Францускиот претседател Емануел Макрон ќе го поштеди регионот на Париз од карантин за време на викенд, со цел што е можно повеќе да ја задржи отворена француската економија, иако бројот на смртни случаи не опаѓа, пренесува „Ројтерс“.

Два извори блиски до Макрон велат дека премиерот Жан Кастекс денес може да воведе заклучување во северната област Па-де-Кале, како што тоа веќе го стори во француската ривиера, но не и во главниот град и околината, додава „Ројтерс“.

„Ако можеме да го избегнеме карантинот за време на викенд во Париз, ќе го сториме тоа. Секој викенд што го добиваме е важен”, им рече Макрон на министрите.

Принцот Филип, сопругот на кралицата Елизабета Втора, беше опериран и ќе остане во болница. Британските медиуми наведуваат дека принцот бил подложен на интервенција на срцето и сè поминало во најдобар ред.

„Војводата од Единбург вчера имаше успешна интервенција поради претходни проблеми со срцето. Неговото кралско височество ќе остане во болницата за да прима терапија и да закрепне“, се наведува во соопштението на Бакингемската палата.

Војводата од Единбург беше хоспитализиран пред неколку недели поради инфекција. Потоа, на почетокот на неделата, тој беше префрлен од приватната болница „Кралот Едвард VII“ во болницата „Свети Вартоломеј“ и првично беше речено дека ќе биде задржан таму до крајот на неделата.

Неговата снаа Камила, сопругата на принцот Чарлс, вчера накусо за медиумите изјави дека Филип е добро, но дека прима терапија.

Неколку научни тимови од целиот свет работат на развој на вакцина против коронавирусот што би се давала назално, во форма на спреј.

Повеќето вакцини што се користат во моментот се даваат со инјекција во раката, но научниците веруваат дека би имало многу повеќе смисла за респираторните вируси да се гради имунитет на првото место на контакт со организмот кој се случува во мембраната на носот, устата и респираторниот тракт, пишувa шпански „Ел Паис“.

На овој начин веќе се користат неколку вакцини против грип, а се верува и дека оралната вакцина против полио (полиомиелитис), одобрена во 1961 година, помогнала да се спречи болеста, особено кај децата.

Вирологот Рик де Сварт од медицинскиот центар „Еразмо“ во Ротердам вели дека вакцините против коронавирусот, кои моментно се користат, штитат од тешки форми на Ковид-19, но дека тие не секогаш го спречуваат пренесувањето на вирусот.

„Вакцините дадени преку носот може да обезбедат подобра заштита иако останува да се види дали ќе се појават на пазарот пред крајот на пандемијата“, рече Сварт.