Контакт

Свет

(Видео) Јорданскиот принц тврди дека е во домашен притвор

Објавено пред

Јорданскиот принц Хамза преку видео испратено до светските медиуми објави дека командантот на јорданските вооружени сили му рекол да не ја напушта куќата и да не комуницира со луѓе, неколку часа откако армијата тврдеше дека не е во домашен притвор.

Врховниот командант Јусеф Ахмед ал-Хунаити негираше дека поранешниот престолонаследник и полубрат на кралот Абдула бил приведен или е во домашен притвор. Но, принцот Хамза објави видео, кратко потоа.

„Утрово ме посети командантот на Генералштабот на јорданската армија кој ме извести дека не смеам да излегувам, да комуницирам со луѓе или да ги исполнувам обврските затоа што имаше критики кон кралот на состаноците на кои присуствував или на социјалните мрежи за моите посети“, рече тој на англиски јазик во видеото објавено од Би-Би-Си.

Хамза рече дека тој не е обвинет лично за изговарање критики кон кралот Абдула Втори. Тој исто така кажа дека му е отстрането осигурувањето и дека му се прекинати телефонските и интернет врските.

„Овој сателитски интернет е мојот единствен начин за комуникација“, рече тој, додавајќи дека компанијата му рекла дека ќе биде прекинат и тој.

„Јас не сум одговорен за неуспесите во управувањето, за корупцијата и за неспособноста што владееше во нашите управувачки структури во последните 15 до 20 години“, додаде принцот.

Хамза (41) беше престолонаследник од 1999 до 2004 година кога кралот Абдула го отстрани и го постави неговиот син за престолонаследник.

Хамза потоа во писмо објавено од државните медиуми напиша дека верно ќе го поддржи Абдула.

Според „Вашингтон пост“, Хамза е во домашен притвор во рамки на истрагата за планирање на пуч. Ал-Хунаити го негираше ова, но рече дека на принцот Хамза му било речено да се воздржува од активности што можат да ја нарушат стабилноста на кралството.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Добиле шест пати поголема доза на „Фајзер“ од дозволеното, 77 затвореници во Америка под надзор

Објавено пред

Во затворот во сојузната држава Ајова, 77 затвореници се под надзор поради несакани реакции откако ненамерно им е инјектирана шест пати поголема доза од нормалната од вакцината против коронавирус на компанијата „Фајзер“.

Две медицински сестри во затворот Форт Медисон во Ајова погрешно ја примениле вакцината, се вели во соопштението од затворот.

Инцидентот се случи во вторникот, што довело до прекинување на вакцинацијата во затворот.

Портпаролот на казнено-поправниот дом во Ајова, Корд Овертон, изјави дека повеќето затвореници кои примиле поголема доза на вакцина имале симптоми слични на оние поврзани со нормалните дози на вакцината, како што се болка во рацете и телото. Најмалку еден затвореник добил треска.

Затворските службеници побарале упатства од експертите од Центрите за контрола и превенција на болести, Фајзер и Универзитетот во Ајова, кои препорачуваат затворениците да се следат најмалку 48 часа.

Мајка на еден затвореник изјавила дека нејзиниот син и другите затвореници имале бројни несакани ефекти, како што се гадење и сериозна дехидрација.

Вакцината од компанијата „Фајзер/Бионтек“ се транспортира и чува во замрзната состојба и е спакувана во концентрирана форма, па се разредува со физиолошки раствор пред да се даде на пациентите, велат надлежните.

Државните службеници не дадоа конкретно објаснување за начинот на предозирање на затворениците, но можно е вакцините да биле дадени без разредување, пишуваат тамошните медиуми.

Прикажи повеќе...

Свет

(Видео) Четворица астронаути во рециклирана ракета полетаа во вселената

Објавено пред

Четиричлен тим на астронаути на НАСА полета со леталото на „Спејс икс“ до Меѓународната вселенска станица.

Тие се првиот тим што е испратен во орбитата со рециклирана ракета од претходното лето.

Речиси 24-часовното возење до вселенската станица, која се наоѓа на 400 километри од површината на Земјата, требаше да започне во четврток, но беше одложено за денес поради лошите временски прогнози.

Метеоролозите за денеска предвидоа дека ќе има 90 проценти шанса метеоролошките услови на лансирното место да бидат поволни, што ги подобрува условите за лет.

Ова е трето лансирање на тимот во орбитата на приватната компанија на Илон Маск, „Спејс Х“, под покровителство на НАСА.

Прикажи повеќе...

Свет

Пораст на бројот на смртни случаи од срцеви заболувања во време на пандемија

Објавено пред

Лекарите ширум светот предупредуваат дека се помалку луѓе со болка во градите одат во болници од страв од инфекција со коронавирус, па затоа експертите истакнуваат дека се повеќе е важно да се забележат и да се реагира на предупредувачките знаци на срцев удар, пишуваат германските медиуми.

Има драматичен пад на бројот на луѓе кои доаѓаат на кардиоваскуларна нега во оваа пандемија и ова е причина за сериозна загриженост, велат експертите.

Секој што претрпел срцев удар или има такви симптоми, мора веднаш да побара помош, посочуваат тие.

Луѓето не треба да ја игнорираат болката во градите, бидејќи се плашат од вирус во болницата, бидејќи секоја минута е важна, вели професорот Стефан Аченбах, претседател на Европското здружение за кардиологија.

Повеќето смртни случаи од срцев удар се случуваат во првиот час, вели тој, и затоа не треба да чекате пред да побарате помош. Одложувањето на одењето во болница може да има сериозни долгорочни последици, како што е тешка срцева слабост.

Аченбах вели дека во првиот бран на пандемијата, во пролетта 2020 година, кардиолозите имале помалку пациенти во болниците со срцев удар, но во исто време, смртноста од таа причина се зголемила надвор од болниците.

Тоа е загрижувачко, вели тој. Иако нема податоци, претпоставува дека повеќе луѓе умреле од срцев удар затоа што избегнувале да одат во болница од страв од коронавирусот.

Студија во која учествувале повеќе од 3.000 здравствени работници од 141 земја на шест континенти, покажа дека паднал бројот на приеми во болница на пациенти поради срцев удар за време на пандемија, според Европското кардиоваскуларно друштво.

Таа студија исто така покажа дека половина од пациентите со срцев или мозочен удар кои пристигнале во болницата го сториле тоа толку доцна и надвор од златната временска рамка за ефективна итна интервенција, што дополнително влијаело на преживувањето и морбидитетот.

Луѓето никогаш не треба да избегнуваат или да го одложуваат третманот, вели професорот Томас Воигтлаендер од Германската фондација за срце, истакнувајќи дека многумина умираат на почетокот на срцевиот удар поради вентрикуларна фибрилација, нарушување на ритамот во кое срцевиот мускул престанува да работи добро и срцето запира.

Бидејќи брзината на помош е важна за преживување, важно е да се препознаат симптомите на срцев удар, вели тој. Еден од знаците за предупредување е чувството на нагло горење или стискање во градите. Болката може да се прошири на рацете, горниот дел на стомакот, грбот, рамената и вилицата. Пациентите понекогаш фаќаат здив и ова може да биде придружено со потење и слабост.

Болка во градите со минимален напор или во мирување и невообичаено отежнато дишење може да најавува срцев удар. Овие симптоми можат да се повторат со денови или недели пред мозочен удар, а потоа да исчезнат, што значи дека треба сериозно да се сфатат, вели германски кардиолог.

Прикажи повеќе...

Најново

Македонија1 минута

Кривична пријава за инспекторот кој примил поткуп од 200 евра

Кривична пријава доби инспекторот на Државниот инспекторат за животна средина кој примил поткуп. Според информациите, тој вчера беше приведен бидејќи...

Македонија8 минути

Николовски: Законот за потекло на имот ќе спречи незаконско богатење врз грбот на граѓаните

Студијa подготвена од домашни и странски експерти која се однесува на подготовка на Предлог Закон за потекло на имот, денеска...

Регион2 часа

Партијата на Борисов не може да добие мнозинство, кандидатот го врати мандатот

Кандидатот за премиер на бугарските партии Граѓани за европски развој на Бугарија (ГЕРБ) и Унија на демократски сили (УДФ), Даниел...

Свет2 часа

Директорот на СЗО: Oд досега употребените вакцини, само 0,3 отсто се во сиромашните земји

Директорот на Светската здравствена организација (СЗО), Тедрос Аданом Гебрејсус, предупреди дека вакцините против Ковид-19 сè уште се недостапни за сиромашните...

Македонија2 часа

Вакцини од „Фајзер“ секој понеделник, а со кинеската вакцина имунизацијата ќе почне по Велигден, најави Филипче

Министерството за здравство добило листа со распоред по кој ќе стигнуваат во Македонија вакцините на „Фајзер“ следниот месец. Министерот Венко...

Македонија2 часа

Пратениците се вакцинираат со „спутник“, Џафери очекува Собранието во мај да се врати во нормала

Претседателот на Собранието, Талат Џафери, утрово по почетокот на вакцинацијата на пратениците во салата „Борис Трајковски“ рече дека очекува во...

Европа3 часа

Суперзаразниот индиски вид коронавирус пристигна во Европа, откриен во Белгија

Варијантата на Ковид-19, која е широко распространета во Индија, е откриена во Белгија кај група индиски студенти кои пристигнале од...

Свет3 часа

Треба ли вакцинираните да носат маски на отворено?

Дали вакцинирано лице кое оди на отворено сè уште треба да носи маска? Дали е потребно да се носи маска...

Свет3 часа

Сè помалку надеж за екипажот на исчезнатата подморница, се стравува дека е смачкана од притисокот на водата

Во морето недалеку од Бали во тек е очајна трка со времето. Бродови на индонезиската морнарица, како и од низа...

Регион4 часа

Вучиќ: Не сакаме голема Србија

Нe сме заинтересирани за создавање голема Србија, за нас голема Србија значи подобра економија, повеќе фабрики, подобри плати и подобра...

Свет4 часа

Студија: Една доза од „астразенека“ и „фајзер“ значително го намалува ризикот за зараза со коронавирусот

Ризикот едно лице да се зарази со коронавирусот е значително помал по примaње на една доза од вакцините на „Астразенека“...

Македонија4 часа

Од коронавирус почина д-р Сенат Грбовиќ

Асоцијацијата на специјализанти и млади лекари на „Фејсбук“ објави дека од компликации од коронавирус починал 53-годишниот лекар д-р Сенат Грбовиќ....

Македонија5 часа

Денеска се вакцинираат пратениците

Во „А1 арената Борис Трајковски“ денеска ќе се вакцинираат пратениците од Собранието како дел од критичната инфраструктура опфатена во Националниот...

Македонија19 часа

Намален е притисокот врз болниците, вели министерот Филипче

Притисокот брз болниците е намален, а состојбата со вирусот се смирува, оцени денеска министерот за здравство, Венко Филипче, по состанокот со...

Топ21 час

Девојка од Гостивар, без нејзина согласност, била омажена и силувана

Без нејзина согласнот, 19-годишна девојка од Гостивар била предадена за брак во Шуто Оризари по што била силувана. Според твдењето...

Македонија21 час

Заев за повлекувањето на Шекеринска: Таа е моја другарка, без разлика каде ќе биде во иднина

Премиерот и лидер на СДСМ, Зоран Заев, изјави дека тој и потаму ќе соработува со Радмила Шекеринска по најавата дека...

Регион21 час

Мас: Добар момент за поддршка на дијалогот меѓу Србија и Косово

Сакам да видам на самото место како можеме да го поддржиме нормативниот дијалог меѓу двете земји, рече германскиот министер за...

Македонија22 часа

39 починати и 603 нови случаи на Ковид-19

Министерството за здравство информира дека во последните 24 часа се направени 2.596 тестирања, а регистрирани се 603 нови случаи на...

Топ23 часа

Приведено лицето што утрово пред кривичниот суд ѝ избега на затворската полиција

Единицата за прв одговор и интервенција при МВР кај Камениот мост во Скопје го привела 30-годишниот А.З. од Скопје, кој...

Македонија1 ден

Тројца обвинители од поранешното СЈО во тимот на Русковска

Пет кандидати од кои тројца обвинители од поранешното специјално јавно обвинителство се избрани за нови јавни обвинители во Обвинителството за...

Досие