Контакт

Свет

(Видео) Комунистичката партија на Кина со спектакл го прославува 100-годишниот јубилеј

Објавено пред

На денешната прослава на стогодишнината од основањето на Комунистичката партија на Кина претседателот Шји Џјинпинг го поздрави, како што рече, новиот свет создаден од кинескиот народ и ги предупреди странските сили кои се обидуваат да ја понижат Кина дека тоа ќе им се удри од глава.

По прелетувањата и акробациите од кинеското воено воздухопловство, претседателот Шји за време на едночасовниот говор на плоштадот Тјенанмен вети дека ќе ја зајакне кинеската армија и ќе изврши обединување со Тајван.

Според него, во Хонгконг ќе биде обезбедена социјална стабилност, со заштита на кинеската безбедност и суверенитет.

„Кинескиот народ се покажа не само во уништувањето на стариот свет, туку и во создавањето на нов. Социјализмот е единствениот спас за Кина“, рече претседателот  Шји, а пренесува „Ројтерс“.

Кинескиот претседател и Комунистичката партија уживаат популарност поради ефективната борба против епидемијата на коронавирус и активната улога што ја игра Кина на глобалната политичка и економска сцена.

Од друга страна, официјален Пекинг беше изложен на надворешни критики за неговиот груб третман кон Хонгконг и кршењето на правата на припадниците на муслиманското ујгурско етничко малцинство во провинцијата Синџијанг, но и за влошената демографска ситуација што може да го загрози долгорочниот економски раст.

Претседателот Шји рече дека кинескиот народ никогаш нема да дозволи странските сили да се однесуваат насилно, да ја понижуваат и покоруваат Кина.

„Кој би се осмелил да испроба нешто слично, крваво би ја скршил главата од Големиот челичен ѕид изграден од 1,4 милијарди припадници на нашиот кинески народ“, предупреди претседателот.

Прославата денеска почна со прелетување на борбени авиони и хеликоптери кои ги набљудуваа националните лидери, сместени на јужните бедеми на Забранетиот град. Хор од 3.000 луѓе отпеа седум социјалистички песни за време на настанот.

Си го заврши својот говор со два громогласни извика: „Да живее КПК, која е светла, славна и правилна“ и „Да живеат луѓето кои се големи, славни и херојски“.

Свет

Објавен мачен извештај за малтретирање деца во домовите во Лондон

Објавено пред

Британски социјални работници „изложиле ранливи деца“ на сексуални престапници кои се инфилтрирале во домови за деца и во згрижувачки семејства со „катастрофални, доживотни последици врз жртвите“, покажа извештајот за децениското малтретирање деца.

Работниците во лондонскиот кварт Ламбет „се однесуваа кон децата како да се безвредни“ и, како што изгледа, покажаа „бесчувствителност кон ранливите деца, а беа платени да се грижат за нив“, посочуваат наодите на независната истрага за сексуална злоупотреба на деца.

Авторите на извештајот имале докази дека децата биле силувани, изложени на недолично однесување и сексуално малтретирање, но навеле дека дисциплинска мерка, според жалбите на 705 корисници во три институции за социјална заштита, е изречена само на еден вработен во раководните служби.

Кога децата се жалеле, никој не верувал во нивните изјави.

Извештајот проценува дека бројот на оние што малтретираат, веројатно, ќе биде многу поголем и се препорачува на полицијата да разгледа дали постојат основи за поведување кривична истрага за случајот со момче што починало во домот во 1977 година откога претходно се пожалило на малтретирање од страна на висок вработен.

Џон О’Брајан, секретар на независната истрага за сексуална злоупотреба на деца, рече дека извештајот е најлош од сите 15 што досега ги составиле.

„Каде и да погледнете, ќе пронајдете пропусти. Тоа е единствениот извештај што морав редовно да прекинувам да го читам поради содржината“, рече О’Брајан.

Клер Холанд, членка на Советот на округот Ламбет, рече дека „Советот бил одговорен за таа грижа и заштита, но не успеал, со далекосежни последици“.

„Советот длабоко жали поради нивните искуства“, рече Холанд.

Прикажи повеќе...

Свет

Во Израел првпат по четири месеци има повеќе од 2.000 заразени од коронавирус за еден ден

Објавено пред

Министерството за здравство на Израел објави дека повеќе од 2.000 луѓе биле позитивни на Ковид-19 во понеделникот, што е најмногу од март.

Како што е наведено, биле тестирани повеќе од 90.000 примероци, а стапката на позитивни случаи изнесува 2,32 процента.

Според Министерството за здравство, 10 проценти од оние што биле позитивни на коронавирус во понеделникот пристигнале од странство. И покрај апелите на владата да не патуваат без потреба, меѓународниот аеродром во Израел е полн со патници.

Зголемувањето на бројот на заразени се припишува на ширењето на делта-видот во последните неколку недели и повторно се воведени санитарни мерки, кои беа речиси целосно укинати порано, а се препорачува употреба на заштитни маски и изолација.

Министерот за здравство, Никан Хоровиц, го повтори апелот што побргу да се вакцинираат сите што досега не го сториле тоа.

Во Израел повеќе од 5,3 од 9,3 милиони луѓе се целосно имунизирани.

Хоровиц исто така рече дека Министерството разгледува дали да им даде на постарите граѓани трета доза вакцина против Ковид-19.

Израел во моментот им дава трета доза на луѓето чиј имунолошки систем е ослабен.

Од повеќе од 13.000 активни случаи, 138 пациенти се во сериозна состојба, од кои 25 на респиратор.

За споредба, во екот на третиот бран на зараза во јануари имаше повеќе од 1.200 тешки случаи на ден.

За време на пандемијата починаа 6.461 лице.

Прикажи повеќе...

Европа

Задолжително тестирање за сите што се враќаат од одмор, Германија ги заострува мерките од коронавирус

Објавено пред

Германската влада планира да воведе задолжително тестирање за сите што се враќаат од годишен одмор. Никој не ќе може да влезе во земјата без да биде вакциниран, да нема негативен ПЦР тест или ако не го прележал вирусот. Ова заострување е последица на зголемениот број на луѓе кои се заразени од Ковид-19 во последните 19 дена.

Владината портпаролка Улрике Демер претходно изјави дека се размислува за воведување нови мерки, а сега министерот за здравство Јенс Шпан (ЦДУ) најави заострување на правилата за повратниците од годишен одмор.

Тој планира да воведе правило според кое сите што не биле целосно вакцинирани или биле изложени на коронавирусот, ќе треба да покажат потврда за негативен ПЦР-тест при влез во Германија. Засега, ова се однесува само на оние кои доаѓаат во Германија со авион. Ова правило би важело за сите, без оглед дали областа каде што престојувале се смета за ризична или не, пишува „Дојче веле“.

Инаку, Шпан повеќепати ги обвинуваше германските граѓани кои се враќаа од годишните одмори во земјите од Југоисточна Европа за ширење на инфекцијата. Во моментов, ниту една земја во областа не се смета за ризична.

Само министерката за правда, Кристин Ламбрехт, се спротивставува на мерките, сметајќи дека воведувањето на задолжителен негативен ПЦР-тест е „несоодветна мерка“, со оглед на моменталната епидемиолошка состојба во земјата каде се уште е релативно ниска инциденцата на болеста во споредба со првата четвртина од оваа година. Сепак, таа препорачува угостителите во Германија да отвораат ресторани само за гости кои биле целосно вакцинирани. Здружението на германски угостители „Дехога“ остро ја осуди оваа идеја.

Прикажи повеќе...

Најново

Македонија6 часа

Maкедонците сè уште се вакцинираат на белградскиот саем

Македонските граѓани и понатаму се вакцинираат на белградскиот саем. „Меѓу 300 и 500 граѓани се вакцинираат дневно на саемот во...

Македонија7 часа

Напад врз новинар ќе се смета како напад врз службено лице, се воведува и кривично дело демнење

Министерот за правда, Бојан Маричиќ, објави дека во Владата поминале измените на Кривичниот законик, со кои заштитата на медиумските работници...

Македонија7 часа

Заев по повод 20 години од Рамковниот договор: Успешна историја благодарение на партнерите ЕУ, САД и НАТО

Владата денеска одржа тематска седница посветена на 20-годишнината од Охридскиот рамковен договор. Во своето обраќање на седницата премиерот Заев потенцира...

Македонија8 часа

Дејан Георгиевски ѝ донесе олимписко сребро на Македонија

Дејан Геoргиевски го прекина 20-годишниот пост на Македонија и од Олимписки игри ќе го донесе досега најблескавиот медал во 30-годишната...

Македонија8 часа

Регистрирани 39 нови случаи на Ковид-19

Министерството за здравство информира дека во последните 24 часа се направени 3.839 тестирања, а регистрирани се 39 нови случаи на...

Македонија11 час

Заев: 17 октомври е датумот за локалните избори

И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска...

Европа11 час

(Видео) Силна експлозија го потресе Леверкузен: Жителите добиле предупредување за екстремна опасност

Силна експлозија ги потресе куќите во германскиот град Леверкузен. Снимките од социјалните мрежи покажуваат како се крева огромен облак од...

Македонија12 часа

Само 0,02 отсто од вакцинираните со две дози во Македонија заболеле од коронавирус

Вкупно 92 лица од 330.000 кои се ревакцинирани заболеле со коронавирус, објави министерот за здравство, Венко Филипче. Ова, додаде тој,...

Европа12 часа

Во ЕУ вакцинирани 70 отсто од возрасните, две дози примиле 57 отсто

Претседателката на Европската комисија, Урсула фон дер Лајен, објави дека целта од 70 проценти вакцинирани од возрасните лица во Европската...

Спорт13 часа

Георгиевски обезбеди сребро на ОИ во Токио

Дејан Георгиевски избори пласман во финалето на олимпискиот турнир во таеквондо, во категоријата над 80 килограми. Во полу-финалето, Георгиевски го...

Македонија14 часа

Спасени планинари од Чешка на Шар Планина

Група планинари од Чешка вчера вечер се спасени од Шар Планина. Тие залутале, а околу 18 и 30 часот се...

Свет1 ден

(Видео) Песочна бура проголта град во Кина

Песочна бура висока речиси 100 метри зафати град во северозападна Кина, при што целиот град остана покриен со прашина. На...

Европа1 ден

Украинскиот напад ќе заврши со колапс, одговори Русија по изјавите за нова офанзива на Киев

Коментирајќи ја позицијата на поранешниот заменик-министер за привремено окупираните територии на Украина, Јуриј Гримчак, кој повика на подготовка на армијата...

Европа1 ден

Стапката на заразени од коронавирус во Европа се зголемува, предупредува СЗО

Светската здравствена организација (СЗО) денеска објави дека стапката на ширење на коронавирусот е забрзана во некои европски земји, пренесуваат светските...

Европа1 ден

(Видео) Јужна Европа се бори со пожари, најлошо е во Грција и Италија

Шумските пожари, потпомогнати од горештините и силните ветрови, денеска зедоа замав во јужна Европа, а некои северни земји ги расчистуваат...

Регион1 ден

Радев: Нема да дозволиме кршење на правата на Бугарите во Северна Македонија

Бугарија е најсилниот поддржувач на проширувањето на ЕУ, но не може да дозволи кршење на правата на граѓаните на Република...

Македонија1 ден

Двајца починати и 10 нови случаи на коронавирус во Македонија

Во последните 24 часа во Македонија се потврдени 10 нови случаи на коронавирус, две лица починаа, а 16 пациенти оздравеа,...

Економија1 ден

Поевтинуваат горивата

Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика....

Македонија1 ден

(Видео) Јанакиески за притворот: Ова е малтретирање и изживување со човекови судбини

Ексминистерот за транспорт и врски, Миле Јанакиески, по објавувањето на пресудата за „27 април“ со која беше осуден на 6...

Македонија1 ден

Пресуда за Вељаноски, Ристовски, Јанакиески и Атанасовски – осудените плански го организирале упадот со цел да се зачува власта

Судот ги изрече пресудите за организаторите за упадот во Собранието на 27 април –  поранешниот претседател на Собранието Трајко Вељаноски е...

Досие