Контакт

Свет

(Видео) Голем пожар во најпознатиот затвор во Иран, истрели и повредени

Објавено пред

Доцна синоќа избувна голем пожар во озлогласениот затвор Евин во Иран во кој се сместени политички затвореници, новинари и странски државјани. Одекнаа и истрели и експлозии.

dobivaj vesti na viber

Според последните информации осум лица се повредени, но се уште не се знае зошто и како избувнал пожарот. Иако иранските власти се смирени, на интернет продолжуваат да се појавуваат видеа кои фрлаат сомнеж во нивните зборови.

На интернет се појавија видеа на кои се гледа како пламен и чад дивеат од озлогласениот затвор во иранската престолнина. Истрели и експлозии се слушаат од затворот Евин. Иако според снимката, се чини дека пожарот продолжува, официјалниот претставник за локалните медиуми изјавил дека ситуацијата е под контрола, пренесе „Би-Би-Си“.

Иран веќе неколку недели се соочува со антивладини протести. Тие прво избувнаа поради смртта на 22-годишната Маша Амини, која почина од рацете на иранската морална полиција. Тамошните власти соопштија дека девојчето починало од срцев удар, но нејзиното семејство ги оспорува наводите и тврди дека таа починала како резултат на полициска бруталност.

Според британските медиуми, се уште не се знае дали инцидентот во затворот е поврзан со неодамнешните протести. Но, може да бидат, бидејќи неколку стотици демонстранти беа затворени во самиот затвор Евин. Гувернерот на Техеран за државната телевизија изјави дека дошло до неред во едно од крилата на затворот каде што се затвораат ситни криминалци, но дека ситуацијата сега е целосно мирна.

Сепак, ситуацијата во затворот се уште е нејасна, бидејќи на интернет продолжуваат да се појавуваат видео снимки од пожарот и истрелите. Други објави покажуваат како затвореници се качуваат на покривот на затворот.

Според државната агенција ИРНА, во пожарот се повредени осум лица.

Семејствата на некои затвореници рекоа дека не можеле да стапат во контакт со нивните роднини како што инаку би можеле да стапат, а дека и интернет-врската во затворот била прекината.

Затворот долго време е цел на критики од западните групи за човекови права. Хјуман рајтс воч ги обвини затворските власти за закани со тортура и неопределено затвор, како и долги испрашувања и одбивање медицинска нега на затворениците.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

„Фајненшл тајмс“: Кинескиот милијардер и основач на „Алибаба“ се крие во Токио

Објавено пред

Милијардерот и основачот на „Алибаба“, Џек Ма, наводно се крие во Токио со своето семејство по колапсот на најголемите кинески технолошки компании.

dobivaj vesti na viber

Ма, основачот на гигантот за е-трговија „Алибаба“, кој некогаш беше најбогатиот човек во Кина, ретко е виден во јавноста откако го критикуваше односот на кинеските регулатори кон технолошките компании на самитот во Шангај пред две години.

Денес „Фајненшл тајмс“, кој е во сопственост на јапонската медиумска компанија „Никеи“, откри дека Ма неодамна живеел во Јапонија.

Повикувајќи се на анонимни извори, весникот наведува дека Ма со семејството живее во Токио речиси шест месеци. „Фајненшл тајмс“ пишува дека Ма го поминува времето одејќи во скијачките центри во едно јапонско село и редовно патува во САД и Израел.

Кинеските регулатори ја блокираа продажбата на акции од 34 милијарди долари во подружницата на „Алибаба“ за онлајн плаќања Ant Group, што би била најголемата понуда на акции во историјата.

Ма, познат по својата отворена природа и ексцентрични црти, ги обвини регулаторите за задушување на иновациите. Неговите коментари, наводно, го налутиле кинескиот претседател, Шји Џјинпинг.

Пекинг, исто така, нареди Алибаба да продаде дел од своите медиумски средства, вклучително и хонгконгскиот „Саут Чајна морнинг пост“.

Неколку месеци подоцна „Алибаба“ беше казнета со рекордни 2,8 милијарди долари поради антиконкурентни практики.

Прикажи повеќе...

Свет

Пентагон: Кина до 2035 тројно ќе го зголеми својот нуклеарен арсенал

Објавено пред

Кина до 2035 година најверојатно тројно ќе го зголеми својот нуклеарен арсенал, до кога ќе има 1.500 нуклеарни боеви глави, соопшти денеска Пентагон во извештај во кој се истакнува постојаното подобрување на кинеската авијација.

dobivaj vesti na viber

Бројката ја нагласува зголемената загриженост во САД за намерите на Кина да го прошири својот нуклеарен арсенал, иако прогнозите не покажуваат забрзување на и онака брзиот развој на боеви глави во Кина.

„Трупањето е брзо и преголемо за да се прикрие. Тоа го покренува прашањето дали Кинезите се оддалечуваат од стратегијата што ја нарекоа ефикасно одвраќање“, изјави висок официјален претставник на американската одбрана на брифинг со новинарите за годишниот извештај на Пентагон за кинеската војска.

Во извештајот, главно заснован на анализа од 2021 година, се наведува дека Кина во моментов во своите резерви има повеќе од 400 боеви глави.

Пентагон предвидува дека кинескиот нуклеарен арсенал до 2030 година ќе брои 1.000 боеви глави, а проекцијата за 2035 година се заснова на рамномерното темпо на развој.

Кина тврди дека нејзиниот арсенал е минорен во споредба со американскиот или рускиот и дека е подготвена за дијалог, но само доколку Вашингтон го намали своето количество на нуклеарно оружје на кинеско ниво.

САД поседуваат приближно 3.700 нуклеарни боеви глави, од кои распоредени се околу 1.740, според Стокхолмскиот меѓународен институт за истражување на мирот.

Прикажи повеќе...

Европа

(Видео) Албанци го блокираа Лондон за прослава; Фараж: Боже помогни

Објавено пред

Голем број Албанци синоќа излегоа на улиците на Лондон за да го прослават Денот на независноста на нивната земја. На бројни видеа од центарот на Лондон се гледаат мажи и жени во скапи автомобили како веат албански знамиња додека полицајците бараат од нив да престанат да го блокираат сообраќајот.

dobivaj vesti na viber

„Полицијата е известена дека на одредени патишта се собира поголема група возила. Нашите припадници веднаш излегле на терен со цел да се минимизира можноста за нарушување на сообраќајот“, се вели во соопштението на полицијата. Оттаму додаваат дека при полициската акција е приведено едно лице.

„Додека мажите во автомобили свиреа и дрифтаа, девојчињата во народни носии изведуваа традиционални народни ора, а беа фрлани и петарди. Видеата и фотографиите кои се раширија на социјалните мрежи предизвикаа бурни реакции кај другите лондончани“, пишува Дејли мејл.

„Албанците во Лондон кои го славеа Денот на независноста себично ги блокираа плоштадите Странд и Трафалгар додека луѓето го напуштаа киното во 22 часот“, се налути еден корисник на Твитер.

„Една од причините што ми требаше толку долго да се вратам дома вчера“, додаде друг корисник.

Свој коментар даде и Најџел Фараж, британски политичар и еден од најпознатите поддржувачи на брегзит. „Ова се случуваше синоќа во Лондон. Господ нека ни е на помош“, напиша Фараж на својот твитер-профил.

 

Прикажи повеќе...

Најново

Македонија20 минути

Државна вечера во чест на Штајнмаер, Пендаровски наздрави за заедничка европска иднина

Дозволете ми со оваа крената чаша да ве повикам да наздравиме во чест на македонско-германското пријателство, соработката и заедничката европска...

Свет3 часа

Катар за првпат призна: Стотици работници загинаа при работа за Светското првенство во фудбал

Шефот на Светското првенство во Катар, Хасан Ал-Тавади за првпат потврди дека стотици работници – мигранти загинале за време на...

Свет3 часа

Заедничка изјава на министрите на НАТО во Букурешт: Решени сме да ја зголемиме помошта за Украина

НАТО ќе ја зголеми помошта за Украина, не само со воена опрема, туку и за обновување на критичната инфраструктура и...

Македонија5 часа

Штајнмаер во Собранието: Вие решавате како треба да изгледа македонскиот идентитет денес и во иднина

Германскиот претседател, Штајнмаер, во обраќањето во парламентот за време на денешната посета во Скопје ја реафирмираше германската поддршка за членството...

Македонија6 часа

(Интервју) Ленин Јовановски: Од Арсовска зависи дали в петок Скопје ќе биде блокирано

„Арсовска е маќеа на цело Скопје“, вели Ленин Јовановски, директор на „Слобода превоз“, во интервју за „Макфакс“. Од градоначалничката на Скопје,...

Македонија10 часа

Почина доктор Јовица Угриновски

По долго и тешко боледување, утрово почина доктор Јовица Угриновски. Веста ја објавија од болницата „Неуромедика“.   View this post...

Македонија10 часа

Дискриминирачки е 10.000 денари повисока плата да имаат вработени во министерства и секретаријати, предупреди Комисијата

Неоправдано е административците вработени во министерства и секретаријати да имаат 10.000 денари повисока плата од другите административци вработени до институциите,...

Свет11 часа

Русија планира гасна унија со две соседни земји

Русија разговара за потенцијална гасна унија со Казахстан и Узбекистан со цел да го зголеми снабдувањето со гас меѓу трите...

Македонија11 часа

Претседателката на Судскиот совет поднесе оставка

Претседателката на Судскиот совет, Павлина Црвенковска, поднесе оставка од функцијата. „Ја известувам јавноста дека поднесувам оставка од позицијата претседател на...

Европа11 часа

Столтенберг: Ќе ја браниме секоја педа од нашата територија

Генералниот секретар на НАТО, Јенс Столтенберг, денеска во Букурешт изјави дека воената алијанса е подготвена да ја брани секоја педа...

Свет12 часа

Папата Франциско ги навреди Русите, Захарова бурно реагира

Папата Франциско изјави дека најсурови меѓу руската армија во Украина се Чеченците, Бурјатите и другите „што не се дел од...

Свет12 часа

Унгарија, поради скапата струја, затвора стадиони, библиотеки, театри и базени

Драстичниот пораст на цените на енергијата ја принуди Унгарија да ги затвори библиотеките, театрите, базените и нејзините нови стадиони во...

Македонија13 часа

МОН: Испорачан дел од новите печатени учебници за основно образование

Министерството за образование и наука информира дека испораката на учебниците за прво, второ, четврто и за петто одделение во основното...

Свет13 часа

Британскиот премиер: Заврши златната доба на односите со Кина

Британскиот премиер Риши Сунак синоќа изјави дека т.н. златна ера на односите со Кина заврши со оценување дека таа земја...

Свет13 часа

Кличко: Нема да дозволиме Путин да ни го украде Божиќ, ќе поставиме новогодишни елки во Киев

Киев планира да постави новогодишни елки, без светилки, во оштетениот град и покрај нападите на руската инфраструктура, кои оставија делови...

Европа1 ден

Шефот на НАТО: Путин сака да ја искористи зимата како оружје за војна

Русија најверојатно ќе продолжи да ги напаѓа украинската електрична мрежа, гасната инфраструктура и основните услуги за луѓето, изјави генералниот секретар...

Економија1 ден

Евростат: На Европejците сè потешко им е да врзат крај со крај

Сè повеќе Европејци сè потешко врзуваат крај со крај поради растот на цените кои ги намалуваат нивните приходи, се наведува...

Европа1 ден

Француски пратеник: „Зеленски сака да ја вовлече Европа во трета светска војна, тој е опасна личност“

Франција треба да престане да му доставува оружје на Володимир Зеленски, кој се обидува да започне трета светска војна, рече...

Топ1 ден

Приведен малолетник кој извршил обљуба врз малолетничка од Скопје

Ноќеска по полноќ, бил приведен малолетник кој се сомничи дека извршил обљуба врз малолетничка од Скопје. Имено, според полицијата, денеска...

Европа1 ден

Вучиќ од Норвешка: Ситуацијата на Косово врие, Курти се повикува на силата на западните земји

Претседателот на Србија, Александар Вучиќ, е во посета на Норвешка, каде што денеска и утре ќе разговара со државниот врв....