Премиерот на Либија, Фајез ал-Сераџ, изјави во ексклузивно интервју за „Еурољуз“ дека трупите на командантот Калифа Хафтар не се организирана војска како што тие тврдат дека се, туку криминалци и насилници.

„Тие се криминални банди, идеолошки групи, насилници и одметници”, изјави Ал-Сераџ.

„Ние го браниме сонот на сите либијци за воспоставување цивилна држава. Ќе продолжиме да го браниме нашиот сон, нашиот главен град, нашите домови, нашиот народ, додека овој напад не биде запрен и сите инванзивни трупи не се вратат назад од каде што дојдоа“, додаде тој.

Либиската национална армија на Хафтар, со седиште во источниот дел на земјата, започна напад за да го освои главниот град во април.

Во битката за Триполи загинаа најмалку 510 лица, 75.000 беа протерани од своите домови, а илјадници мигранти беа заробени во притворски центри, според Обединетите нации.

На грчкиот остров Самос, група локални нуркачи кои формираа аматерски клуб за да уживаат во истражување на водите на Егејот, сега спасуваат мигранти во опасност од давење, пренесува „Еуроњуз“.

Кога се приближува брод со имигранти, работените на пристаништето ги известуваат нуркачите, кои досега спровеле околу 180 операции за пребарување и спасување на мигранти – понекогаш и за време на невреме.

„Ние се наоѓаме на источната страна на островот … каде што обично пристигнуваат бегалците кои доаѓаат од турскиот брег“, објасни Никос Цумакис, член на нуркачкиот клуб „Самос“.

И покрај тоа што се неплатени доброволци, нуркачите стојат на располагање 24 часа на ден и веќе имаат спасено 1.800 луѓе и пронајдено 49 тела.

„Кога одиме да им помогнеме на бегалците и да ги пронајдеме мртвите деца, во нивните очи ги гледаме душите и очите на нашите деца“, рече нуркачот Стелиос Хациандреу, кој има три ќерки.

„Многу е тешко, но … ќе продолжиме“.

Граничната полиција на БиХ откри седум илегални мигранти сокриени во камиони од Бугарија и Молдавија.

Тие беа откриени вчера на меѓународните гранични премини Рача и Каракај, објави Klix.ba.

станува збор за шест Авганистанци и еден Пакистанец, кои беа скриени во товарни моторни возила, со национални ознаки на Бугарија и Молдавија.