Контакт

Свет

(Видео) Русија ја покажа воената база на Арктикот лоцирана блиску до територија на НАТО

Објавено пред

Русија неодамна ја прошири пистата во својата воздушна база „Нагурскоје“ на должина од 3.500 метри, што значи дека таму може да приземји поголем дел од своите воени авиони, вклучително и ловци што патролираат по поларното небо.

На прашањето дали тоа значи дека руските тешки стратешки бомбардери, како што е „ТУ-95 медвед“, може да оперираат од тука, генерал-мајорот Игор Чуркин гордо потврдува дека може.

„Се разбира дека може“, се пофалил тој покажувајќи кон инфо-графикот за базата.

„Погледнете. Во оваа база може да слетаат сите видови авиони“.

Руските вооружени сили им дозволија на медиумските куќи, вклучително и на Си-ен-ен, ретка можност за пристап до најсеверната воена база на островот Александар Први на почетокот од оваа недела.

Си-ен-ен дозволата ја добил непосредно пред состанокот на Арктичкиот совет, група од осум држави што граничат со северниот поларен регион, со кој Русија го презеде претседателството годинава. Инаку, ова е една од сè поголемиот број арктички бази што Русија ги изгради или надгради во последните неколку години.

Изградбата на базата, позната како „Арктичка детелина“, заврши во 2017 година. Се наоѓа на 257 километри источно од најисточниот дел на норвешкиот архипелаг Свалбард – територија на НАТО.

Новата база е изградена за сместување на речиси 150 војници со цел да осигури дека руската северна флота е автономна и самостојна. Сето ова е дел од она за што претседателот Владимир Путин вели дека е клучен напор за зајакнување на присуството на Москва на Арктикот.

Во базата има технологија што Русите ја опишуваат како најсовремената радарска станица за следење на движењата на бродовите и авионите на НАТО. Командантот на воздухопловните сили вели дека често следат американски и други авиони што ги сметаат за непријателски.

Армијата на новинарите им демонстрирала две моќни одбранбени ракети. За нив се тврди дека може да погодат бродови или копнени цели оддалечени повеќе од 200 милји од морето.

„Баш вчера видовме разузнавачки авион на НАТО. Го следевме четири часа пренесувајќи ги сите информации до повисокиот команден центар, позицијата на авионот и неговата рута, во која насока се упати“, објаснил Чуркин.

„Непријателот никогаш не останува незабележан“, додал тој.

Јасно е дека тензиите меѓу големите сили се прелеваат на Арктикот и Русија ја смета оваа база за клучен адут во таа ситуација.

Белата куќа со зголемена загриженост ги следи воените засилувања на Русија. Пред Арктичкиот совет, американскиот државен секретар, Ентони Блинкен, рече дека САД се загрижени за зголемената воена активност на Арктикот.

Блинкен првпат се соочи лице в лице како државен секретар со рускиот колега Сергеј Лавров во средата на маргините на Арктичкиот совет во Рејкјавик. Тој истакна дека не е тајна оти постојат разлики меѓу САД и Русија.

Лавров одговори со изјава дека Русија е подготвена да разговара за сите прашања на маса, но додаде: „Како две страни силно не се согласуваме кога станува збор за нашите процени на меѓународната состојба и во нашите пристапи за тоа како треба да се решаваат проблемите“.

Во четвртокот Путин се закани дека ќе им ги скрши забите на странските непријатели што сакаат да гризат делови од руската територија. Без именување и цитирање никого, Путин рече дека критичарите се жалат дека огромни енергетски ресурси ѝ припаѓаат само на Русија и нагласи дека единственото решение е развој на руските вооружени сили.

„Тие треба да знаат, оние што ќе го сторат тоа, дека ќе им ги скршиме забите на сите за да не може повеќе да гризат… и клучот за тоа е развој на нашите вооружени сили“, порача Путин.

Регион

Грција во генерален штрајк поради новиот закон за работни односи

Објавено пред

Денеска во Грција започна 24-часовен штрајк поради кој е стопиран јавниот превоз и другите услуги, пред парламентарното гласање за новиот закон за работни односи, чиј противници велат дека ќе донесе подолго работно време и ќе ги наруши работничките права.

Ова е втор генерален штрајк во последната недела поради законот за кој владата во Атина тврди дека ќе ги модернизира застарените регулативи во областа на трудот, пренесува „Ројтерс“.

Јавниот превоз во Атина запре денес, бродовите останаа закотвени во пристаништата, а многу автобуски, метро и железнички услуги се суспендирани.

Работници од други сектори, исто така, ја прекинаа работата и се очекува да се приклучат на протестните митинзи во центарот на Атина, пред денешното гласање за законот.

Конзервативната влада на премиерот Кирјакос Мицотакис, која стапи на должност во 2019 година, објави дека реформата ќе ги модернизира „застарените“ закони кои датираат од времето пред појавата на интернетот, кога повеќето работници работеле во исто работно време, истовремено и во канцелариите и во фабриките.

Синдикатите го опишаа нацрт-законот како „монструозен“, барајќи негово повлекување, бидејќи, како што тврдат, тој ќе ги укине одамна утврдените работнички права и ќе им овозможи на компаниите „на мала врата“ да воведат подолго работно време.

Најконтроверзниот дел од законот овозможува вработените да работат и до 10 часа на ден, а да работат пократко следниот ден.

Синдикатите стравуваат дека ова ќе им овозможи на работодавците да ги принудат работниците да прифаќаат подолго работно време.

Прикажи повеќе...

Свет

(Видео) Со огномет жителите на Њујорк го прославија укинувањето на мерките од коронавирус

Објавено пред

Со огномет и полни улици жителите на Њујорк го прославија укинувањето на мерките против коронавирус. Во изјава за американските медиуми дел од нив велат „Можеме да се вратиме во нормален живот“.

Дека Њујорк ќе ги укине последните ограничувања воведени со цел да се спречи ширењето на коронавирусот, откако повеќе од 70% од возрасната популација беше вакцинирана, најави и гувернерот Ендру Куомо.

„Ова е важна пресвртница и ќе се обидеме да сториме повеќе“, рече Куомо, додавајќи дека државата Њујорк ќе продолжи да ги охрабрува луѓето да се вакцинираат,

Гувернерот синоќа ги изненади жителите на Њујорк со ненајавен огномет по повод достигнувањето на важен праг во процесот на имунизација.

Прикажи повеќе...

Регион

Црна Гора прва во Европа по количината на лично вооружување

Објавено пред

Според резултатите од истражувањето „Извештај за светската популација“ (World population review) за оваа година, Црна Гора е прва во Европа според количеството на лично вооружување што се поседува легално, што значи дека секој трет жител е вооружен, односно дека од 100 жители, 39 граѓани поседуваат парче лично оружје.

Бројот на нелегално оружје не може да се утврди со сигурност, бидејќи за тоа нема официјални записи. Криминологот, професор на Правниот факултет во Подгорица, Велимир Ракочевиќ, вели дека е тешко да се даде точна проценка во врска со прашањето за нелегално оружје.

Криминолошките истражувања покажуваат дека црната бројка е доста висока кога станува збор за кривичното дело нелегално поседување оружје и распрскувачки материјали.

На глобално ниво, на две регистрирани парчиња оружје има едно непријавено, што секако треба да претставува загриженост.

„Ова се оптимистички прогнози, бидејќи во некои земји односот на пријавено и нелегално оружје е дури и 1:1“, вели Ракочевиќ за Радио Слободна Европа (РСЕ).

Професорот исто така смета дека поседувањето оружје е дел од традицијата во Црна Гора.

Црногорското Министерството за внатрешни работи соопшти дека минатата година се издадени 1.808 дозволи или одобренија за набавка на оружје, а тој број е сличен во последните пет години. Според податоците на тамошното МВР, физички и правни лица имаат регистрирано 100.430 парчиња оружје, кај 67.223 сопственици. Од таа бројка, 38.486 парчиња се во сопственост на лица кои се занимаваат со спортско стрелаштво.

Во полициските акции за доброволно предавање на оружје во државата, кои беа спроведени од 2015 до 2021 година, биле предадени 1.865 парчиња оружје, 1.006 делови за оружје, 345 минско-експлозивни средства и 33.822 парчиња муниција.

Прикажи повеќе...

Најново

Македонија44 минути

ЕУ ја стави Македонија на листата безбедни земји за патување

Европската Унија одлучи да ја стави Република Северна Македонија на списокот на земји што се безбедни за патување, пренесуват европските...

Свет2 часа

Борел: Три принципи во новата стратегија на ЕУ кон Русија

Новата надворешнополитичка стратегија на ЕУ кон Русија ќе се заснова на три принципи: одбивање, воздржаност и соработка, изјави високиот претставник...

Регион2 часа

Нови мерки во Србија – дозволени се матурски прослави, угостителите може да работат и на затворено

Поради постабилната епидемиолошка состојба во Србија, од денес во сила се нови мерки, од кои повеќето се однесуваат на угостителските...

Македонија3 часа

Од денеска нема полициски час, дозволени се веселби и настани на отворено

Од ноќеска на полноќ престана да важи одлуката за полициски час, а се укина и ограничувањето на работното време на...

Свет3 часа

Средбата Путин – Бајден во Женева под строго засилени мерки

Денеска, во Женева, американскиот претседател, Џо Бајден, ќе се сретне со рускиот претседател, Владимир Путин, и тоа ќе биде нивна...

Економија4 часа

Денеска се затвора јавниот повик за ваучери за одмор на работници со ниски приходи

Министерството за економија ги известува граѓаните дека заклучно со денешниот ден, 16 јуни (среда), се затвора јавниот повик за издавање...

Свет4 часа

(Видео) Израел бомбардира позиции на Хамас, прекршено примирјето во Појасот Газа

Израел синоќа ги бомбардира позициите на Хамас, со тоа беше прекршено примирјето во Појасот Газа, јавуваат светските агенции. Израелската страна...

Топ19 часа

Пронајдени 1.243 стебла марихуана во близина на болницата „Св. Еразмо“ во Охрид

Полицијата пронајде 1.243 стебла марихуана во близина на болницата „Св. Еразмо“ во Охрид. Според информациите на МВР, приведени се две...

Македонија21 час

28 новозаразени од коронавирус, нема починати

Министерството за здравство информира дека во последните 24 часа се направени 2.887 тестирања, а регистрирани се 28 нови случаи на...

Македонија23 часа

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија24 часа

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет24 часа

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија24 часа

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија1 ден

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет1 ден

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија1 ден

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет1 ден

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет1 ден

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Свет1 ден

Кина возврати на обвинувањата на НАТО: Кажувате невистини, ние сме мирољубиви

Кинеската мисија во Европската Унија денеска ја осуди процената на НАТО од вчерашниот самит дека Кина претставува „системски предизвик“. Водачите...

Македонија2 дена

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Досие