Властите во Шангај започнаа со евакуација на населените места во близина на реката Бунд, откако официјалните лица открија најмалку три нови случаи на ковид-19.

Официјалните лица не наведоа колку луѓе биле протерани од таа област во централниот дел на Шангај, но тие го зголемиле бројот на тестови со цел веднаш да спречат малите фокуси да се претворат во големи, објави Гардијан.

Заразени се две лица кои работат во болници, а исто така се и соседи, додаваат официјални лица, додека кај нивните контакти е пронајден трет случај.

Се дезинфицираат градските автобуси, пред жителите на иселената населба да бидат однесени во хотел, а некои патишта се затворени.

Германскиот синџир супермаркети „Лидл“ им понуди на сите свои вработени во САД кои се вакцинираат против Ковид-19 дополнителни 200 долари откако вакцината ќе стане подостапна во сојузните држави.

„Лидл“ ја објави понудата по слични потези на неговите конкуренти на американскиот пазар како „Алди“ и „Долар џенерал корп“, како и компанијата за испорака на намирници „Инстакарт“, пренесува „Ројтерс“.

Паричниот стимул што го нуди „Лидл“ за вакцинирање е меѓу најголемите што компанијата некогаш им ја понудила на своите американски работници.

„Лидл“ рече дека неговите вработени покажуваат голем интерес за вакцинирање, повикувајќи се на интерно истражување во кое скоро осум од 10 работници изјавиле дека планираат да се вакцинираат веднаш штом вакцината биде достапна.

„Лидл“ ги продава своите производи во повеќе од 125 продавници низ девет американски држави на источниот брег.

„Твитер“ ѝ забрани пристап до профилот на Кинеската амбасада во САД поради наводна повреда на неговата политика против дехуманизација со твит во кој Кина ги брани своите активности во Сјинџијанг, пренесува РТ.

Ова се случува само неколку недели по суспендирањето на американскиот претседател Трамп од платформата. Платформата забранува „дехуманизација на група луѓе врз основа на нивната религија, каста, возраст, попреченост, сериозни болести, национално потекло, раса или етничка припадност“.

Технолошкиот гигант го заклучи @ChineseEmbinUS, официјалниот профил на Кинеската амбасада, за наводно кршење на политиките против дехуманизација откако одбила да избрише твит за одбрана на политиките на владата во врска со Ујгурите муслимани во регионот Сјинџијанг. Портпарол на Твитер во средата потврди дека профилот е сè уште е заклучен.

Твитот, во кој се вели дека ‘жените Ујгури веќе не се машини за правење бебиња, благодарение на работата на кинеската влада за искоренување на екстремизмот во Сјинџијанг’, и наместо тоа станале ‘посамоуверени и независни’, од 8 јануари беше скриен зад известувањето „овој твит веќе не е достапен“.

Сепак, „Твитер“ бара амбасадата рачно да го избрише твитот за да ѝ го отклучи профилот. Амбасадата твитна неколку пати по објавувањето на навредливиот пост, кој остана видлив најмалку 24 часа пред да биде цензуриран.

Кинеските медиуми претходно го критикуваа одговорот на „Твитер“ на твитот како лицемерие зашто и други твитови, кои остануваат видливи, исто така ја бранат кинеската политика во однос на Ујгурите.

Една објава содржи графикон кој прикажува како се зголемува бројноста на малцинството повеќе од 25 отсто од 2010 до 2018 година, а друг ги објаснува деталите на политиката на Пекинг за планирање на семејството во Ксинџијанг.

Does #Xinjiang really have forced sterilization policy? Find out what real scholars in #Xinjiang have to say:
🔗https://t.co/WbVtkxihr3 pic.twitter.com/cs4ARqeAkD

— Hua Chunying 华春莹 (@SpokespersonCHN) January 8, 2021

Кина ја бранеше својата ујгурска политика како спротивставување на екстремизмот во регионот, а САД во ноември ја тргнаа ознаката „терористичко“ од Источното туркистанско исламско движење (ЕТИМ) – милитантна верска организација.

„Твитер“ им дозволи на критичарите на Пекинг, вклучувајќи го и поранешниот државен секретар на САД, Мајк Помпео, кого кинеската влада неодамна го санкционираше за мешање во внатрешните работи на Кина, да ја обвинуваат Кина за спроведување геноцид во регионот, наводно со насилна стерилизација на жените Ујгури.

Иако „Твитер“ е забранет во Кина, владата одржува профили таму и на другите западни социјални мрежи наменети за странска публика. Платформата нема историја на заклучување на профилите на кинеската влада, предизвикувајќи шпекулации дека тајмингот на овој потег сугерира обид да се покаже фер поради зголемена цензура.