Инфлуенсер решил да почне интересен експеримент и да провери што навистина се случува со работите кои луѓето ги донираат во Црвениот крст. Тој ги зел своите патики во кои го сокрил уредот за следење и ги однел во делот за донирање чевли. Не знаел колку брзо патиките ќе тргнат на пат.

По само неколку дена, благодарение на ГПС сигналот, успеал да ја следи нивната рута. Патиките од Германија тргнале кон Австрија, потоа ја преминале словенечката граница, продолжиле низ Хрватска и на крајот застанале во Босна и Херцеговина. Целото патување траело само шест дена, а на крајот стигнале во продавница за втора рака.

Заинтригиран, инфлуенсерот решил да тргне во потрага по своите патики. Купил билет, се качил во авионот и пристигнал во продавницата. Со насмевка на лицето ги пронашол своите патики – истите кои лично ги донирал.

 

View this post on Instagram

 

A post shared by @neka_to_bude_100posto_jezerski

Тој го прашал продавачот од каде ја набавуваат робата за продажба, на што му било кажано дека неговиот шеф работи во Германија и дека повеќето работи доаѓаат од таму, пренесе „Телеграф“, а разговорот е прикажан во видеото.

На крајот, инфлуенсерот отворено ја изрази својата збунетост и загриженост.

Израелскиот министер за надворешни работи Гидеон Саар изјави дека Иранската револуционерна гарда се обидела да изврши напад врз израелски граѓани на Кипар, но дека планот бил спречен благодарение на соработката на кипарските и израелските безбедносни служби.

Саар го објави ова на платформата „Икс“, без да даде дополнителни детали за наводниот напад. Иран се уште не се огласил. Претходно денеска кипарските власти потврдија дека уапсиле британски државјанин под сомнение за тероризам и шпионажа.

Според локалните медиуми, осомничениот од средината на април ја набљудувал британската воена база РАФ во блискиот Акротири, како и кипарската база.

Засега не се знае дали ова лице има некаква врска со наводната завера која ја спомена израелскиот министер.

Украинскиот претседател Володимир Зеленски изјави дека западните компании, вклучително и германските и чешките, продолжуваат да ја снабдуваат руската воена индустрија и повика на воведување санкции против тие компании.

„Руската Федерација добива машини од одредени земји, а потоа ги користи за производство на оружје“, рече вчера украинскиот претседател на брифинг со новинарите што до денеска беше под ембарго.

Според него, петнаесет такви компании се од Тајван, тринаесет се германски, осум се чешки, шест се јужнокорејски, три се јапонски и три се индиски.

„И една компанија од САД испорачува мал број делови за машините“, додаде тој, велејќи дека ги имал и имињата на сите тие компании.

„Ги споделивме сите овие информации со нашите партнери – Европската унија и САД. Повикуваме тие компании да бидат санкционирани“, продолжи Зеленски.

Според податоците со кои располага украинскиот претседател, споменатите компании можат да ги исклучат ваквите машини, имајќи предвид дека тие „работат со помош на далечински електронски системи“.

„Тие компании можат да ги исклучат, па машините повеќе нема да работат. Тоа би го забавило процесот. Да речеме дека би било како да се разоружа Русија без оружје“, рече тој.

Зеленски рече дека Киев испратил информации за постоењето и работењето на такви компании во 26 земји.

Од почетокот на руската инвазија на Украина во февруари 2022 година, строги западни санкции беа воведени кон Москва, конкретно насочени кон спречување на испорака на опрема и технологија што ги користи нејзината воена индустрија.

Но, Москва делумно успеа да ги заобиколи со организирање на увоз преку трети страни или сојузнички земји.