Американскиот претседател Доналд Трамп изјави дека Кока-Кола се согласила да користи вистински шеќер од трска како засладувач во своите пијалоци што се продаваат во САД, откако разговарал со компанијата.

„Разговарав со Кока-Кола за користење вистински шеќер од трска во Кока-Кола во САД и тие се согласија да го сторат тоа. Би сакал да им се заблагодарам на сите на власт во Кока-Кола“, порача Трамп преку социјалните мрежи.

"I have been speaking to @CocaCola about using REAL Cane Sugar in Coke in the United States, and they have agreed to do so. I’d like to thank all of those in authority at Coca-Cola. This will be a very good move by them — You’ll see. It’s just better!" –President Donald J. Trump pic.twitter.com/9L27oxlYUj

— The White House (@WhiteHouse) July 16, 2025

Портпаролот на Кока-Кола изјави дека компанијата со седиште во Атланта наскоро ќе сподели детали за новите понуди и дека го цени ентузијазмот на Трамп за нивниот производ.

Кока-колата што се продава во САД обично се засладува со сируп од пченка со висока содржина на фруктоза, додека во други земји, вклучувајќи го Мексико и делови од Европа, често се користи шеќер од трска.

Иницијативата на администрацијата на Трамп „Направете ја Америка повторно здрава“ е во согласност со здравствените политики промовирани од секретарот за здравство Роберт Ф. Кенеди Џуниор, кои имаат за цел да ги охрабрат прехранбените компании да ги отстранат состојките како што се вештачките бои од своите производи.

Кенеди претходно ја критикуваше и високата содржина на шеќер во американската исхрана и најави нови упатства за исхрана, кои треба да бидат објавени ова лето.

Американската војска објави дека Националните сили на отпорот (NRF) на Јемен, предводени од генералот Тарек Салех, успешно пресретнале и заплениле најголема пратка иранско оружје во нивната историја.

Yemeni Partners Successfully Interdict Massive Iranian Weapons Shipment Bound for the Houthis

Congratulations to the Yemeni National Resistance Forces (NRF), led by Gen. Tareq Saleh, for the largest seizure of Iranian advanced conventional weapons in their history.

The NRF… pic.twitter.com/4QXAav1bbr

— U.S. Central Command (@CENTCOM) July 16, 2025

Станува збор за повеќе од 750 тони муниција и воена опрема што биле наменети за проиранското движење Хути.

Запленетиот товар вклучувал стотици крстосувачки, противвоздушни и противбродски ракети, боеви глави и системи за наведување, како и голем број мотори за беспилотни летала, радарски системи, опрема за воздушна одбрана и комуникациски уреди.

„Им честитаме на Националните сили на отпорот за ова историско запленување на напредно иранско оружје“, се вели во соопштението на Централната команда на САД (CENTCOM). Тие додадоа дека оваа акција е јасна потврда за посветеноста на НРФ кон безбедноста на Јемен, Црвеното Море и Аденскиот Залив, како и за почитувањето на резолуциите на Советот за безбедност на Обединетите нации.

Командантот на Централната команда, генерал Мајкл Ерик Курила, ги пофали јеменските сили:

„Ги пофалуваме легитимните владини сили на Јемен за продолжувањето на пресретнувањето на иранското оружје наменето за Хутите. Оваа заплена покажува дека Иран продолжува да игра најдестабилизирачка улога во регионот. Ограничувањето на слободниот проток на иранска поддршка за Хутите е од суштинско значење за безбедноста и стабилноста на регионот и слободата на навигација“, рече генерал Курила.

Српскиот претседател Александар Вучиќ вчера најави дека ќе ја аболира од понатамошното кривично гонење, 25-годишната девојка која со својот автомобил се залета во толпата што протестираше во Белград, во јануари.

Автомобилот влета во толпата и ја носеше девојката на хауба неколку метри, која потоа падна на асфалтот. 25-годишната девојка е осомничена за обид за убиство во врска со овој инцидент.

Сепак, Вучиќ во телефонско интервју за телевизијата „Информер“ најави дека ќе ја помилува девојката доколку таа односно нејзиното семејство се согласат со тоа, пренесува Нова.рс.

„За мене е ужасно што како претседател кој до пред неколку недели не издаде ниту едно помилување за девет години, сега морам да ја исправам неправдата што ја нанесоа обвинителите и судовите. Ќе продолжам да го правам тоа бидејќи неправдата е толку очигледна што ќе морам да ги заштитам слабите, прогонуваните и жртвите на нивните секојдневни напади“, рече тој.

Тој оцени дека одредени носители на судски функции во Србија „ги воведоа неправдата и лошото постапување како највисоки принципи“.