Контакт

Свет

Во стомакот на мртов елен во Тајланд пронајдени 7 килограми пластика и ѓубре

Објавено пред

Во стомакот на мртов елен пронајден во национален парк во северниот дел на Тајланд најдени биле 7 килограми ѓубре.

Службениците од националниот парк во желудникот на животното, меѓу другото, пронашле и машки гаќи, пластични кеси и вреќички за инстант-кафе.

Кун Сатхан, официјален претставник на националниот парк, рече дека еленот хранејќи се, долго време внесувал и од пластиката што e расфрлана во паркот.

Претходно, во националниот парк регистриран е уште еден ваков случај на смрт на животно.

„Веруваме дека еленот внесувал пластика и отпад долго време пред неговата смрт“, изјавил директорот на Националниот парк за Би-би-си.

Тој најави проект за собирање отпад во паркот за кој ќе го ангажираат и локалното население. Директорот исто така најави едукација на локалното население и туристите за тоа како фрлената пластика во националниот парк им штети на животната средина и на животните.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Камион удри во автобус во Индија, има најмалку 18 загинати работници

Објавено пред

Најмалку 18 работници во северната индиска држава Утар Прадеш загинаа кога камион влета во автобусот во кој се наоѓаа работниците.

Нивното патување од Харјан до државата Бихар во кое живеат на 1.300 километри било прекинато кога се расипал автобусот во близина на Барабанки. За време на несреќата кога камионот удрил во нив, некои од работниците сè уште биле во автобусот, а други спиеле до или под автобусот.

Како што изјавија од полицијата , имало премногу патници во автобусот.

Еден од полициските службеници во Барабанки, рече дека патниците решиле да спијат покрај автобусот, додека возачот барал механичар кој ќе го поправи возилото.

Автобусот според полицијата најверојатно се расипал затоа што имал околу 140 патници, додека неговиот капацитет бил само за 65 патници. Ние им помагаме на семејствата, рече тој.

Додаде дека автобусот немал прозорци затоа што бил климатизиран и дека тоа ги принудило работниците да излезат на патот и да спијат таму.

Најмалку 30 лица се сериозно повредени и примени во болницата во Барабанки. Премиерот на Индија, Нарендра Моди, напиша на својот Твитер профил дека му е многу жал за оваа несреќа и им вети на семејствата на жртвите парична помош.

Прикажи повеќе...

Европа

Зеленски смени голем дел од генералите, во најава и смена на министерот за одбрана

Објавено пред

Претседателот на Украина, Владимир Зеленски, направи голема чистка меѓу генералите, а ќе го замени и министерот за одбрана, пренесуваат агенциите.

Сегашниот командант на вооружените сили на Украина, Руслан Хомчук, мораше да ја предаде функцијата на генерал -мајор Валери Залужни (48), кој досега беше командант на оперативната група „Север“.

Претседателската администрација објасни дека причината за смената на генералот Руслан Хомчук е неговиот конфликт со луѓето во Министерството за одбрана на Украина, што се рефлектираше во ситуацијата со армијата. Интересно е што Зеленски требаше да објасни дека не се сомнева во патриотизмот и професионалноста на генералот Руслан Хомчук, но тој сака добро да соработуваат военото раководство и Министерството за одбрана, анализираат тамошните медиуми.

Хомчук е на највисока воена должност од март 2020 година, а дотогаш беше началник на Генералштабот на Украина. Во иднина Хомчук ќе биде првиот заменик-секретар на Советот за безбедност и одбрана и ќе го замени Михаил Ковал.

Веќе е објавено дека ќе биде сменет и министерот за одбрана, Андреј Таранов. На 23 јули беше сменет шефот на службата за надворешно разузнавање, Валериј Кондратјук, а на негово место беше назначен Александар Ваjeреевиќ Литвиненко, кој досега беше директор на Националниот институт за стратешки истражувања.

Деновиве беа сменети и заменик-шефот на Службата за безбедност на Украина, Руслан Баранечки и шефот на Дирекцијата за внатрешна безбедност на Службата за безбедност, Андреј Наумов. Причината за нивното отпуштање не е тајна, Зеленски беше незадоволен поради слабата ефикасност на Службата за безбедност на Украина во борбата против шверцот, т.е. нелегалниот увоз на стоки.

Инаку, според напишаните извештаи, Службата за безбедност на Украина очекува реформа, на која инсистира Вашингтон.

Прикажи повеќе...

Регион

Во БиХ стапи на сила законот со кој се казнува негирање на геноцидот во Сребреница

Објавено пред

Од денеска во Босна и Херцеговина на сила е законот со кој се забранува и казнува негирање на геноцид и величење на воени злосторства.

Високиот претставник на ОН за спроведување на Дејтонскиот мировен договор во заминување во БиХ, Валентин Инцко, на 23 јули објави дека ги искористил своите овластувања во Бон и наметнал измени во Кривичниот законик на Босна и Херцеговина, со кои се забранува и казнува негирање на геноцид.

Претседателот на Србија, Александар Вучиќ, рече дека Белград бил информиран и ги следи настаните во Босна и Херцеговина, со порака дека Србија не може да ја остави Република Српска без поддршка во економски и во секој поглед, и дека ќе излезе со предлог како во иднина да се води дијалогот со Бошњаците.

Одлуката на Инцко, да наметне закон со кој се казнува негирање воени злосторства, како што се очекуваше, поинаку е оценета од политичарите во оваа земја, а членот на Претседателството на БиХ, Милорад Додик, најави дека таков закон нема да се спроведува во Република Српска и се закани со отцепување од БиХ.

Прикажи повеќе...

Најново

Македонија2 минути

Заев и Тачи договорија соработка за локалните избори

Лидерите на СДСМ и на ДПА, Зоран Заев и Мендух Тачи, договорија соработка за локалните избори. Заев соопшти дека СДСМ...

Македонија1 час

Бремените жени и лицата над 60 години да се ослободат од работа, владата со препораки за заштита од топлотниот бран

Владата издаде препораки како заштита на населението од топлотниот бран и од денеска-среда до недела (29.07-01.08.2021 година) се препорачува: ослободување...

Свет2 часа

Бајден: Mаските и вакцините најдобра заштита од делта-сојот

Американскиот претседател Џо Бајден истакна дека носењето заштитни маски и вакцинирањето во области во кои доминира делта-сојот на коронавирус се...

Македонија18 часа

Maкедонците сè уште се вакцинираат на белградскиот саем

Македонските граѓани и понатаму се вакцинираат на белградскиот саем. „Меѓу 300 и 500 граѓани се вакцинираат дневно на саемот во...

Македонија18 часа

Напад врз новинар ќе се смета како напад врз службено лице, се воведува и кривично дело демнење

Министерот за правда, Бојан Маричиќ, објави дека во Владата поминале измените на Кривичниот законик, со кои заштитата на медиумските работници...

Македонија18 часа

Заев по повод 20 години од Рамковниот договор: Успешна историја благодарение на партнерите ЕУ, САД и НАТО

Владата денеска одржа тематска седница посветена на 20-годишнината од Охридскиот рамковен договор. Во своето обраќање на седницата премиерот Заев потенцира...

Македонија19 часа

Дејан Георгиевски ѝ донесе олимписко сребро на Македонија

Дејан Геoргиевски го прекина 20-годишниот пост на Македонија и од Олимписки игри ќе го донесе досега најблескавиот медал во 30-годишната...

Топ20 часа

Тетовец лажно се претставувал како лекар, измамил повозрасен охриѓанец и добил 40.000 денари

45-годишен тетовец лажно се претставувал како лекар и на тој начин измамил повозрасен жител од Охрид од кого добил 40.000...

Македонија20 часа

Регистрирани 39 нови случаи на Ковид-19

Министерството за здравство информира дека во последните 24 часа се направени 3.839 тестирања, а регистрирани се 39 нови случаи на...

Македонија22 часа

Заев: 17 октомври е датумот за локалните избори

И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска...

Европа23 часа

(Видео) Силна експлозија го потресе Леверкузен: Жителите добиле предупредување за екстремна опасност

Силна експлозија ги потресе куќите во германскиот град Леверкузен. Снимките од социјалните мрежи покажуваат како се крева огромен облак од...

Македонија23 часа

Само 0,02 отсто од вакцинираните со две дози во Македонија заболеле од коронавирус

Вкупно 92 лица од 330.000 кои се ревакцинирани заболеле со коронавирус, објави министерот за здравство, Венко Филипче. Ова, додаде тој,...

Европа24 часа

Во ЕУ вакцинирани 70 отсто од возрасните, две дози примиле 57 отсто

Претседателката на Европската комисија, Урсула фон дер Лајен, објави дека целта од 70 проценти вакцинирани од возрасните лица во Европската...

Спорт1 ден

Георгиевски обезбеди сребро на ОИ во Токио

Дејан Георгиевски избори пласман во финалето на олимпискиот турнир во таеквондо, во категоријата над 80 килограми. Во полу-финалето, Георгиевски го...

Македонија1 ден

Спасени планинари од Чешка на Шар Планина

Група планинари од Чешка вчера вечер се спасени од Шар Планина. Тие залутале, а околу 18 и 30 часот се...

Свет2 дена

(Видео) Песочна бура проголта град во Кина

Песочна бура висока речиси 100 метри зафати град во северозападна Кина, при што целиот град остана покриен со прашина. На...

Европа2 дена

Украинскиот напад ќе заврши со колапс, одговори Русија по изјавите за нова офанзива на Киев

Коментирајќи ја позицијата на поранешниот заменик-министер за привремено окупираните територии на Украина, Јуриј Гримчак, кој повика на подготовка на армијата...

Европа2 дена

Стапката на заразени од коронавирус во Европа се зголемува, предупредува СЗО

Светската здравствена организација (СЗО) денеска објави дека стапката на ширење на коронавирусот е забрзана во некои европски земји, пренесуваат светските...

Европа2 дена

(Видео) Јужна Европа се бори со пожари, најлошо е во Грција и Италија

Шумските пожари, потпомогнати од горештините и силните ветрови, денеска зедоа замав во јужна Европа, а некои северни земји ги расчистуваат...

Регион2 дена

Радев: Нема да дозволиме кршење на правата на Бугарите во Северна Македонија

Бугарија е најсилниот поддржувач на проширувањето на ЕУ, но не може да дозволи кршење на правата на граѓаните на Република...

Досие