Претседателот на Кина, Си Џинпинг, повика на зајакнување на стратешката координација меѓу Кина и Русија со цел да се заштитат легитимните интереси на двете земји и да се поддржи единството на земјите од глобалниот Југ.

Тој ова го изјави за време на средбата со рускиот министер за надворешни работи, Сергеј Лавров, во Пекинг, нагласувајќи дека стабилноста и безбедноста на односите меѓу двете земји имаат посебно значење во „променливата и турбулентна“ меѓународна ситуација, пренесе Синхуа.

Си истакна дека Кина и Русија треба да: ја зајакнат мултилатералната соработка, го поддржат мултилатерализмот и
заеднички да работат на зајакнување на авторитетот и виталноста на Обединетите нации.

Според него, сеопфатното стратешко партнерство и координација меѓу двете земји остануваат на високо ниво, а соработката во различни области дава позитивни резултати.

Си повика двете страни дополнително да ја продлабочат стратешката соработка и да ја унапредат дипломатската координација со цел партнерството да се издигне на повисоко ниво.

„Сеопфатното стратешко партнерство и координација меѓу двете земји одржаа високо ниво на развој, а соработката во сите области даде плодни резултати“, рече Си.

Тој исто така нагласи дека двете земји треба да ги искористат добрососедските односи и комплементарните предности за да ја продлабочат соработката и да поттикнат одржлив развој.

Си додаде дека Кина и Русија треба да ja негуваат меѓусебнaта доверба, да си даваат поддршка и да работат на заеднички развој, како и да ги спроведуваат важните договори постигнати меѓу него и рускиот претседател Владимир Путин.

Тој повика и на блиска соработка во рамки на меѓународни организации како Шангајската организација за соработка и БРИКС, со цел придонес кон создавање поправеден и порационален меѓународен поредок.

Фото: Depositphotos

Кинескиот производител на електрични возила BYD потврди дека избувнал пожар во паркинг гаража во индустриски парк во Шенжен вчера наутро. Компанијата соопшти дека во гаражата се наоѓале „тестирани и отпадни возила“. Пожарот оттогаш е изгаснат и нема жртви, објави Ројтерс.

😳 A fire broke out at a BYD parking facility in Shenzhen, China, according to Reuters

The blaze started at a multi-level garage in an industrial area, where test and decommissioned vehicles were stored. pic.twitter.com/3GckqLfJkD

— NEXTA (@nexta_tv) April 15, 2026

Снимките објавени од жителите, за кои Ројтерс потврди дека се автентични, покажаа густ црн чад како се издига кон небото додека пламените јазици зафаќаат голем дел од повеќекатната зграда. Пожарникарите и полицијата беа на местото на настанот.

#WATCH : China’s BYD says fire broke out at parking garage in Shenzhen

BYD said a fire broke out at a parking garage in an industrial park in Shenzhen on the morning of April 14.

The company stated that the garage was used for “test and scrapped vehicles” and confirmed that the… pic.twitter.com/dsKeXBkhEp

— upuknews (@upuknews1) April 14, 2026

Пожарот беше претходно пријавен од BYD и локалната противпожарна и спасувачка служба. Глобалното седиште на производителот на електрични возила се наоѓа во округот Пингшан во јужниот кинески град Шенжен. Акциите на BYD паднаа за 0,6 проценти по веста за инцидентот.

Израелската група за правно застапување побара од Меѓународниот кривичен суд да го гони шпанскиот премиер Педро Санчез за наводно „помагање во воени злосторства“ преку извоз во Иран.

Тужбата доаѓа во време на ескалација на дипломатскиот спор меѓу двете земји, кој започна со војната во Газа во октомври 2023 година и ескалираше кога Мадрид ја призна Палестина една година подоцна, објави „Тајмс оф Израел“.

Тужбата ја поднесе Шурат ХаДин, невладина организација позната по преземањето правни мерки низ целиот свет против она што го нарекува „непријатели на Израел“. Во тужбата се обвинува Шпанија дека обезбедува „компоненти што им се потребни на режимот во Техеран и неговите сојузници за воени цели“.

Во поднесокот, врз основа на член 15 од Римскиот статут, се наведува дека Шпанија одобрила извоз на таканаречени предмети со двојна употреба во вредност од околу 1,3 милиони евра. Се тврди дека овие предмети би можеле да се користат во детонатори и други примени поврзани со експлозиви.

„Ова не се безопасни индустриски производи, туку клучни компоненти што овозможуваат функционирање на експлозивни направи. Тие беа испорачани во околности каде што беше разумно предвидливо дека ќе бидат употребени за напад врз цивили“, се вели во соопштението на Шурат Хадин.

Односите Израел-Шпанија се влошуваат
Израелско-шпанските односи нагло се влошија откако Мадрид почна остро да го критикува Ерусалим поради војната во Газа, која следеше по нападот на Хамас врз Израел на 7 октомври 2023 година. Шпанскиот социјалистички премиер, исто така, се спротивстави на американско-израелската војна против Иран, што предизвика остра реакција од Израел.

Израел и САД започнаа напади врз Иран на 28 февруари, на што Техеран одговори со испукување балистички ракети и беспилотни летала врз земјите во регионот, сè додека не беше постигнат кревок договор за прекин на огнот минатата недела.

Минатата недела, израелскиот премиер Бенјамин Нетанјаху му забрани на Мадрид да учествува во работата на центарот предводен од САД за повоена стабилизација на Газа, обвинувајќи ја Шпанија дека води дипломатска кампања против Израел. На крајот, двете земји ги повлекоа своите амбасадори.