Контакт

Свет

(Видео) 35 години од нуклеарната катастрофа во Чернобил, како изгледа денес градот на духовите

Објавено пред

Украина денес одбележува 35-годишнина од катастрофата во Чернобил, најтешката нуклеарна несреќа во историјата што погоди голем дел од Европа, пред сѐ, Украина, Белорусија и Русија.

На 26 април 1986 година, во 1.23 часот, нуклеарниот реактор бр. 4 во Чернобил, во близина на градот Припјат, стотина километри северно од Киев, експлодира за време на безбедносен тест. Нуклеарното гориво гореше десет дена испуштајќи радиоактивни честички во атмосферата, кои, според некои процени, биле расфрлани на три четвртини од површината на Европа.

Москва првин сакаше да ја скрие несреќата. Иако Шведска издаде предупредување на 28 април забележувајќи зголемување на радиоактивноста, советскиот претседател Михаил Горбачов одлучи да се појави во јавноста дури на 14 мај.

Речиси 350.000 луѓе беа евакуирани во радиус од 30 километри од централата во текот на неколку години.

За четири години по несреќата, приближно 600.000 советски експерти се испратени со мала или никаква заштита на местото на несреќата да го изгаснат пожарот, да изградат бетонски облоги околу реакторот и да ја исчистат околината.

Сè уште има дебата за бројот на човечки жртви по несреќата, а процените се движат од 30.000 до 100.000 мртви.

По неколку години доцнење, на крајот на 2016 година над реакторот беше изградена огромна непропустлива челична конструкција.

Благодарение на заштитната конструкција, стапката на радиоактивност во близина на централата се намали десет пати една година по нејзината инсталација, покажуваат официјалните податоци.

Ново истражување покажа дека несреќата во Чернобил не влијаела врз гените на децата на озрачените родители.

„Нема дополнително оштетување на ДНК кај деца чии родители биле изложени на зрачење по нуклеарната експлозија во Чернобил пред тие деца да бидат зачнати“, покажува студија објавена во списанието „Сајанс“.

Тоа е прва студија за проучување на гените на децата чии родители се занимавале со расчистување по нуклеарната катастрофа.

Сите испитаници се родени по несреќата, во периодот од 1987 до 2002 година, и биле испитани нивните геноми. Научниците не откриле никакви мутации што би се поврзале со изложување на нивните родители на последиците од нуклеарната несреќа.

Регион

Лидерите на Западен Балкан со заедничка декларација: Итен почеток на преговорите со Скопје и Тирана

Објавено пред

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за целиот регион на Западен Балкан, а не за одделни земји.

Лидерите на Словенија, Хрватска, Албанија, Црна Гора, Косово, Северна Македонија, Србија и на Босна и Херцеговина присуствуваа на состанокот по повод 10-годишнината од иницијативата.

Заедничката изјава го поздравува усвојувањето на Економскиот и инвестициски план на ЕУ за Западен Балкан од октомври 2020 година, како и фактот дека, како што се наведува, е придружен со значителни финансиски средства.

Документот нагласува дека, како составен дел на Европа, Западен Балкан има права и обврски да го следи развојот на земјите членки на ЕУ што е можно повеќе, со олеснет пристап до Унијата.

Лидерите на Процесот „Брдо – Бриони“ истакнаа дека се посветени на заедничката стратешка визија за Европа и ја истакнаа нивната посветеност на мирот и стабилноста, вклучително и добрососедските односи.

„Западен Балкан е дел од Европа и обединувањето на Европа не е целосно без Западен Балкан. Со членството во ЕУ границите меѓу земјите членки стануваат помалку важни, што создава поширок простор за соживот и плуралност на националните интереси“, се вели во документот.

„Ја повикуваме ЕУ да го забрза процесот на пристапување многу бргу и да го вклучи целиот Западен Балкан во Унијата имајќи го предвид напредокот што го направи секоја земја“, порачаа политичките лидери.

Тие изразија јасен став за отворање на пристапните преговори со Албанија и Северна Македонија, без натамошно одложување.

Во однос на предизвиците на пандемијата на Ковид-19 и нејзините економски и социјални последици, тие ја истакнаа потребата да се искористи закрепнувањето како можност за зелена и дигитална транзиција, што ќе доведе до одржлив развој и ќе им понуди можности на помладите генерации.

Прикажи повеќе...

Свет

Земан не прифаќа дека Русија е виновна за експлозиите во Врбетице

Објавено пред

Внатрешното превирање во Чешката Република за експлозиите во складиштето за муниција во 2014 година не покажува знаци на смирување, а претседателот Милош Земан одбива да ги прифати заклучоците на службата за безбедност на Прага дека е виновна Русија, пренесува РТ.

Спорот сега стана толку интензивен што и премиерот на земјата, Андреј Бабиш, и министерката за правда, Мари Бенесова, тргнаа во напад против Земан.

Во октомври и декември 2014 година се случија експлозии во складиштата за оружје во Врбетице, при што загинаа две лица. Минатиот месец, првиот вицепремиер на Чешка, Јан Хамачек, обелодени дека властите веруваат оти двајцата мажи, наводно одговорни за експлозиите, работат за руските воени разузнавачки служби.

По ова, Прага протера 18 руски дипломати пред подоцна да објави дека руската амбасада во главниот град ќе биде намалена за да одговара на големината на чешката делегација во Москва.

Сепак, и покрај заклучоците на разузнавачките служби, чешкиот претседател не е убеден во вината на Русија. Земан во неделата за радиото „Фреквенце 1“ изјави дека не е убеден оти има само едно објаснување за експлозиите истакнувајќи дека не верува во службата за безбедност и информации. Тој посочи дека инцидентите биле исценирани за да се прикрие недостигот од оружје.

Како одговор на коментарот на Земан, Бабиш објасни дека постои само една теорија за тоа што се случило. Бенесова исто така го поддржа премиерот истакнувајќи дека Чешка има само една теорија обвинувајќи ги руските воени разузнавачки служби.

Москва негира каква било вмешаност, а портпаролот на Кремљ, Дмитриј Песков, ги нарече обвинувањата провокативни и непријателски.

Прикажи повеќе...

Европа

ЕМА: Вакцината на „Фајзер“ може да се чува во обичен ладилник до еден месец

Објавено пред

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во ладилниците од 5 на 31 ден, со што ќе се олеснат логистичките предизвици за спроведување на вакцинацијата.

Оваа препорака се однесува само на неотворените шишенца, објаснува ЕМА.

Европскиот регулатор ја издаде својата препорака врз основа на дополнителни студии за стабилност на вакцините, поднесени од двете партнерски компании.

Американските власти во февруари одобрија складирање и транспортирање на вакцината на стандардни температури во фрижидер од 2 до 8 Целзиусови степени до две недели наместо вообичаените од минус 80 до минус 60 Целзиусови степени.

Прикажи повеќе...

Најново

Регион3 часа

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија3 часа

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија4 часа

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа4 часа

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија7 часа

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Економија10 часа

Oд полноќ се намалува цената на еуросупер БС-95 и на мазутот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Свет10 часа

Индија почна со дистрибуција на свој лек против коронавирус

Индија почна со дистрибуција на нов, домашен лек за лекување на симптомите од Ковид-19. Властите го одобрија лекот 2-ДГ, кој...

Македонија11 час

Захариева: Властите во Македонија ќе направат сѐ што можат Бугарите таму да се сѐ помалку

И Европа и ние ќе го следиме пописот во РСМ и очекуваме да се спроведе според сите европски стандарди и...

Свет11 час

(Видео) Тврдат дека Израел фрлил забранета бомба врз Газа, од која се топи човечко месо

На социјалните мрежи се шири видео со ракетирање на Појасот Газа, за кое се тврди дека е доказ дека Израел...

Свет13 часа

СЗО: Животниот век на работниците загрозен по пандемијата на коронавирусот

Премногу долгото работно време е смртоносно за стотици илјади луѓе во светот и ова е тренд што може да се...

Европа13 часа

Германски виролог предупредува: И следната година ќе мора да се вакцинираме

Шефот на германскиот независен советодавен панел за вакцинација, вирусологот Томас Мертенс, изјави дека е многу веројатно декаи следната година  сите...

Свет13 часа

На повидок нова вакцина – „Санофи“ и „ГСК“ велат дека произведува силен имунолошки одговор

Француската фармацевтска компанија „Санофи“ денеска соопшти дека експерименталната вакцина против Ковид-19, која ја развива заедно со „Глаксо Смит Клајн“ ќе...

Свет14 часа

Израел утрово изврши серија воздушни напади на Газа, висококатници срамнети со земја

Израелските воздушни сили рано утрово извршија серија масовни воздушни напади на повеќе локации во градот Газа. Најновата беше извршена само...

Свет14 часа

Товарен воз со токсични материи излета од шините во САД

Во близина на градот Сибли во американската држава Ајова воз на компанијата „Унион Пацифик“, кој превезувал тенкови и вагони со...

Македонија24 часа

(Видео) Заев: СДСМ останува локомотива за напредокот на македонската држава

Со задоволство сакам да соопштам дека денеска СДСМ одржа успешен 26. Конгрес, а веднаш потоа и прва седница на новоизбраниот...

Македонија1 ден

Лукаревска избрана за заменик-претседателка на СДСМ

Сања Лукаревска е новата заменик-претседателка на СДСМ, беше одлучено на денешниот 26. Конгрес на партијата. Таа беше изгласана со 682...

Свет1 ден

Нетанјаху со благодарност до земјите кои го поддржале Израел, меѓу нив и Македонија

Израелскиот премиер, Бенјамин Нетанјаху на социјалните мрежи им се заблагодари на владите на голем број земји во светот за, како...

Македонија1 ден

Регистрирани се 62 нови случаи на Ковид-19, починати се 14 лица

Министерството за здравство информира дека во последните 24 часа се направени 2.557 тестирања, а регистрирани се 62 нови случаи на...

Свет1 ден

(Видео)10 годишно девојче во урнатините на Газа, низ солзи вели: Не можам да го трпам ова, јас сум само дете

Жестоките напади меѓу Израел и Хамас се најтешки за луѓето во Газа, каде што луѓето умираат секој ден – претежно...

Свет1 ден

Курц: Целта на истрагата е да ме отстранат од функцијата

Австрискиот канцелар Себастијан Курц оцени дека целта на поднесената пријава против него, поради наводни лажни изјави пред истражниот одбор во...

Досие