Свет
(Видео) Зголемен бројот на загинати во Лос Анџелес: „Многу делови од градот изгледаат како да се бомбардирани“

Бројот на загинати во пожарите што беснеат низ Лос Анџелес се искачи на 24, соопштија утрово властите. Канцеларијата на судски вештак во округот Лос Анџелес објави список на жртви, вклучувајќи осум лица загинати во пожарот во Пацифик Палисадес и 16 лица загинати во пожарот во Итон.
И покрај предупредувањата дека секој обид за навлегување во областа на пожарот е од висок ризик, многу луѓе кои беа принудени да ги напуштат своите домови се собираат на контролните пунктови управувани од полиција, надевајќи се дека ќе добијат шанса да видат во каква состојба се нивните домови и дали се уништени.
„Не можат да одат дома, едноставно затоа што е опасно“, рече шефот на пожарникарите во Лос Анџелес, Ентони Мароне. „Наш заеднички приоритет е… да ги вратиме луѓето дома што е можно поскоро“, рече тој на прес-конференција, додавајќи дека тоа нема да биде можно до среда, поради предвиденото засилување на ветровите.
„Бидете уверени, во четврток, разговорот за враќање на луѓето во нивните домови ќе биде приоритет за нас“, рече Мароне. Некои жители чекаа во ред 11 часа за брза обиколка со придружба на нивните домови во евакуираната област.
На некои не им беше дозволено ниту да ги обиколат своите домови со придружба, бидејќи пожарникарите стравуваа дека силниот ветер може да ја влоши ситуацијата во областите зафатени од пожарот. Шефот на противпожарната служба рече дека ќе се постави систем кој ќе им овозможи на жителите да проверат на интернет дали нивните домови се уништени или оштетени.
„Знам дека многу луѓе во мојата област се разочарани и фрустрирани, но безбедноста е наш приоритет број еден“, рече градскиот советник на Лос Анџелес, Трејси Парк.
Бројот на евакуирани лица во моментов е околу 100.000, што е значително помалку во споредба со околу 180.000 во претходните денови. „Многу области сè уште изгледаат како да се бомбардирани“, рече шерифот на округот Лос Анџелес, Роберт Луна, истакнувајќи ја опасноста од соборените далноводи и гасоводи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Руските дипломати се под огромен притисок, добиваат смртни закани

Руските дипломати се под огромен притисок и добиваат смртни закани, изјави денеска Марија Захарова, официјална претставничка на руското МНР.
Во коментар за ТВ каналот „Русија-24“, таа истакна дека е важно секој дипломат „да ја живее судбината на својата земја“, пренесува агенцијата ТАСС.
„Кога се чини дека нема сила и не можете ни да замислите под каков притисок се нашите дипломати, се наоѓаат внатрешни ресурси. Тоа е искрен, вистински патриотизам“, рече Захарова.
Регион
Дојава за бомба во средно училиште во Загреб, полицијата: Учениците се безбедни

Извештај за закана за бомба дојде од Загребското стручно училиште за лични услуги, лоцирано на улицата Савска, објавија хрватските медиуми.
Полицијата по пријавата веднаш излегла на местото на настанот. Од загрепската полиција за хрватски Индекс потврдиле дека добиле пријава.
„По електронска порака која пристигна на адресата на воспитно-образовната установа, истата е евакуирана, а учениците се безбедни. Полициски службеници веднаш се испратени на местото на настанот и ги спроведуваат сите неопходни превентивни дејствија“, накратко изјавиле од полицијата.
Како што пренесе Индекс, полицијата нагласила дека учениците не се во животна опасност и побарала да не се шири непотребна паника. Нејасно е дали оваа дојава е поврзана со оние кои минатата недела пристигнаа на адресите на околу стотина средни училишта низ Хрватска. Сите дојави беа лажни.
Свет
Американец осуден на 475 години затвор поради злоставување животни

Маж од Џорџија, за кој властите соопштија дека чувал повеќе од 100 кучиња во сурови услови во својот дом, е осуден на 475 години затвор, откако минатиот месец беше прогласен за виновен за борби со кучиња и суровост кон животните, соопштија обвинителите.
Според Њујорк Тајмс, Винсент Лемарк Бурел (57) од Далас, Џорџија, на 30 јануари е прогласен за виновен по 93 точки од обвинението за организирање борби со кучиња и 10 точки од обвинението за суровост кон животните.
Пресудата беше донесена по четиридневното судење за време на кое властите рекоа дека пронашле 107 кучиња, многу од нив неухранети, со лузни и без заби, врзани со синџири во неговиот двор во 2022 година, се вели во соопштението на Канцеларијата на државното обвинителство во окригот Полдинг. Судијата Дин Ц. Бучи од Врховниот суд на округот Полдинг му изрече на Бурел максимална можна казна.
Според Њујорк Тајмс, властите постапиле по налогот за претрес издаден откако возач на испорака на Амазон изразил загриженост за доброто на кучињата што ги видел врзани во дворот, се вели во соопштението.
Полицајците кои пристигнале во домот на Бурел во Далас, на околу 50 километри од Атланта, ги нашле кучињата, главно питбули, без пристап до храна или вода, соопшти Канцеларијата на шерифот на округот Полдинг.
Кучињата, од кои некои изгладнети, беа врзани со тешки синџири за дрвја и оставени со малку или без засолниште. Другите беа сместени во подрумот на куќата на Бурел, каде што смрдеата од урина и измет била толку силна што полицајците морале да носат заштитна опрема за да влезат.
🚨🇺🇸GEORGIA MAN SLAMMED WITH NEARLY 500 YEARS FOR DOG FIGHTING
Vincent Lemark Burrell, a 57-year-old from Dallas, Georgia, has been sentenced to an unprecedented 475 years in prison for his involvement in dog fighting and animal cruelty, marking the longest sentence of its kind… pic.twitter.com/fEK5BPHPIL
— Mario Nawfal (@MarioNawfal) February 4, 2025
Тие, исто така, пронајдоа „многубројни предмети поврзани со борби со кучиња“, вклучително и стап за отворање на нивните вилици, комплет за третман по борбата и „документи кои ги поврзуваат кучињата на Бурел со други познати организатори на борби со кучиња“, се вели во соопштението на обвинителството.
Кучињата биле префрлени на грижа на окружните власти, а потоа предадени на организација за спасување животни.
Бурел беше уапсен и обвинет истиот ден кога полицајците го претресоа неговиот дом.