Во последните 24 часа во Италија, 377 лица починаа од Ковид-19, а регистрирани се речиси 9.000 новозаразени со коронавирус.

Координаторот на владиниот научно-технички комитет, Агостино Миоко, тврди дека епидемиолошката состојба во Италија е под контрола, а карантинот што беше на сила во земјата за време на изминатите празници беше добар потег.

„Толку мал број новозаразени, 24 проценти помалку за една недела во споредба со претходната, не е забележан од октомври. Сепак, треба да се нагласи дека имунитетот на општеството ќе се воспостави само со масовна вакцинација“, рече Миоко.

Во моментот, вкупниот број на заразени лица во Италија е 547 илјади, од кои 20 илјади се во болница, а останатите се во домашна изолација.

Германската канцеларка Ангела Меркел сака да ги продолжи мерките за затворање поради епидемијата на коронавирусот до 15 февруари, објави германскиот весник „Билд“.

Весникот се повикува на нацрт-одлуката на Владата на Германија во извештајот.

Меркел денеска ќе се сретне со премиерите на покраините, а за време на состанокот ќе разговараат за можното продолжување на строгите мерки, во рамките на кои се затворени училиштата и повеќето продавници.

Се очекува Меркел да разговара за дополнителни мерки со премиерите.

Италијанскиот премиер, Џузепе Конте денеска беше изгласан во Долниот дом на парламентот, откако неговиот помлад партнер ја напушти владејачката коалиција, но тој ќе мора да се соочи со многу понеизвесно гласање на доверба во Горниот дом на собранието за помалку од 24 часа.

По неговиот апел до опозицијата и независните пратеници да го поддржат откако партијата на поранешниот премиер Матео Ренци, „Италија Вива“, ја напушти коалицијата минатата недела, Владата на Конте доби гласање на доверба за време на гласањето во Претставничкиот дом – Долниот дом со 321 глас „за“ и 259 „против“.

Во Горниот дом на парламентот – Сенатот на Република, владата имаше само мало мнозинство дури и кога „Италија Вива“ сè уште беше дел од коалицијата.