Политичарот Франц Клинцевич за руската телевизија го коментираше напредокот на Русија во Украина, велејќи дека е бавен, поради силната украинска армија.

Клинцевич вели дека руските сили во Украина се борат против војници кои имаат ист менталитет како Русите.

„Не сакам никого да навредам, но руската специјална воена операција е доста тешка. Украинската армија е една од најсилните и најдобро опремените армии. Како да се бориме против руски војници и офицери“, додаде тој, пренесе Индекс.хр.

Најмалку четири лица се избодени и повредени во случајни напади во Нумедал во југоисточна Норвешка, соопшти денеска локалната полиција.

Една од жртвите е во критична состојба, јавува „Ројтерс“.

Норвешките власти го опишаа инцидентот како „Пливо“, што во полициска терминологија значи „насилство опасно по живот“.

Еден час по првото пријавување на нападот, полицијата на Твитер објави дека осомничениот е уапсен.

#Numedal #Fjordvegen 08:47 Flere personer er tilfeldig skadd i forbindelse med en knivstikking. Nødetatene er på vei, og det er definert som en PLIVO hendelse. Denne blir oppdatert når vi har kapasitet.

— Sør-Øst politidistrikt (@politietsorost) May 20, 2022

Нумедал се наоѓа на југоисточниот дел на Норвешка и вклучува неколку општини.

Според медиумите, дојавата за нападот полицијата ја добила околу 8:45 часот по локално време.

Очевидец тврди дека на лице место имало неколку амбулантни возила и три хеликоптери.

На местото на настанот биле повикани и пожарникари, чиј шеф исто така тврди дека полицијата во меѓувреме успеала да го совлада напаѓачот.

– Успеаја да го фатат, имаат контрола над него. Тоа е сè што знам засега, изјави началникот на противпожарната служба, јавува „Ројтерс“.

Володимир Салдо, гувернер на окупираниот Херсон во јужна Украина назначен од Русија, рече дека регионот наскоро ќе биде целосно интегриран во Русија.

Салдо напиша на Телеграм дека регионот ќе стане „Херсонска Област на Руската Федерација“.

Неговиот заменик Кирил Стремусов напиша дека граѓаните ќе можат да аплицираат за руско државјанство во наредните недели кога ќе се стабилизира ситуацијата.

Украинските власти постојано предупредуваат дека Москва планира лажен референдум за независност во Херсон, но и на други места, пренесе Нова.рс.