Во Косово почна зајакнувањето на мировните сили на НАТО по минатонеделните немири на северот на земјата, соопшти Алијансата.

Насилството избувна кога косовските власти назначија градоначалници етнички Албанци на позиции во северните општини кои беа избрани со излезност од само 3,5 отсто, бидејќи Србите ги бојкотираа локалните избори.

Во судирите беа повредени 30 припадници на мировните сили на НАТО познати како КФОР и 52 српски демонстранти.

„Околу 500 војници од турската 65-та механизирана пешадиска бригада ќе го сочинуваат најголемиот дел од засилувањата“, напиша на „Твитер“ портпаролката на НАТО, Оана Лунгеску, пренесе „Индекс“.

#NATO reinforcements have started to arrive in Kosovo following last week’s violence which injured 30 @NATO_KFOR peacekeeping troops. Around 500 🇹🇷service members from Türkiye’s 65th mechanized infantry brigade will make up the bulk of the reinforcements.https://t.co/vAho8N0hbb pic.twitter.com/Z7NQ5FqV23

— Oana Lungescu (@NATOpress) June 5, 2023

Како одговор на кризата, НАТО одлучи да испрати дополнителни 700 мировници на Косово, со што ќе го засили својот контингент од 4.000 војници, а генералниот секретар на алијансата, Јенс Столтенберг, во четвртокот рече дека е подготвен да испрати уште.

„НАТО ќе биде во состојба на готовност. Ќе бидеме таму за да обезбедиме безбедна средина, но и да ги намалиме тензиите“, изјави тој за новинарите за време на состанокот на министрите за надворешни работи на НАТО во Осло.

Во реонот на љубљанската област Фужина попладнево се случи пукање во кое две лица загинаа, а човекот за кој се верува дека е сторителот подоцна е пронајден мртов, соопшти словенечката полиција, пренесува агенцијата СТА.

Според засега достапните информации, двете лица починале на лице место како последица на тешки прострелни рани.

Убиството било извршено во познат локал во областа.

Очевидци за СТА изјавија дека жртвите биле во барот кога насилникот им се приближил. Тие се повлекле од терасата до детското игралиште кое се наоѓа веднаш до шанкот, а таму напаѓачот извадил пиштол и пукал во нив.

Според локалните жители кои ги познавале жртвите, може да се работи за долгови, пренесува СТА. Полицијата се уште не го открива мотивот за нападот.

Сторителот побегнал од местото на настанот, а полицијата подоцна соопшти дека на пошироко подрачје пронашла мртов маж за кој, според досега познатите информации, се верува дека е сторител на делото.

Неофицијално, напаѓачот си го одзел животот, пишува „Јутарњи“.

Истрели одекнале во Љубљана околу 15 часот, јавува N1 Словенија. Како што соопштија од полициската управа во Љубљана, две лица починале од прострелни рани на местото на настанот.

Насилникот се уште е во бегство, соопштија полициските службеници кои го обезбедуваа местото на престрелката и трагаат по сторителот.

„Бараме да ги почитувате упатствата на полициските службеници за да не ја попречувате работата на итните служби со престој на лице место“, велат од Управата на полицијата во Љубљана.