Германскиот министер за здравство Карл Лаутербах денеска изјави дека владата планира да ги укине епидемиолошките правила во текот на летото, според кои на патниците за влез во Германија им треба потврда за вакцинација против Ковид-19, негативен резултат од тестот или доказ за прележан ковид.

Лаутербах изјави за медиумската група „Функе“ дека правилата што важат за сите луѓе постари од 12 години, без разлика од каде доаѓаат во Германија, ќе бидат суспендирани од 1 јуни до крајот на август, пренесува АП.

Од почетокот на март Германија повеќе нема список на „зони со висок ризик“.

Бројот на нови случаи на коронавирус во Германија постојано се намалува, а повеќето рестриктивни мерки се укинати. Сепак, владата најави дека ќе обезбеди дополнителни 830 милиони евра за набавка на вакцини кои ќе помогнат да се сузбијат можните варијанти на коронавирусот наесен.

Десетгодишната Амери Јо Гарза била брутално убиена додека се обидувала да повика брза помош, за време на масакрот во основното училиште во Тексас, пренесуваат американските медиуми.

Девојчето добило пофалница за одличните оценки, а само неколку часа подоцна била убиена, пренесуваат медиумите.

Амери го прослави својот 10-ти роденден пред само две недели и беше застрелана додека се обидуваше да повика брза помош, рекла нејзината баба Берлинда Ајрене Ареола, додавајќи дека девојчето било исклучително отворено и омилено меѓу наставниците.

10-year-old Amerie Jo Garza holds up a school certificate naming her to the honor roll at Robb Elementary School in Uvalde, Texas at 10 a.m. Tuesday. Hours later she would be killed at school. pic.twitter.com/qMO3JSKIFu

— Michael Pegram (@MichaelPNews) May 25, 2022

„ Ве молам, не земајте ниту една секунда здраво за готово. Прегрнете го вашето семејство. Кажете им дека ги сакате“, напишал нејзиниот очув на Фејсбук.

Во основното училиште Роб во Увалде, Тексас вчера беа убиени 19 деца и двајца возрасни.

Објавени се нови детали за страшното масовно убиство што се случи вчера во Основното училиште во Тексас. Во нападот на Салвадор Рамос загинаа 19 деца и двајца возрасни, а последните информации укажуваат дека убиецот се забарикадирал во училница и ги убил своите жртви.

Во нападот загинаа двајца учители и 19 деца на возраст до десет години.

Додека Рамос пукал кон своите жртви, полицајците кружеле низ училиштето кршејќи ги стаклата на прозорците во обид да ги евакуираат децата и персоналот. Успеале насилно да влезат во училницата и да го ликвидираат напаѓачот кој пукал и кон нив, објасни портпаролот на отсекот за јавна безбедност во Тексас, Крис Оливарез.

Како што наведе, идентификувани се сите жртви и информирани се нивните семејства. Тој истакна дека во нападот се повредени неколку деца, но не кажа колку и во каква здравствена состојба се.

„Станува збор за мала училница, која може да прими од 25 до 30 ученици. Во училницата имаше двајца учители. Во овој момент немаме информации колку ученици имало внатре. Бројката може да варира“, изјави Оливарез нагласувајќи дека станува збор за организиран престој во кој престојувале групи деца.

Запрашан дали училиштето било крајната цел на напаѓачот, Оливарез рече дека сè уште има многу прашања на кои полицијата нема одговори.

„Се обидуваме да го откриеме тоа. Во случајот е вклучен и ФБИ, а ги анализираме и социјалните мрежи. Она што го знаеме за напаѓачот е дека тој бил жител на Увалде, дека учел во едно од локалните средни училишта, дека живеел со баба му и дедо му, дека е невработен, дека немал пријатели или девојка“, изјави Оливарез.

Тој истакна и дека убиецот нема криминално досие ниту, пак, бил поврзан со криминални групи.

Оливарез рече дека Рамос имал една пушка кога влегол во училиштето, а властите работат на утврдување на видот и капацитетот на пушката.

Додаде дека напаѓачот носел елек, во кој можел да чува дополнителна муниција.

Оливарез изјави дека бабата на напаѓачот, која ја застрелал пред да се упати кон училиштето, сè уште е жива и дека властите се обидуваат да ги лоцираат дедо му и членовите на неговото потесно семејство.

„Она што го знаеме е дека напаѓачот бил вклучен во инцидент со својата баба пред нападот на училиштето. Потоа ја застрелал. Побегнал со возило и бил во близина на училиштето кога полицијата ја добила првата пријава за сообраќајна несреќа и вооружено лице што влегува во училиштето“, изјави портпаролот на полицијата.