогони на Украинци и на етничките Кримски Татари. Руската милитаризација на полуостровот се зголемува, што го крши и нарушува безбедносниот баланс на регионот на Црното Море“, тврди Зеленски.

Во 2014 година Русија го анектираше полуостровот Крим од Украина и го поддржа сепаратистичкиот бунт на истокот на земјата. Оттогаш, во континуираниот конфликт меѓу украинските трупи и сепаратистите поддржани од Русија загинаа повеќе од 13 000 луѓе. Примирјето во 2015 година стави крај на големите борби меѓу двете страни, но продолжуваат спорадичните борби на истокот од Украина.

На 27 јули Украина и проруските сепаратисти го договорија последниот прекин на огнот на истокот. На виртуелната дебата во ОН, Зеленски рече дека сеопфатниот прекин на огнот, и покрај обидите да се наруши, дава надеж за постигнување одржлив мир“.

Тој се осврна на обвинувањата на украинската армија дека сепаратистите ги прекршиле условите на примирјето само неколку часа по неговиот почеток на 27 јули, што сепаратистите ги негираат.

Зеленски рече дека следните чекори за постигнување мир во Украина треба да бидат повлекување на незаконски воени формации и вооружувањето од окупираните територии на Крим и Донбас во Источна Украина, проследено со враќање на контролата над украинската државна граница, како и враќање на територијалниот интегритет на Украина во рамките на меѓународно признатите граници

За да се постигнат овие цели, Зеленски повика на поддршка за обновената резолуција за човековите права во автономната Република Крим и градот Севастопол, што ќе биде доставена до Генералното собрание до крајот на оваа година.

Севастопол е најголемиот град на Крим и главно пристаниште на Црното Море. Од анексијата на Крим во 2014 година, стратешкиот град е со федерална администрација од Русија.

Зеленски го заврши својот говор со повик за деокупација на Крим и Донбас. Тој рече дека иако ОН тврдат дека ја поддржуваат деокупацијата  уште од 2014 година, тој не успева да преземе легитимни активности по ова прашање.

„Тука и лежи најголемиот проблем“, забележа тој.

Зеленски ја осуди неактивноста, велејќи дека таа претставува лош преседан дозволувајќи им на глобалните катастрофи да станат новата нормала.

Прикажи повеќе...

Најново

Македонија30 минути

Царовска на средба со наставниците: Важно е наставата да почне и покрај сите предизвици

Министерката за образование и наука, Мила Царовска, и заменик-министерот Арафат Шабани со градоначалникот на Кисела Вода, Филип Темелковски, и претседателот...

Регион2 часа

Земјотреси во Албанија и во Грција

Во Албанија утрово е регистриран земјотрес со јчина од 4,3 степени според Рихеривата скала, а земјотрес од 4,1 степен ја...

Македонија2 часа

Николоски: Заев нема да ме замолчи да зборувам за „Рекет“, денес ме тужеше, а не дојде на суд

Денес најмоќниот човек во државата, премиерот на Република Македонија, Зоран Заев, ме тужи за клевета, изјави потпретседателот на ВМРО-ДПМНЕ, Александар...

Македонија2 часа

Фетаи ја ослободи Рангелова во „Насилство во Центар“

По три и пол години судења, обвинителката Фатиме Фетаи го повлече обвинението против експратеничката Даниела Рангелова, но и против Борче...

Европа3 часа

Германија ја шири „црната“ листа

Германија стави региони од 11 европски земји на списокот со ризични области поради бројот на луѓе кои страдаат од коронавирус...

Македонија4 часа

Судењето за случајот „Меѓународен сојуз“ одложено за во октомври

Судењето за случајот познат во јавноста како „Меѓународен сојуз“ се одложува за во октомври. Како што соопшти кривичниот суд, главната...

Европа4 часа

Грците осудија двајца Руси на по 300 години затвор

Двајца Руси се осудени во Грција на по 300 години затвор за нелегален транспорт на мигранти, изјави потпретседателот на Комитетот...

Македонија5 часа

Комплетиран владиниот кабинет, избрани 16 заменик-министри

На предлог на претседателот на Владата, Зоран Заев, Собранието ги именуваше заменик-министри во Владата. Башким Хасани е избран за заменик...

Европа5 часа

Британската полиција заплени еден тон кокаин вреден 128 милиони долари

Британската полиција заплени речиси еден тон кокаин скриен во гајби со овошје од Јужна Америка и уапси двајца мажи. Вредноста...

Свет6 часа

Фаучи: Нормален живот на крајот на наредната година

Во Италија расте бројот на заразени со Ковид-19, па во последните 24 часа откриени се 1.670 нови случаи на инфекција,...

Свет15 часа

Уапсен германски лекар кој снимил силување на пациентка

Уапсен е болнички лекар од евангелистичката клиника „Бетел“ во Билефелд под сомнение дека им давал седативи на жени што доаѓале...

Македонија16 часа

(Видео) Мицкоски: Бараме да предложиме независен јавен обвинител за борба против мафијата

„Правдата во Македонија е нападната. Селективната правда денеска во Македонија е неправда. Имаме невини луѓе во затвори, луѓе што страдаат...

Свет17 часа

Нов Зеланд укина поголем дел од рестрикциите против пандемијата

Маските за лице повеќе не се задолжителни во поголем дел од Нов Зеланд бидејќи случаите на Ковид-19 продолжуваат да опаѓаат....

Свет19 часа

(Видео) Евакуирана Ајфеловата кула поради закана за бомба

Ајфеловата кула во Париз е евакуирана поради телефонски повик дека е поставена бомба, а целата област околу обележјето е блокирана....

Свет19 часа

Хајко Мас во карантин

Германскиот министер за надворешни работи, Хајко Мас, од денеска е во карантин по утврдувањето дека еден од неговите телохранители има...

Македонија20 часа

Владата даде согласност – во 169 училишта може да има настава со физичко присуство

Владата на својата 5. седница, одржана на 22 септември, го усвои и извештајот за работата на Комисијата за разгледување поднесени...

Македонија20 часа

(Видео) Пендаровски: Овој вител на кризи и закани генерира страв, потребна е солидарност меѓу државите

„Чест ми што имам можност првпат да се обратам од името на Република Северна Македонија на овој глобален форум, кој...

Македонија22 часа

Нови 183 заболени и петмина починати од Ковид-19 во земјава

Министерството за здравство информира дека во последните 24 часа се направени 1.769 тестирања, а регистрирани се 183 нови случаи на...

Македонија22 часа

Спотовите на ВМРО-ДПМНЕ со ликот на Русковска предизвикале болка и анксиозност кај обвинителката

Изборните спотови со ликот на Вилма Русковска кои се емитуваа по нарачка на ВМРО-ДПМНЕ предизвикале душевна болка и анксиозност кај...

Регион22 часа

Трите коалиции го поддржаа Кривокапиќ за мандатар на новата влада во Црна Гора

Здравко Кривокапиќ ќе биде мандатар за состав на новата влада во Црна Гора, одлучија пратениците на трите коалиции, пренесуваат црногорските...

Досие