„Му честитам на Христијан Пендиков за храброста да го одбрани своето бугарско име и покрај провокациите, заканите и насилството. Бугарија нема да толерира насилство врз Бугарите во Република Северна Македонија и нејзините граѓани и ќе ги користи сите национални и меѓународни инструменти за заштита на нивните права. Нашите меѓународни партнери беа информирани и за уште една антибугарска кампања во РСМ која ескалира последните денови“ се вели меѓудругото во објавата на Фејсбук на бугарскиот претседател Румен Радев.

Радев наведува дека „ставот на РСМ за злосторствата од омраза врз македонските Бугари е клучен не само за билатералните односи, туку и за европската перспектива на земјата. Институциите во РСМ мора со дела да докажат дека не се сочувствуваат со омразата која со децении се всадува кон Бугарија, која резултираше со палење и пукање во културни клубови и насилство врз македонските Бугари и бугарските граѓани, при што сторителите беа откриени и ефективно казнети. Бугарија ќе ги следи активностите на институциите во ПКМ за да се обезбеди животот и здравјето на своите граѓани, кои и покрај системската репресија продолжуваат да го тврдат својот бугарски национален идентитет“.

„Вклучувањето на Бугарите во уставот на ССМ е залог на нејзината европска перспектива, како и вистински ангажман на институциите во искоренувањето на јазикот на омраза кон Бугарија и Бугарите и спроведувањето на билатералниот договор за добрососедство“ стои во објавата.

Денеска Пендиков е пуштен на домашно лекување, а додека престојуваше во софиската болница, тој поднесе документи за бугарско државјанство, покрај македонското.

Светот е потресен по веста за разорниот земјотрес кој ја погоди јужна Турција.

Легендарниот турски фудбалски голман, Волкан Демирел, кој моментно е тренер на прволигашот Хатајспор преку социјалните мрежи побара помош за жителите на областа најпогодена од разорниот земјотрес.

„Ве молам помогнете. Овде сите се очајни, во Хатај сите умираат. Ве молам, ситуацијата е многу лоша. Не можеме да допреме до луѓето. Им треба помош, Боже, помогни. Испратете ги сите ресурси што ги имате. Не се само Хатај и Антакија. Ве молам, во име на Бога, овде умираат луѓе“ – вели Демирел во потресното обраќање.

😢🇹🇷 Ex-Fenerbahçe goalkeeper and current Hatayspor manager Volkan Demirel was in tears on Instagram live.

Türkiye has been hit with a very severe earthquake: 7.8 magnitude, with hundreds sadly confirmed dead. pic.twitter.com/Sr9QqyFI6v

— EuroFoot (@eurofootcom) February 6, 2023

Два силни земјотреси утринава ја погодија областа на Турција. Разорниот земјотрес бил со јачина од 7,8 степени според Рихтеровата скала, а еден час подоцна следел нов потрес со јачина од 6,7 степени.

Акцијата за спасување трае со часови, а спасувачите со сите сили се обидуваат да ги извлечат мртвите и повредените од урнатините.

Според последните податоци, бројот на загинати се искачи на 2.200 лица.

Во меѓувреме, фотографијата која го обиколи светот е бебе извлечено од урнатините. Имено, спасувачите по напорни акции успеале да пронајдат неповредено дете и да го доведат на сигурно, а судејќи по коментарите од мрежите, фотографијата расплака многумина.

Потрагата по исчезнатите и луѓето под урнатините продолжува.