Свет
(Видео) Во Русија изгаснати шест шумски пожари за еден ден

Во изминатите 24 часа во регионот Тјумен се изгаснати шест шумски пожари со вкупна површина од 951,4 хектари.
Во моментов во регионот има 23 активни пожари, објави денес регионалниот кризен центар, пренесува агенцијата ТАСС.
„Пожарите што се случија во изминатите 24 часа се три шумски пожари со вкупна површина од 15,2 хектари, еден пожар на ливада со вкупна површина од 100 хектари. Во текот на изминатите 24 часа беа изгаснати шест шумски пожари на вкупна површина од 951,4 хектари“, се наведува во соопштението.
Как только теплее в стране, сразу ожидаешь, что где-то серьезно бахнет. В этот раз Тюменская область борется со стихией, к которой по факту оказалась не готова. https://t.co/vNRaZOJvRC pic.twitter.com/X2JQuvvYmS
— red_bratsk (@Rafenat2) May 28, 2021
Се наведува дека гувернерот на регионот Тјумен, Александар Мур, претходно изјави дека овој регион ги документирал најобемните пожари во изминатите 10 години.
Според кризниот центар, пожарите се гаснат со помош на воздушната служба за заштита на шумите, Министерството за вонредни состојби и единиците на Министерството за внатрешни работи и одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Сменет украинскиот министер за одбрана

Олексеј Резников повеќе не е министер за одбрана на Украина. Како што соопшти вечерва АФП, на негово место ќе дојде поранешниот директор на воената разузнавачка агенција Кирило Буданов.
#BREAKING Ukraine's Defence Minister Reznikov to be replaced by head of military intelligence Budanov pic.twitter.com/Qq3ggxSPK2
— AFP News Agency (@AFP) February 5, 2023
За потсетување, украинските медиуми денеска објавија дека украинскиот министер за одбрана Олексеј Резников наскоро ќе мора да ја напушти функцијата, а со министерството најверојатно ќе раководи Кирило Буданов, шеф на Разузнавачката служба на Украина, пренесе Индекс.хр.
Свет
Папата Франциско: Законите кои ги криминализираат ЛГБТ луѓето се грев и неправда

Папата Франциско денеска изјави дека законите кои ги криминализираат ЛГБТ луѓето се грев и неправда.
Папата ова го кажа како одговор на новинарско прашање во авионот со кој се враќаше од посетата на Африка, а во својата позиција го поддржаа двајцата црковни поглавари кои го придружуваа.
„Криминализацијата на хомосексуалноста е проблем што не може да се игнорира“, рече Папата, цитирајќи статистика која покажува дека 50 земји во светот ги криминализираат ЛГБТ луѓето „на еден или друг начин“, а 10 земји имаат закони против нив, вклучително и смртна казна.
Шеесет и шест земји-членки на ОН сè уште го криминализираат консензуалниот истополов секс, според ИЛГА Ворлд.
Во неколку земји каде истополовиот секс е нелегален, казните може да вклучуваат и смртна казна.
“Тоа не е правилно. Луѓето со хомосексуални склоности се Божји деца. Бог ги сака. Бог ги следи. Осудувањето на таков човек е грев. Криминализацијата на луѓето со хомосексуални склоности е неправда”, рече папата.
Тој истакна дека католичкиот катехизам вели дека истополовата привлечност не е грев, туку сексуалните односи се грев. Тој наведува и дека ЛГБТ луѓето не треба да бидат маргинализирани.
Папата ја повтори својата позната изјава, дадена веднаш откако стана папа во 2013 година, велејќи дека не може да им суди на луѓето со такви тенденции кои го бараат Бога.
Тој исто така истакна дека за време на неговата посета на Ирска во 2018 година, рекол дека родителите не смеат да се откажат од своите ЛГБТ деца, туку мора да ги држат во скутот на семејството каде што ќе бидат сакани,пренесе Индекс.хр.
Свет
Нападнат хеликоптер на ОН, едно лице загина

Едно лице загина, а друго е рането при пукање врз хеликоптер кој летал на средна височина за време на мисијата на ОН МОНУСКО во ДР Конго.
Во престрелката е убиен еден член на мисијата на ОН од Јужна Африка, додека друг е тешко ранет. Престрелката се случила на истокот на земјата, соопшти мисијата на ОН.
Хеликоптерот бил на лет за Гома, главниот град на провинцијата Северен Киву, каде што успеал да слета.
Засега не се знае кој пукал во хеликоптерот, ниту пак точната локација од која е направено тоа.
Мировната мисија на ОН од околу 18.200 војници е распоредена во источно Конго откако ја презеде функцијата од претходната операција на ОН во 2010 година.
Нејзиниот мандат вклучува поддршка на напорите на владата на Конго за стабилизирање на регионот потресен од бунтовничкото насилство.
Да потсетиме, минатата година во сличен инцидент во ДР Конго беше убиен припадникот на војската на Србија, потполковник Дејан Станојевиќ, пренесе Б92.