Премиерката на Србија, Ана Брнабиќ, изјави дека било планирано убиство на претседателот на Србија, Александар Вучиќ.

Според неа, атентатот бил детално и долго планиран, а требало да биде извршен на 27 јануари годинава, на откривање на споменикот на Стефан Немања во Белград.

„Планиран е долго и детално. Формирани се паралелни структури во МВР и водени се кампањи во тајкунските медиуми кои ги пренесуваа медиумите во регионот за дехуманизација на Вучиќ и од него и неговото семејство направија криминален клан“, рече Брнабиќ за ТВ Пинк.

Таа не наведе детали зошто обвинителството не покренало постапка против одговорните.

„Ако го застрелаа Вучиќ, ќе направеа наратив дека тоа е природно: ‘Кој знае во што се вмешани тој и неговото семејство’. Се случуваа многу работи во МВР. Монструозно е колку добро таа мрежа беше поврзана“, посочи Брнабиќ.

Таа нагласи дека надлежните служби се занимаваат со тие случаи и дека нема да бидат заштитени без разлика на „име и презиме, функција и партиска припадност“.

„Знам дека Српската напредна партија е единствената партија во историјата на Србија која рече дека сите се третирани еднакво и дека нема заштитени“, рече Брнабиќ.

Според неа, врз Вучиќ се врши притисок преку напади врз неговиот син Данило, бидејќи, како што кажа, не може да му забележат ништо што е поврзано со економските и политичките прашања.

Кина досега целосно вакцинираше 75,6 отсто од своето население против коронавирусот, изјави портпаролот на Националната здравствена комисија Ми Фенг.

„Околу 1.068 милијарди луѓе сега се вакцинирани со потребните дози, од вкупното население од 1.412 милијарди“, рече Ми на брифингот со новинари, пренесуваат светските медиуми.

Во земјата се дадени 2,245 милијарди дози вакцина против Ковид-19 до 23 октомври.

Кина во голема мера го ограничи ширењето на инфекцијата во повеќето области, а спорадичните локални епидемии се мали во споредба со оние во другите земји.

Сепак, Ми предупреди дека постои зголемен ризик од повторно разгорување на епидемијата.

Промовирањето на новоименуваниот ирански гувернер Зеинолабедин Корам беше драматично прекинато откако маж излезе на говорницата и му удри шлаканица.

Инцидентот се случи додека Корам, новиот гувернер на провинцијата Источен Азербејџан, држеше говор во џамија во градот Табриз на североисток од земјата, пренесува Си -Ен -Ен.

The newly appointed governor of Iran’s East Azerbaijan province, Zeinolabedin Khorram-Razavi known as Abedin Khorram, was slapped on the face during his inauguration ceremony in Tabriz on Saturday.https://t.co/n5RrFxWTiB pic.twitter.com/wt2fN3o091

— AVA TODAY (@ava_today) October 24, 2021

На видеото објавено на интернет од иранската новинска агенција Фарс се гледа како маж мирно му приоѓа на Корам, му удира шлаканици, а потоа го турка. На снимката се гледа како обезбедувањето трча кон мажот, кој е идентификуван како Ајуба Ализадех, припадник на иранските вооружени сили, и го влече од бината.

На настанот присуствуваа министерот за внатрешни работи на Иран, претставници на канцеларијата на Ајатолах Хамнеи и други високи државни функционери.

Во интервју за државната телевизија ИРИБ, новиот гувернер рече дека не го познава лично сторителот.

Мотивот за нападот сѐ уште не е утврден.