Германската канцеларка Ангела Меркел по средбата со британската премиерка, Тереза Меј, во Берлин оцени дека не постои можност за промена на договорот постигнат меѓу Брисел и Лондон за излегување на Велика Британија од Европската Унија (брегзит).

Меркел ова го изјави на состанокот со пратениците по разговорот со Меј, која дојде во Германија за да добие отстапки за условите на повлекување на нејзината земја од ЕУ.

Британската премиерка го откажа за денеска предвиденото гласање за нацрт-договорот за брегзитот во британскиот Парламент поради несогласување со пратениците што се закануваат дека ќе гласаат против документот кој ќе го отвори патот за збогување на Лондон и Брисел без договор.

Меј ќе се сретне во Брисел и со претседателот на Европската комисија, Жан-Клод Јункер, и со претседателот на Европскиот совет, Доналд Туск, кој вчера изјави дека нема да има повторни преговори со Лондон.

Вооружен маж пукал во верници во катедрала во близина на Сао Пауло на југот на Бразил, при што убил пет лица по што се самоубил.

BREAKING: A Gunman opened fire inside a Catholic cathedral in Campinas, on the outskirts of Sao Paulo #Brazil shot dead four people before killing himself, four others were injured in the shooting incident. pic.twitter.com/sTnrLXrX7S

— News_Executive (@News_Executive) December 11, 2018

Мажот, кој имал пиштол и уште едно огнено оружје, ранил тројца, наведуваат локалните медиуми повикувајќи се на полициски и болнички извори.

@bernardopkuster Ataque covarde dentro da catedral de Campinas pic.twitter.com/qL3PNinf95

— Ultra 7 Seven (@Rodrigo76780631) December 11, 2018

„Човекот влегол во црквата и почнал да пука во верниците“, наведува полицијата. Од таму потврдуваат дека шестмина се мртви, а меѓу нив и напаѓачот, чиј идентитет не се открива.

Германската канцеларка ќе се сретне со премиерката на Британија в четврток во Берлин, каде што ќе дискутираат за актуелните настани за брегзитот, велат од кабинетот на Меркел.

„По барање на Британија канцеларката Ангела Меркел ќе одржи средба со британската премиерка Тереза Меј в четврток во 13 часот,“ соопшти портпаролот Штефан Зајберт.

В понеделникот Меј најави дека гласањето за брегзитот во парламентот ќе биде одложено и додаде дека договорот би бил отфрлен со голема разлика.

Сепак, Европската Унија вели дека повторните преговори не се возможни, но дека ќе може да се разгледаат плановите во случај на отфрлање на договорот.

„Нема да преговараме за нов договор, но спремни сме да разговараме за тоа како да се олесни ратификацијата“, изјави претседателот на Европскиот совет, Доналд Туск.

„Со оглед на тоа што времето е кусо, спремни сме и на сценарио без договор“, додаде Туск.

Лидерите од ЕУ ќе се сретнат во Брисел на дводневен самит, каде што ќе се дискутира за брегзитот.