Контакт

Свет

Властите од Нагорно-Карабах тврдат дека половина од населението е раселено поради борбите

Објавено пред

Властите во Нагорно-Карабах изјавија во средата дека половина од населението е раселено поради борбите со азербејџанските сили во текот на минатата недела.

„Според нашите прелиминарни проценки, околу 50 отсто од населението на Нагорно-Карабах и 90 отсто од жените и децата – околу 70.000 до 75.000 луѓе – се раселени“, рече Артак Багларијан, омбудсман за човекови права во регионот што Ерменците го нарекуваат Република Артсак.

Според извештајот на „Дојче веле“ во средата, гранатирањето од страна на Азербејџан во текот на минатата недела го претвори главниот град на Нагорно-Карабах во град на духови, со многу неексплодирани бомби на улиците.

Тој град, Степанакерт, имал околу 50.000 жители пред да започнат борбите. Ерменското Министерство за одбрана соопшти дека Степанакерт е гранатиран континуирано од викендот, а азербејџанските сили намерно целат кон станбените куќи и цивилната инфраструктура.

„Амнести интернешнел“соопшти во вторникот дека нејзините аналитичари ја потврдиле употребата на касетна муниција против станбени цели во Степанакерт. Меѓународните хуманитарни конвенции забрануваат употреба на касетни бомби против цивилни цели, но ниту Ерменија ниту Азербејџан не се потписнички на тие договори.

Една од многуте опасности што ги претставува ваквото оружје е тоа што тие имаат тенденција да расфрлаат неексплодирани гранати кои подоцна можат да се активираат и убијат повеќе цивили.

„Уништени се згради и куќи. Ние толку се плашиме од тоа. Како може некој да го издржи тоа? Колку ќе трае?“ вели еден жител на регионот Нагорно-Карабах за „Асошиејтед прес“.

Властите во Азербејџан тврдат дека нивните напади врз Степанакерт биле насочени кон ракетни фрлачи кои пукале кон азербејџанска територија од градот, или близу градот, иако признале дека е можна одредена колатерална штета. Азербејџан редовно ги обвинува ерменските и силите на Нагорно-Карабах за намерно напаѓање цивилни цели и обратно.

Во борбите досега се пријавени  речиси 300 жртви, вклучително и 47 цивилни жртви. Вкупниот број е веројатно многу поголем бидејќи Азербејџан не објавува официјални податоци за воени жртви.

Ерменскиот премиер Никол Пашинјан во средата ги обвини Азербејџан и неговиот сојузник Турција за извршен меѓународен терористички напад врз регионот Нагорно-Карабах, кој се наоѓа во границите на Азербејџан, но има претежно ерменско население.

„За мене, несомнено е дека ова е политика на продолжување на ерменскиот геноцид и политика на враќање на турската империја“, рече Пашинјан.

Азербејџан во средата ја обвини Ерменија дека го нападнала нафтоводот Баку-Тбилиси-Џејхан со ракетен напад што бил одбиен од азербејџанската војска. Нафтоводот се смета за главен интерес за националната безбедност од страна на Турција, а неговата безбедност претставува значаен регионален проблем.

Ерменското Министерство за одбрана негираше какви било напади на капацитети за производство на нафта или гас.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Фаучи: Можно е укинување на обврската за носење маски во затворен простор

Објавено пред

Водечкиот американски имунолог и медицински советник во Белата куќа, Ентони Фаучи, објави дека наскоро ќе се променат упатствата за носење маски во затворен простор.

На прашањето дали е време да се започне со либерализација на таа мерка, Фаучи одговори дека смета дека тоа треба да биде така, пренесува Си-Ен-Ен.

„Мислам дека тоа најверојатно ќе го видите како одиме понатаму и кога се повеќе луѓе ќе се вакцинираат“, рече Фаучи, кој е и директор на Националниот институт за алергија и заразни болести.

Тој најави дека Американскиот центар за контрола и превенција на болести (ЦДЦ) ќе ги ажурира своите упатства, бидејќи што се повеќе Американци се вакцинираат.

Центарот за контрола ги олесни упатствата за носење маски на отворено минатиот месец, но продолжи да ги советува и оние кои биле вакцинирани и оние кои сè уште не се вакцинирани да носат маски во затворени простории како што се трговски центри, кина или музеи.

Прикажи повеќе...

Свет

(Видео) Застрашувачки снимки од Индија, пациенти оставени да умрат а лекарите го сокриле видеото

Објавено пред

Во Индија се појавија застрашувачки снимки од пациенти заразени со коронавирус кои, според тврдењата на нивните семејства, лекарите ги оставиле да умрат без кислород, заклучени во болиничките оделенија.

Трагичната сцена се случила во болницата „Крити“, приватна клиника во близина на Њу Делхи минатата недела откако на семејствата на пациентите им било соопштено дека во болницата недостасува кислород, пишува „Блиц“.

Роднините, кои плаќаа повеќе од илјада долари на ден за кревет, рекоа дека дошле во болницата, но ги нашле пациентите напуштени, а одделот за интензивна нега заклучен. Кога конечно се отвори вратата, се утврди дека пациентите починале, изјавиле тие.

Полицијата морала да реагира кога роднините на жртвите го пронајдоа медицинскиот персонал кој се крие во мензата и се заканиле дека ќе ги нападнат, пишуваат светските агенции.

Бидејќи видеото за трагедијата стана вирално оваа недела, полицијата соопшти дека институцијата не е овластена за лекување на пациенти со Ковид-19 и дека истрагата е во тек.

Инаку болницата има 50 кревети за пациенти со коронавирус, а според лекарите, оние кои починале биле на возраст меѓу 40 и 80 години.

Менаџментот на болницата потврди дека лекарите и персоналот привремено се „кријат“, јавуваат агенциите.

“Плашејќи се од загубата на нивните животи, тие се сокрија во мензата, за да не ги нападнат нивните семејства. Сепак, лекарите и персоналот се вратија на работа набргу по пристигнувањето на полицијата”, изјави портпаролот на болницата.

Директорот на болницата изјави дека членовите на семејството биле предупредени да ги „пренесат своите пациенти“ поради кислородната криза.

„И покрај бројните барања, никој не дојде пред да починат пациентите“, рече тој.

Инаку и викендов имаше рекорден број на смртни случаи во Индија, пишуваат медиумите а трет ден по ред бројот на новозаболени е поголем од 400.000. Медицинските експерти велат дека вистинските податоци можат да бидат пет до десет пати повисоки од официјалните бројки.

Прикажи повеќе...

Европа

Борел: Лидерите на БиХ да прекинат со остра реторика и да спроведат реформи

Објавено пред

Високиот претставник на ЕУ за надворешна политика и безбедност Жозеп Борел, пред состанокот на министрите во Брисел, оцени дека лидерите на БиХ треба да престанат со националистичката реторика и наместо тоа да се фокусираат на брзиот напредок во реформите.

„Испратив јасна порака до водачите на БиХ за време на важните разговори со претседателството на земјата – тие мора да престанат да ја користат националистичката реторика на поделби и наместо тоа да се фокусираат на брзиот напредок во реформите“, рече Борел.

Висок претставник на ЕУ, кој беше во БиХ кон крајот на април, рече дека политичката атмосфера во земјата неодамна се влошила, јавуваат тамошните медиуми.

Повикот за прекројување на границите во регионот и поделбата на БиХ по етничка линија предизвика жестоки реакции. Реториката што го доведува во прашање интегритетот на БиХ мора да престане.

„Опасно е и неприфатливо да се зборува за отцепување, нови граници, понатамошни етнички поделби или војна“, рече Борел.

Според него, граѓаните на Босна и Херцеговина и земјите-членки на ЕУ сакаат да видат поголем напредок.

„Улогата на ЕУ, заедно со Соединетите Американски Држави, е да ги олесни преговорите. Обидите за погрешно прикажување на улогата и намерите на ЕУ и нашите меѓународни партнери во БиХ се неприфатливи “, додаде Борел.

Прикажи повеќе...

Најново

Свет13 минути

(Видео) Застрашувачки снимки од Индија, пациенти оставени да умрат а лекарите го сокриле видеото

Во Индија се појавија застрашувачки снимки од пациенти заразени со коронавирус кои, според тврдењата на нивните семејства, лекарите ги оставиле...

Македонија33 минути

Заев денеска во Брисел, ќе разговара за пристапниот процес на Македонија во ЕУ

Премиерот Зоран Заев денеска во седиштето на ЕУ во Брисел ќе има средби со претседателката на Европската Kомисија Урсула фон...

Свет1 час

(Видео) Пет лица повредени при напад со нож во Нов Зеланд

Пет лица се повредени, а три се во критична состојба откако биле прободени со нож во супермаркет во Нов Зеланд,...

Свет1 час

Состанок на Министрите за надворешни работи на ЕУ, фокусот е Западен Балкан

Шефовите на дипломатиите на Европската Унија денеска во Брисел ќе одржат дискусија за посилен политички ангажман на ЕУ со партнерите...

Свет1 час

(Видео) Седум лица убиени на роденденска забава во Колорадо

Седум лица, вклучително и напаѓачот, беа убиени синоќа во пукање на роденденска забава во Колорадо Спрингс во американската држава Колорадо,...

Македонија18 часа

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет18 часа

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион20 часа

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ21 час

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија21 час

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија21 час

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија22 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет22 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија23 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет1 ден

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет1 ден

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион2 дена

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт2 дена

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ2 дена

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија2 дена

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Досие