Рускиот претседател Владимир Путин изјави дека обидите за искривување на историските вистини не престанале и кон нив се приклучиле не само наследниците на нацистичките соучесници, туку и некои реномирани меѓународни институции и европски структури.

Како пример, Путин ја наведе недамнешната резолуција на Европскиот парламент, која, како што рече, ги става нацистичките агресори и Советскиот сојуз на исто ниво, пренесува ТАСС.

„Оние кои се обидуваат да се спротивстават на ваквата неоснована лага се обвинети за информативна војна против демократска Европа. Тоа е цитат“, рече Путин на состанокот по повод одбележувањето на 75-годишнината од победата во Втората светска војна.

Пред два и пол месеци, Европскиот парламент усвои резолуција во која се наведува дека договорот за ненапаѓање меѓу нацистичка Германија и СССР „го отворил патот за избувнување на Втората светска војна“.

Полицијата во Нов Зеланд соопшти денеска дека уште две лица починале од повреди здобиени во ерупцијата на вулканот на Белиот Остров оваа недела, со што бројот на загинати достигна осум.

Деветмина се водат за исчезнати, а полицијата ги идентификува како седум туристи од Австралија и два туристички водичи од Нов Зеланд.

Уште 28 лица се хоспирализирани, од кои 23 се здобиле со изгореници опасни по живот.

Вулканот избувна во понеделникот попладнето, додека туристите биле во посета на островот.

Во Унгарија уапсени се двајца Срби поради смртта на Никола Косаниќ (22), кој во неделата беше до смрт претепан во Братислава. Тие се обвинети за соучесништво во убиство.

Третиот напаѓач е македонски државјанин. Како што пишува „Блиц“, тој бил уапсен во Словачка. Сепак, од словачката полиција информираат дека врз македонскиот државјанин сè уште не е покренато обвинение.

Уапсените Срби се на возраст од 21 и 26 години и доколку се докаже вината, ги очекува казна затвор од седум до десет години.

Во неделата околу 5 часот утрото полицијата во Братислава добила повика дека пред Главната пошта во центарот на градот лежи млад човек без знаци на живот. Итната помош стигнала на лице место и констатирала смрт.

Полицијата објави видеоснимка од надзорните камери на која се гледаат напаѓачите и ги замоли граѓаните да се јават доколку препознаат некој од нив. Нивните фотографии го обиколија регионот, по што следеа апсењата, пишува „Блиц“.