Свет
(Видео) Експлозија на гас срамни со земја зграда во Иран, има и загинати

Најмалку три лица загинаа, а шест се повредени во експлозија на гас во Иран, пренесуваат светските медиуми.
#عاجل | مقتل اثنين وإصابة ستة آخرين على الأقل في انفجار غاز داخل أحد المنازل بالقرب من سوق العامري الشعبي بمنطقة #الأهواز جنوب #إيران، وما زال البحث جارياً لاكتشاف محاصرين تحت الأنقاض pic.twitter.com/WpX2Sc2IJu
— 24Live (@20fourLive) October 11, 2020
Инцидентот се случил во градот Ахваз, во провинцијата богата со нафта – Кузестан, во југозападен Иран.
Oct 11—Ahvaz, SW #Iran
Gas explosion in a house near a market has left at least three dead & six injured, according to reports from locals.Nearby stores have been heavily damaged.
Search & rescue operations continue. pic.twitter.com/IeQoPFclgX
— Heshmat Alavi (@HeshmatAlavi) October 11, 2020
На видео снимката, која ја емитувала државната телевизија ИРИБ, се гледаат урнатините од зградата, која е срамнета со земја и спасувачки екипи кои трагаат по преживеани, пренесе Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Владата на Орбан нема да испраќа оружје за Украина

Унгарскиот шеф на дипломатијата, Петер Сијарто, во разговор за CNN ја брани одлуката на владата на Виктор Орбан да продолжи да купува руски енергенти, но и да не испраќа оружје во Украина.
Унгарскиот шеф на дипломатијата рече дека обидот за замена на руски енергенти со некои други „вклучува префрлање трошоци за унгарскиот народ“.
За одлуката да не ѝ праќаат оружје на Украина, Сијарто рече дека Унгарија „не сака да ризикува руски напад на 150.000 Унгарци кои живеат на западот на Украина“.
„За нас главна цел е да не се мешаме во оваа војна“, рече Сијарто.
Свет
Скелет од горгосаурус на аукција би можел да достигне цена од 8 милиони долари

Скелетот на диносаурусот горгосаурус ќе се најде на аукција за прв пат и се очекува да достигне цена меѓу пет и осум милиони американски долари, објави „Сотби“.
Аукциската куќа на 28 јули ќе го стави на продажба скелетот на диносаурус висок три метри и долг 6,70 метри. „Сотби“ наведува дека е еден од највредните диносауруси што некогаш се појавиле на пазарот.
Горгосаурусот талкал по земјата пред приближно 77 милиони години. Возрасен мажјак тежел околу два тона и бил малку помал од неговиот попознат роднина тираносаурус рекс.
Палеонтолозите велат дека бил пожесток и побрз од Т-Рекс, со јачина на гриз од околу 42.000 њутни, во споредба со 35.000. Скелетот е откриен во формацијата на реката Џудит во близина на Авр, Монтана, во 2018 година.
Ова е прв пат „Сотби“ да стави цел скелет од диносаурус на аукција откако го продаде T-Reкс Сју во 1997 година за 8,36 милиони долари.
Европа
Украинско обвинителство: Русите убиja најмалку 340 деца

Најмалку 340 деца се убиени во руските напади врз Украина, објавија од кабинетот на главната украинска обвинителка.
Од почетокот на војната на 24 февруари година досега се повредени 645 деца, се наведува во соопштението.
„Овие бројки не се конечни и Обвинителството работи на утврдување на точната бројка на самото место на случувањата. Поголемиот дел од овие бројки се однесуваат за регионот на Донбас, па следуваат регионот на Харков и Киев. Голем број жртви се потврдени во Чернихив, Миколаев и Запорожје“, се наведува во соопштението.