Свет
Данска стаписана од ненадејниот интерес на Трамп за купување на Гренланд
Данските политичари ги сметаат извештаите дека американскиот претседател Доналд Трамп покажува интерес за купување на Гренланд – автономна данска територија – за незамислива шега, напишаа поранешни членови на данската влада на своите официјални страници на „Твитер“, пренесува ТАСС.
„Мора да е првоаприлска шега, но во сосем погрешно време!“ напиша поранешниот премиер Ларс Локе Расмусен.
„Трамп го купува Гренланд? Се надевам ова е шега зашто во спротивно е ужасна мисла што носи ризик од милитаризација на Гренланд и помала независност за неговите граѓани покрај големата загуба за Данска“, истакна поранешниот шеф на дипломатија, Мартин Лигедар.
Властите во Копенхаген го сметаат овој проект за неразумен и незводлив.
„Ако е точно дека тој (Доналд Трамп) работи на оваа идеја, ова е конечен доказ дека полудел. Би рекол дека самата идеја дека Данска да може да им продаде 50. 000 свои државјани на САД е апсолутно луда“, изјави Сорен Есперсен, пратеник на десничарската Данска народна партија, за весникот „Јиландс постен“.
Трамп на почетокот на септември планира да го реализира своето првото патување во Данска, за кое се вели дека нема врска со неговата најнова идеја. Американската амбасада во Гренланд не даде никакви коментари по ова прашање, но поранешниот амбасадор Руфус Гифорд ја нарече идејата „целосна и тотална катастрофа“.
„Волстрит журнал“ во четвртокот објави дека Трамп, кој ќе престојува во официјална посета на Данска на 2-3 септември, изразил интерес пред своите помошници за купување на Гренланд. Во написот се вели дека дел од неговите помошници ја поддржале идејата, велејќи дека таков чекор може да биде економски искористен.
Гренланд, автономна данска територија, е дом на воздушната база Туле, најсеверната база на американската војска, лоцирана на околу 750 милји над Арктичкиот Круг и е изградена во 1951 година. Таа поседува балистички ракетен систем за рано предупредување кој може да предупредува за приближување на интерконтинентални балистички ракети и достигнува илјадници милји до руската територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.