Свет
Влегол во продавница и пукал, нов напад во САД

Три лица загинаа во пукање во продавница во центарот на американската сојузна држава Вашингтон, соопшти полицијата. Напаѓачот е во бегство и се смета за опасен, пренесува Ројтерс.
Полицијата била повикана во продавницата „Circle K“ во 3:30 часот по локално време кога три лица биле пронајдени мртви, изјави на новинарите началникот на полицијата Мет Мареј. Две жртви биле застрелани внатре во продавницата, додека третата била застрелана надвор. Полицијата овој напад го опиша како случаен чин на насилство, но со непознат мотив.
„Се чини дека ова е случајна ситуација. Немаше очигледен конфликт меѓу страните“, рече Мареј, додавајќи: „Човекот само влезе и почна да пука. Откако почна да пука во продавницата, вооружениот напаѓач истрча преку улицата и пукаше кај возилото, принудувајќи го возачот да седне на совозачкото седиште. Го украл автомобилот и побегнал, велат од полицијата.
Засега не е позната состојбата на возачот. Полицијата води истрага, собрала безбедносни снимки и изјави на сведоци. На социјалните мрежи таа објави фотографија од маж облечен во црн дуксер со качулка, фармерки и капа и бели патики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Мостот кај Мелитопол што го погодија Украинците бил особено важен

Советникот на украинското Министерство за внатрешни работи, Антон Герашченко, објави дека украинските сили го погодиле железничкиот мост кај Мелитопол.
„Мостот беше важен и го поврзуваше Мелитопол со првите борбени линии во Запорожје“, напиша тој.
Ukrainian Army hit a railway bridge near occupied Melitopol today with HIMARS. The bridge was important for connecting Melitopol with the frontlines in Zaporizhzhia region.
The destruction is significant, Russian soldier admits. pic.twitter.com/tBuDmKuM4e
— Anton Gerashchenko (@Gerashchenko_en) January 29, 2023
„Штетата е значителна, дури и рускиот војник го признава тоа“, рече тој.
Претходно проруските власти објавија дека во овој напад загинале неколку лица.
Свет
Шолц: Украина нема да биде снабдена со борбените авиони што ги бара

Германскиот канцелар Олаф Шолц денеска изјави дека Украина нема да биде снабдена со борбените авиони што ги бара и предупреди дека не смее да дојде до војна во трката за вооружување.
Во интервју за германскиот весник „Тагешпигел“, Шолц изјави дека во наредниот период ќе се фокусира на испорака на тенкови „Леопард“ во Украина, пренесе Би-би-си.
„Факт е дека штотуку донесовме одлука за испраќање тенкови, поради што ми изгледа несериозно што во Германија веќе се започнува нова дебата за испраќање оружје во Украина“, рече Шолц.
Во средата, Германија се обврза да и’ испорача 14 тенкови Леопард на Украина, по неколкунеделен притисок од сојузниците, а во исто време, САД, исто така, одлучија да ѝ дадат на Украина тенковите М1 Абрамс.
Два дена подоцна, украинскиот заменик-министер за надворешни работи Андриј Мелник го повика Западот да им обезбеди борбени авиони – американски Ф-16 и Ф-35, Еурофајтер, Торнадо, француски Рафал и шведски Грипен, додека украинскиот претседател Володимир Зеленски додаде ракети со долг дострел на тој список.
Од Вашингтон беше најавено дека во четврток ќе разговараат за идејата за испорака на авиони многу внимателно со Киев, додека барањето за испорака на ракети не е коментирано, но се знае дека Америка го одбива.
Шолц денеска повтори дека НАТО не е во војна со Русија и порача дека сојузниците „нема да дозволат да дојде до таква ескалација“.
Тој потврди дека редовно разговара со рускиот претседател Владимир Путин и прецизираше дека последен пат се слушнале во декември.
Неопходно е да се разговара, рече Шолц и додаде дека секогаш испраќал јасна порака дека нападот врз Украина е неприфатлив и oти оваа ситуација може да се реши само со повлекување на руската армија.
Свет
Турција би можела да го поддржи влезот на Финска во НАТО, рече Ердоган

Ердоган рече дека Турција може да го прифати членството на Финска во НАТО, пренесува АФП.
За потсетување, Турција ја блокира Шведска по демонстрациите пред турската амбасада претходно овој месец. Во исто време Финска најави дека е можно да се почне да се размислува за влез во НАТО без Шведска.