Американските Центри за контрола и превенција на болести и Американската администрацијата за храна и лекови на САД препорачуваат САД да ја паузираат употребата на вакцината против коронавирус на „Џонсон и Џонсон“ поради шест пријавени случаи на редок и тежок вид на крвно згрутчување.

Шест пријавени случаи биле меѓу повеќе од 6,8 милиони дози вакцини на „Џонсон и Џонсон“ применети во САД. Сите шест случаи се случиле меѓу жени на возраст од 18 и 48 години, а симптомите се појавиле 6-13 дена по вакцинирањето, се вели во заедничката изјава на д-р Ана Шухат, заменик генерален директор на ЦДЦ и д-р Питер Маркс, директор на Центарот за процена и истражување на биолошки лекови на ФДА.

„ЦДЦ во среда ќе свика состанок на Советодавниот комитет за имунизациски практики (АЦИП) за понатамошно разгледување на овие случаи и процена на нивното потенцијално значење“, се вели во соопштението. „ФДА ќе ја разгледа оваа анализа бидејќи ги испитува и овие случаи. Додека не заврши оваа постапка, препорачуваме прекин на употребата на оваа вакцина од претпазливост“.

Позицијата на Европската Унија е многу јасна кога станува збор за Западен Балкан и границите, нема ништо што треба да се промени, рече денес портпаролот на Европската комисија, Пeтeр Стано, одговарајќи на новинарско прашање за наводниот нон-пејпер, документ на словенечкиот премиер Јанез Јанша, кој, според некои медиуми, тој веќе го има испратено во Брисел.

Европската комисија соопшти дека тие не знаеле за ваков документ и дека медиумите треба да ги контактираат словенечките партнери или Европскиот совет, до чиј претседател наводно бил испратен документот, пишуваат агенциите.

„Не сме примиле, виделе или знаеле за таков нон-пејпер, па затоа нема да коментирам нешто што е претпоставена тема на тој документ и за кое велите дека се граници“, рече Стано на брифинг со новинарите.

„Овде нема што да се смени. Позицијата на ЕУ е многу јасна кога станува збор за Западен Балкан и границите. Нема ништо што треба да се смени тука. Треба да работиме на регионална соработка, помирување, тоа е логиката на процесот на пристапување“, рече Стано додавајќи дека сите можни отворени прашања меѓу земјите во регионот треба да се решат во процес што не навлегува во опасни зони придржувајќи се кон до законите и принципите на ЕУ.

Самиот Јанша ги негира обвинувањата велејќи дека последен пат се сретнал со Мишел минатата година и додаде дека било тешко да му предаде што и да било во февруари или март годинава.

Откога неколку германски покраини не ги спроведоа договорените мерки против ширењето на третиот бран на коронавирусот, владата во Берлин ќе побара од Бундестагот да ѝ даде привремени овластувања за да може да спроведува мерки на блокада во целата земја.

Кабинетот на канцеларката Ангела Меркел се залага за итни измени на законот за заштита од зараза, со цел на федералната влада да ѝ се дадат поголеми овластувања за воведување мерки во одредени ситуации, пренесува „Ројтерс“.

Новиот закон, кој ќе овозможи поголеми федерални овластувања, вклучително и воведување полициски час од 21 до 5 часот наутро, ќе се применува во ситуации кога бројот на заразени на 100.000 жители три дена по ред надминува 100.