Киргистан ќе користи тоник од билки во лекувањето на болеста предизвикана од Ковид-19, соопшти министерот за здравство.

Неговата изјава следи откако претседателот на Киргистан го пофали тој препарат и покрај предупредувањата на медицинските експерти дека содржи потенцијално смртносни отрови.

Министерот Алимкадир Бејшеналиев на интернет брифинг се напи од лекот oд корен од ендемски растенија за да покаже дека истиот е безбеден.

„ Оние со благи симптоми ќе се опорават за еден ден, а оние со потешка форма на болест за три до четири “, тврди тој.

Претседателот Садир Џапаров лично им го дал на лекарите рецептот што го добил од неговиот татко, а тие веќе го користат, рече министерот за здравство.

Нот Бермет Бариктабасова, поранешен советник на Министерството за здравство, го опишува растението како едно од најотровните во Казахстан.

„ Дури и во најмали дози, екстрактот има силно негативно влијание врз телото и едно лице може брзо да умре“, вели таа, додавајќи: „ Се враќаме во средниот век“.

Во Киргистан се пријавени над 90.000 случаи на коронавирус и над 1.500 смртни случаи.

Велика Британија денеска даде „целосна поддршка“ на одлуката на чешката влада да протера 18 руски дипломати, за кои смета дека се членови на разузнавачката служба.

„ Велика Британија им дава поддршка на нашите чешки сојузници, кои открија до каде ќе оди ГРУ (руската воена разузнавачка служба) во обидите за извршување опасни и малигни операции, каде што го видовме врвот на моделот на однесување во нападот во Солсбери “, напиша британскиот министер за надворешни работи, Доминик Раб на Твитер.

Во Солсбери, во 2018 година, имаше напад врз Сергеј Скрипаљ, поранешен службеник за разузнавање на ГРУ и двоен агент, на кого, според тврдењата на британските власти, двајца агенти на ГРУ му ставиле нервен агенс „новичок“ на рачката на вратата на куќата.

Скрипаљ и неговата ќерка се разболеа, но закрепнаа од нападот.

Најмалку 30 луѓе се повредени на забава кога се урнал подот на двокатна куќа во американската држава Џорџија.

Полицијата соопшти дека повеќе од 500 луѓе биле на забавата во близина на Универзитетот во Џорџија, пренесува АП.

Гостите претрпеле бројни повреди, од расекотини до скршени раце, кога подот паднал под пониско ниво во подрумскиот простор под куќата.

„ Можеше да биде многу полошо, треба да бидеме благодарни што испадна вака“, рече капетанот на противпожарната служба, Нејт Мос и додаде дека ваквите несреќи се чести кога има премногу луѓе во старите згради.

Улицата каде се наоѓа куќата беШе преполна со возила и луѓе кои излегоа надвор да видат што се случило, па противпожарните возила едвај успеаја да се пробијат до местото на несреќата, рече капетанот.