Европа
Во шума во Шведска човек пронашол древно богатство од бронзеното време

Картограф кој истражувал шума на западот од Шведска за потребите на својот ориентационен клуб, наишол на заборавено богатство од бронзеното време, за кое се верува дека е старо околу 2.500 години.
Богатството содржело околу 50 интересни предмети, како што се ѓердани, нараквици и токи за облека.
„Отпрвин мислев дека сум нашол некаква светилка, но кога погледнав внимателно, видов дека станува збор за стар накит“, иазјавил Томас Карлсон, а пренесува Би-би-си.
Шведските археолози велат дека таква ризница многу ретко се наоѓа во шума и дека античките племиња од тоа подрачје обично оставале такви церемонијални предмети покрај реки или мочуришта.
Предметите биле на шумското тло, покрај карпи. Шумата се наоѓа во близина на градот Алингсас, на околу 48 километри североисточно од Гетеборг. Експертите веруваат дека картографот го видел богатството затоа што пред извесно време веројатно го ископале диви животни во потрага по храна.
Кога ја мапирал областа, Карлсон забележал дека нешто сјае на земјата. Отпрвин помислил дека е светилка, а потоа кога подобро погледнал помислил дека се работи за копии затоа што предметите биле во добра состојба. Тој испратил фотографии на локален археолог кој потврдил дека станува збор за историски интересно откритие.
Процесот на датирање открил дека предметите потекнуваат од периодот помеѓу 750 и 500 година п.н.е. Археолозите веруваат дека биле принесени како понуда за бог или богови или пак дека се работи за ритуално положување на богатство за живот после смртта.
„Накитот е исклучително добро зачуван. Повеќето предмети можат да бидат поврзани со жена или жени со висок социјален статус”, изјавил археологот Јохан Линг од Универзитетот во Гетеборг.
Меѓу предметите е и еден вид стап за работа со коњи, каков експертите претходно пронашле во соседна Данска, но не и во Шведска.
Според шведскиот закон, секој што ќе најде историски предмети треба веднаш да ја извести полицијата или надлежните служби, затоа што овие предмети и припаѓаат на државата. Националниот комитет за наследство потоа одлучува дали и во колкава мера ќе го награди пронаоѓачот.
Карлсон рекол дека наградата би била убав бонус, но дека за него тоа навистина не е важно.
Во Скандинавија, бронзеното време траело од околу 1700 до 500 година п.н.е., по што започнало железното време кое траело до 800 година од новата ера, кога започнало времето на Викинзите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
ЕУ сака да формира специјален суд за руските злосторства

Првиот чекор во борбата против неказнивоста за злосторствата извршени во руската агресија врз Украина би можело да биде формирање на обвинителство кое ќе собира докази, изјави комесарот за правда на Европската комисија Дидие Рејндерс.
„Првиот чекор може да биде формирање на специјален суд кое ќе собира докази“, рече Рејндерс денеска пред почетокот на неформалниот состанок на министрите за правда во Стокхолм, каде што една од главните теми е како да се осигура дека воените злосторства во Украина се да не остане неказнето.
Канцеларијата на специјалниот суд би била лоцирана во Хаг, во седиштето на Европравда, агенција на ЕУ за судска соработка во кривичните прашања. Рејндер вели дека може брзо да се воспостави.
Европската унија се залага за формирање на специјален суд за руските злосторства во Украина, а во очекување на собирање критична маса на поддршка во меѓународната заедница, сака да започне со собирање докази.
На крајот на ноември минатата година, претседателката на Европската комисија, Урсула фон дер Лајен, предложи формирање на специјализиран суд со поддршка на Обединетите нации, кој ќе суди за руските злосторства.
„Русија мора да плати за своите ужасни злосторства, вклучително и злосторствата за агресија врз суверена држава“, рече Фон дер Лајен.
На маса има две опции – едната е формирање на ад хок меѓународен суд, како Меѓународниот кривичен суд за поранешна Југославија, а другата е таканаречената хибридна опција, каде што национален суд, најверојатно украински, но со меѓународни судии, би суделе за злосторства од руска агресија,пренесе Индекс.хр.
Европа
Европската Унија ги продолжи економските санкции против Русија до 31 јули

Советот на ЕУ денеска одлучи да ги продолжи за шест месеци, до 31 јули 2023 година, санкциите насочени кон одредени сектори на руската економија.
„Тие во моментот се состојат од широк спектар на секторски мерки, вклучувајќи ограничувања на трговијата, финансиите, технологијата и стоките со двојна употреба, индустријата, транспортот и луксузните стоки. Тие исто така ја покриваат забраната за увоз или трансфер на морска сурова нафта и одредени нафтени деривати од Русија во ЕУ, де-SWIFT на неколку руски банки и суспензија на радиодифузни активности и лиценци за неколку места за дезинформации поддржани од Кремљ“, велат од ЕУ.
Овие санкции првпат беа воведени во 2014 година како одговор на руските акции во Украина, а потоа беа проширени во февруари 2022 година по руската воена агресија врз Украина.
Европа
Путин: Злосторствата на неонацистите во Украина покажуваат дека ги заборавиле лекциите од историјата

Рускиот претседател Владимир Путин денеска изјави дека злосторствата извршени од неонацистите врз цивилите во Украина покажуваат дека тие ги заборавиле лекциите од историјата.
Путин посочи дека заборавањето на лекциите од историјата води до повторување ужасни трагедии и како доказ з тоаа ги наведе злосторствата против цивилите и етничкото чистење извршено од неонацистите во Украина.
„Против ова зло нашите војници сега се борат херојски, рамо до рамо“, рече Путин во телеграмата упатена до организаторите и учесниците на настаните посветени на одбележувањето на Меѓународниот ден на сеќавање на холокаустот и 78-годишнината од ослободувањето на затворениците од концентрациониот логор Аушвиц од страна на Црвената армија.