Четири лица се повредени при пукање што се случило на излезна рампа на стадион во Алабама, каде се играл средношколски фудбалски натпревар.

„Две од четирите повредени лица се малолетници. Едно е во критична состојба“, изјави шефот на локалната полициска станица, Поул Прин.

„Пукотниците не се случиле внатре во стадионот, туку на рампата за излез. Неколку лица можеби се вмешани во инцидентот, но со оружје веројатно пукало само едно лице“, рече Прин.

Како што додаде, во моментот на инцидентот имало конфликт меѓу двајца мажи, но мотивот за пукањето засега е непознат.

Полицијата била информирана дека најмалку две лица се качиле во бело возило по пукањето и избегале од местото на настанот. Потрагата по нив е во тек.

Телата на четворица руски туристи се пронајдени во хотел на брегот во западна Албанија.

Полицијата соопшти дека туристите биле пронајдени задушени во хотелска сауна. На распит е целиот персонал на хотелот и истрагата е во тек.

Руските туристи, на возраст меѓу 31 и 60 години, биле дел од групата што поминала една недела на одмор во хотел со пет ѕвезди, пишува Гардијан.

Истражителите веруваат дека луѓето пронајдени мртви припаѓаат на исто семејство врз основа на нивните презимиња. Станува збор за двајца мажи и две жени.

Единаесет ученици се удавија во река за време на училишно патување во индонезиската провинција Западна Јава, соопштија локалните власти.

Од група од 150 ученици, 21 од нив паднале во реката, а спасувачите успеале да извлечат 10.

Средношколците беа на екскурзија на која учествуваа во чистењето на брегот на реката.

Според медиумите, учениците не носеле елеци за спасување.