Контакт

Свет

Во Анкара се гради најголемиот забавен парк во Европа, опозицијата обвинува дека е опасен за животот

Објавено пред

„Анкапарк“ – гигантскиот забавен парк кој напролет ќе биде отворен во главниот град на Турција – стана тема на критиките на опозицијата упатени кон власта пред пролетните локални избори, кои ќе се одржат на 31 март годинава во Турција.

Џем Узан, генералниот директор на градското претпријатие што управува со, како што го нарекува, најголемиот тематски парк во Европа, во изјавата за агенцијата „Анадолија“ изрази надеж дека нема да се доцни со отворање на објектот кој поседува вкупно 2 илјади и 117 играчки (рекреативно-забавни елементи) за разлика од европските, во кои нивниот број изнесува најмногу 90. Според Узан, деновиве се работи на отстранување на некои недостатоци во инфраструктурата и елементите за забава и дека набргу ќе почнат последните тестови на гигантските забавни играчки од страна на меѓународната стручна фирма ТУВ со седиште во Германија.

Токму овие изјави на Узан повторно ги предизвикаа реакциите на опозицијата. Пратеничката на најголемата опозициска партија во земјата ЏХП (Републиканската народна партија на Кемал Киличдаролу) од Анкара, Гамзе Ташчиер, поднесе интерпелација во парламентот за „Анкапарк“ тврдејќи дека одредена фирма од Кина утврдила ризици за животот на посетителите на паркот и истакна дека жителите на Анкара во еден незавршен објект во име на политичко шоу ќе бидат користени како заморчиња, само тој да биде отворен пред локалните избори. Таа побара од министерот за екологија и урбанизам, Мурат Курум, меѓу другото, да одговори и на нејзиното прашање дали е точно дека паркот, и покрај сите ризици, ќе биде отворен пред локалните избори на 31 март годинава, а потоа повторно ќе се оди на поправања на недостатоците. Ташчиер истакна дека изградувајќи го паркот на плацот на Шумарската фарма, подарок на Ататурк за жителите на Анкара, и трошејќи милијарди лири на жителите на престолнината, освен што е причинета материјална и нематеријална штета, сега на тоа се додава и животната опасност најмногу за децата и сето тоа во име на политичко шоу на владејачката АКП (Партијата на правдата и просперитетот на Реџеп Таип Ердоган).

На овие напади на пратеничката од опозицијата преку својот профил на „Твитер“ се огласи поранешниот градоначалник на Анкара, Мелих Ѓокчек, кој во 2013 го постави камен-темелникот на „Анкапарк“ напаѓајќи ја опозицијата дека почнала да паничи притоа порачувајќи ѝ на пратеничката Ташчиер дека ќе пукне од инает кога ќе дојде да го посети паркот. Ѓокчек порано имаше соопштено дека изградбата на забавно-рекреативниот парк чинела околу 450 милиони долари, кои биле средства на граѓаните.

Минатата година Мухарем Инџе, претседателскиот кандидат на опозициската Републиканската народна партија (ЏХП) на претседателските избори од 24 јуни 2018, ја критикуваше оваа инвестиција напаѓајќи ја владата дека практиката на ограбување на јавните извори од страна на лошата власт ги зафатила и нејзините општини. „Зад денешните економски проблеми стојат ваквите лоши потези поради кои растат инфлацијата и девизниот курс, а паѓа националниот приход и се осиромашува народот“, објави тогаш Инџе на својот твитер-профил.

На нападите на опозицијата дека со брзање објектот да се стави во употреба се ставаат во опасност и животите на граѓаните, генералниот директор на „Анкапарк“, Џем Узан, одговара дека 90 отсто од гигантските забавни елементи се купени од европски фирми, а само 10 отсто од елементите, како панорамското тркало и рингишпилот, се од Турција и Кина додавајќи дека контролата на објектите со сите потребни сертификати ја изведува меѓународната стручна фирма ТУВ.

„Анкапарк“, кој е во сопственост на анкарската општина, се простира на површина од 1 милион и 400 илјади квадратни метри, а со покриениот простор од 130 илјади квадратни метри ќе биде активен 12 месеци во годината. Тендерот за „Анкапарк“ го добија 3 турски и една кинеска фирма, со право да го водат изнајмениот објект во наредните 29 години. Поради ова, се очекува кинескиот партнер во новата туристичка атракција на Анкара да привлече околу 500 илјади кинески туристи, но исто така се цели и кон привлекување голем број туристи од Блискиот Исток и Русија, што ќе биде додатен импулс за туризмот во турската престолнина, со што, според Узан, ќе се придонесе за зголемување на благосостојбата на нејзините жители.

Освен забавниот дел, комплексот има и 100 продавници, посебни простории за роденденски и други забави и јапонски, кинески и италијански ресторани, но основна тема врз која е работено е османлиската, во склоп на која ќе бидат опфатени речиси сите специјалитети од турската кујна. Влезницата во паркот ќе изнесува 25 турски лири или околу 4 евра.

Асуде А. Кочан



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Помпео: Русија се меша во изборите во целиот свет

Објавено пред

САД ќе продолжат да го осудуваат руското мешање во американските избори и ќе преземат одлучни мерки против злонамерното дејствување на Москва, порача американскиот шеф на дипломатијата, Мајк Помпео, по објавата на извештајот за истрагата за тоа прашање.

„Јасно ќе им кажеме дека тоа е неприфатливо“, рекол Помпео.
„Ќе преземеме одлучни мерки за уште повеќе да ги платат своите злонамерни дејствувања и ќе продолжиме да го правиме тоа“, додаде Помпео.

Одговарајќи на новинарско прашање за извештајот на специјалниот обвинител Роберт Милер, кој ја спроведе истрагата за наводното руско мешање, тој вели дека се работи за сериозна работа.

„Тоа е сериозно, Русија се меша во изборите во целиот свет, не само во нашоте во 2016 година, туку и во другите“, нагласил Помпео.

Прикажи повеќе...

Свет

Демократите бараат објава на целиот извештај на специјалниот истражител Милер, без прикривање на информациите

Објавено пред

Демократите од американскиот Конгрес по правен пат побараа увид во сите докази од специјалниот посебен истражител Роберт Милер, од неговата истрага за можно мешање на Русија во претседателските избори во 2016 година.

Претседателот на одборот за правосудство на Претставничкиот дом, Џеролд Надлер, побарал од Министерството за правосудство да му го предаде целосниот извештај на Милер нагласувајќи дека не може да прифати редигирана верзија објавена вчера поради која на Конгресот сè уште голем дел од содржината на извештајот му е непознат.

„Мојот одбор треба и има право на целосна верзија на извештајот и доказите на кои се темели во согласност со претходната пракса. Се чини дека редигирањето е значајно. Досега не сме виделе никакви вистински докази, кои посебниот истражител ги утврди во овој случај“, рекол Надлер.

Прикажи повеќе...

Свет

(Видео) Се урна ѕид од црква во Јужна Африка, има жртви и повредени

Објавено пред

Најмалку 13 луѓе загинаа и голем број се повредени кога ѕид се урна во црква во Јужна Африка за време на велигденската миса. Службите за итна помош соопштиле дека 29 луѓе биле итно пренесени во болница по несреќата.

Локалните власти рекле дека причина за несреќата биле поројните дождови во регионот. Повеќето од жртвите се жени, а меѓу нив најмладата имала само 11 години.

Ѕидот на предната страна од црквата се урнал на почетокот на мисата, која била планирана за престојниот викенд по повод христијанскиот фестивал за Велигден.

Прикажи повеќе...

Најново

Свет9 часа

Помпео: Русија се меша во изборите во целиот свет

САД ќе продолжат да го осудуваат руското мешање во американските избори и ќе преземат одлучни мерки против злонамерното дејствување на...

Избори 201910 часа

МВР ќе издава лични карти и утре и задутре

Министерството за внатрешни работи ги известува граѓаните дека сите одделенија за управни работи ќе работат в сабота и в недела...

Македонија16 часа

,,Сведочите на рекла-кажала”, Мијалков се обиде да го дискредитира Звонко Костовски

Со поставување вкрстени прашања, ексшефот на тајната полиција Сашо Мијалков се обиде да го дискредитира сведочењето на Звонко Костовски, еден...

Македонија17 часа

(Видео) Јанакиески побарал увид во доказите за крвавиот четврток

Околу триесетина минути траеше распитот на поранешниот министер за транспорт и врски Миле Јанакиески во Обвинителството за организиран криминал и...

Македонија19 часа

Револтирана мајка: Син ми доби силна тупаница по главата поради бојата на кожата

Револтирана мајка од Скопје на Фејсбук објави дека нејзиниот 13-годишен син добил тупаница по глава, а претходно бил навредуван на...

Македонија19 часа

Надица се логираше со други имиња за да види што другите гледаат во системот, сведочеше Звонко Костовски

Обвинетата началничка во МВР, Надица Николиќ, на денешното судење за масовното прислушување познато под кодното име „Таргет-Тврдина“ го испрашуваше инженерот...

Крвав четврток20 часа

Јанакиески повикан на распит во обвинителство за крвавиот четврток

Ексминистерот за транспорт и врски, Миле Јанакиески, е повикан на распит во Обвинителството за гонење организиран криминал и корупција во...

Македонија21 час

Теренска вакцинација во училиштата против морбили

Медицински персонал денеска ќе тргне по училиштата и теренски ќе ги вакцинира оние што не ја примиле вакцината против морбили....

Европа21 час

Шпанската полиција спречи терористички напад на џихадистите за Велигден во Севиља

Шпанската полиција, наводно, спречила планиран напад на велигденските поворки во Севиља, при што во Мароко е уапсен еден џихадист, соопшти...

Избори 20191 ден

Дескоска: Ако не се избере претседател, во игра се две опции

Во игра се две опции доколку на претседателските избори не биде постигнат потребниот цензус, изјави министерката за правда, Рената Дескоска....

Македонија2 дена

На интернет објавени четири прислушувани разговори

На интернет пред неколку часа објавени се четири телефонски прислушувани разговори. Зад објавата стои извесен корисник „Илија громовник“, а разговорите се...

Избори 20192 дена

Силјановска во штабот на Пендаровски

Гордана Силјановска-Давкова денеска го посети изборниот штаб на својот противкандидат Стево Пендаровски. Таа на „Твитер“ објави дека со присутните разговарале...

Македонија2 дена

(Видео) Поплава во средното уметничко училиште во Скопје

Во средното уметничко училиште „Лазар Личеноски“ во Скопје вчера настанала поплава, откако избил вентилот за парно греење за време на...

Македонија2 дена

Нови 30 дена куќен притвор за Стевчо Јакимовски

Кривичниот суд во Скопје му определи нови 30 дена куќен притвор на поранешниот градоначалник на општина Карпош Стевчо Јакимовски во...

Свет2 дена

„Фејсбук“ без дозвола собрал адреси на е-пошта од 1,5 милион корисници

„Фејсбук“ призна дека собрал адреси на е-пошта од 1,5 милион корисници без нивно знаење и дозвола, објави Си-ен-ен. Најголемата социјална...

Свет2 дена

(Видео) Девојка во Бангладеш запалена зашто пријавила сексуална злоупотреба

Студенти ја полиле со керозин и ја запалиле нивната колешка Нусрат Џахан Рафи во училиште во Бангладеш бидејќи две недели...

Свет2 дена

Маж со канистери полни бензин и запалки сакал да влезе во катедралата во Њујорк

Триесет и седумгодишен маж e уапсен откако се обидел да влезе во катедралата Свети Патрик во Њујорк со два канистери...

Македонија2 дена

Репортери без граници: Земјава на 95. место според слобода на медиумите

Северна Македонија е на  95. место според последниот светски индекс за слободата на медиумите на Репортери без граници (РСФ), со...

Свет2 дена

„Тајм“ објави листа на највлијателни луѓе во светот

Пејачката Тејлор Свифт, телевизиската новинарка Гејл Кинг и фудбалската ѕвезда Мохамед Салах се меѓу шесттемина познати и највлијателни луѓе според...

Европа2 дена

(Видео) Португалија: Загинаа 29 германски туристи во автобус кој излета од патот на островот Мадеира

Најмалку 29 туристи од Германија загинаа синоќа во несреќа на португалскиот остров Мадеира, кога препол автобус излета од патот и...

Досие