Контакт

Свет

Две третини од територијата на Авганистан е под контрола на талибанците

Објавено пред

Талибанците денеска ја вратија контролата врз голем дел од Авганистан откога зазедоа главни градови на уште четири провинции во молскавична офанзива, која постепено го опкружува Кабул, само неколку недели пред САД официјално да го завршат повлекувањето од земјата.

Според последните информации, последен паднал Тирин Кот, главниот град на провинцијата Урузган, а пред него властите од Кабул ја загубиле контролата над Кандахар, како и врз градовите Херат и Пули-Хумри, пренесува АП.

Талибанските бунтовници го заробиле командантот на авганистанската милиција Мохамед Исмаил Кан по освојувањето на западниот град Херат.

Кан, познат како Лавот од Херат, се борел против Советите во 80-тите и бил клучен член на Северната алијанса, чии војници, поддржани од САД, ги соборија талибанците во 2001 година.

Талибанците соопштија дека во моментот држат 17 главни административни центри oд 34 провинции (колку што има Авганистан), вклучувајќи ги градовите Заранџ, Газни и Кундуз, што е 60 километри од најблискиот граничен премин до Таџикистан.

Тие сега контролираат повеќе од две третини од земјата само неколку недели пред Соединетите Американски Држави да ги повлечат своите последни војници од Авганистан.

Иако главниот град Кабул уште не е директно загрозен, напредокот на талибанците на другите места дополнително го зголемува притисокот врз властите во Кабул, а најновата американска воена разузнавачка процена сугерира дека авганистанската престолнина би можела да биде нападната во рок од 30 дена и ако продолжат сегашните трендови, талибанците би можеле да добијат целосна контрола врз земјата за неколку месеци.

Британија вчера соопшти дека ќе испрати околу 600 војници во Авганистан за да им помогнат на британските граѓани да ја напуштат земјата поради зголемената загриженост за безбедноста по брзиот напредок на талибанците, а САД исто така објавија дека испраќаат дополнителни 3.000 војници во Авганистан за да помогнат во евакуацијата на персоналот од американската амбасада во Кабул.

Поради брзото напредување на талибанците и алармантната ситуација во врска со евакуацијата на западните службеници, денеска беше свикан итен состанок на НАТО-сојузниците, а дека ќе ги затворат своите амбасади во Кабул, најавија Норвешка и Данска. Германија драстично ќе го намали бројот на вработени во својата амбасада, а Франција уште еднаш ги повика своите државјани да ја напуштат земјата.

Регион

ЕУ ги повика Белград и Приштина да ги намалат тензиите

Објавено пред

Портпаролот на ЕУ, Петер Стано, ги повика Белград и Приштина веднаш да ги намалат тензиите и да се воздржат од еднострани потези.

Тој додава дека специјалниот претставник на ЕУ, Мирослав Лајчак, моментално е во Белград, каде што ќе се сретне со претседателот на Србија, Александар Вучиќ, и дека Лајчак разговарал со политичките лидери во Косово за ситуацијата.

Одговарајќи на прашањето на „Танјуг“ за состојбата на административните премини меѓу северно Косово и централна Србија, Стано рече дека слободата на движење е еден од темелите на ЕУ и оти се очекува Белград и Приштина да ја промовираат таа слобода во регионот.

„Ги повикуваме двете страни да се воздржат од еднострана акција и да ги намалат тензиите, веднаш. Ги повикуваме и двете страни да ги разгледаат сите прашања преку дијалог во Брисел и да го користат дијалогот како платформа за решавање на сите отворени прашања што ги имаат едни со други, вклучувајќи ја и слободата на движење“, вели Стано.

Блиндирани возила и специјални сили од утрово се распоредени на два административни премина на северот на Косово.

Прикажи повеќе...

Свет

„Фајзер“: Вакцината е сигурна за деца од 5 до 11 години

Објавено пред

Компанијата „Фајзер“ објави дека тестирањето во втората од трите фази покажало дека нејзината вакцина против коронавирус е безбедна и произведува силен имунолошки одговор, или доволно антитела за заштита кај деца на возраст од 5 до 11 години.

Ова се првите резултати објавени за оваа возрасна група за вакцина од американски производител. Но, тие забележуваат дека податоците сè уште не се рецензирани, пишува Си-ен-ен.

„Фајзер“ додава дека се планира резултатите од тестот да бидат доставени до Американската администрација за храна и лекови наскоро за одобрување за итна употреба.

Студијата опфати 2.268 учесници на возраст од 5 до 11 години и користеше две дози од вакцината, со разлика од 21 ден помеѓу дозите.

Во овие студии се користеше доза од 10 микрограми, која е помала од дозата од 30 микрограми користена за лица над 12 години.

„Дозата од 10 микрограми е внимателно избрана како најпосакувана доза за безбедност, подносливост и имуногеност кај деца од 5 до 11 години“, изјавија од Фајзер.

Имунолошките одговори на учесниците биле измерени со набудување на неутрализирачките нивоа на антитела во крвта и споредување на овие нивоа со контролната група стара 16 до 25 години, која доби две дози со повисока доза од 30 микрограми.

„Фајзер“ додава дека нивото на антитела се споредува добро со постарите луѓе кои примале поголема доза, покажувајќи „силен имунолошки одговор кај оваа група деца еден месец по втората доза“.

Вакцината „Фајзер“ во моментов е одобрена за лица на возраст од 16 години и повеќе и е одобрена за употреба кај деца на возраст од 12 до 15 години. Тие додаваат дека ги очекуваат резултатите од тестот за деца на возраст од шест месеци веќе во четвртиот квартал од оваа година.

 

Прикажи повеќе...

Свет

Талибанците вооружени се возат на шарени педалинки

Објавено пред

Нови бизарни снимки пристигнуваат од Авганистан.

Откако беа објавени видеа од талибанците како уживаат во забавен парк и се обидуваат да користат опрема за вежбалница, сега вооружани се возат на шарени педалинки на езеро во провинцијата Бамијан.

Повеќе од дваесет талибански борци, со рачни ракетни фрлачи и пушки, беа видени во саботата како се возат во шарени педалинки во форма на лебед во националниот парк Банд-Амир.

Фотографиите ги сподели новинарот Џејк Ханрахан преку „Твитер“.

Темно сините езера во срцето на земјата се сметаа за релативно безбедно засолниште пред да дојдат Талибанците на власт.

Прикажи повеќе...

Најново

Македонија21 минута

Нови 154 заболени од Ковид-19, починале 12 луѓе

Во последните 24 часа се направени 1.967 тестирања, а регистрирани се 154 нови случаи на Ковид-19: Скопје – 118, Куманово...

Македонија3 часа

Заев: Прашањето за морална одговорност и моја оставка стана банално

Премиерот Зоран Заев изјави дека прашањето за морална одговорност и за негова оставка станува банално. „СДСМ има квалитетни кадри коишто...

Македонија3 часа

Позитивни на коронавирус се 13 воспитувачи и 9 деца во градинките, Шахпаска вели дека состојбата е стабилна

Тринаесет воспитувачи и 9 деца се позитивни на коронавирус низ градинките, информираше денеска министерката за труд и социјална политика, Jагода...

Македонија4 часа

Стевчо Јакимовски ќе настапи самостојно во Карпош, во другите општини ГРОМ ќе коалицира со ВМРО-ДПМНЕ

Граѓанската oпција за Македонија-ГРОМ на овие локални избори одлучи да настапува самостојно во oпштина Карпош со претседателот на партијатија Стевчо...

Свет5 часа

(Видео) Најмалку осум починати и десет повредени во пукотниците на рускиот универзитет, напаѓачот бил студент

Околу осум лица загинаа додека повеќе од десет се повредени во драмата на рускиот универзитет каде што непознато лице отвори...

Свет5 часа

(Видео) Проработе вулкан во Шпанија, лавата проголта 20 куќи

Шпанските власти евакуираа околу 5.000 луѓе од неколку села на канарскиот остров Ла Палма поради ерупција на вулкан, соопштија локалните...

Македонија23 часа

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет23 часа

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија24 часа

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија1 ден

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Македонија1 ден

Со хебла оштетена таблата за електрична енергија во модуларната болница во Прилеп

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од...

Топ1 ден

Приведен сопственикот на угостителски објект во Гостивар кој примал гости без сертификат за вакцинација

Гости без сертификат за вакцинација биле затекнати во угостителски објект во Гостивар а по реакција на полицијата објектот бил затворен...

Свет1 ден

Париз за потегот на САД и Австралија – лицемерие, презир, лаги

Лицемерие, презир, лаги, се зборовите што ги користи францускиот министер за надворешни работи за да ја опише кризата во односите...

Свет1 ден

Светските лидери среде пандемија во Њујорк и покрај противењето на Американците

Светските лидери се собираат во Њујорк од вторник на дебата на Генералното собрание на Обединетите нации, која ќе се фокусира...

Европа1 ден

Италијанците следната година излегуваат на референдум за легализација на марихуаната

Референдум за легализација на марихуаната најверојатно ќе се одржи во Италија следната година. Поддржувачите за легализација на марихуаната ги собраа...

Свет1 ден

Русите на гласање на последниот ден од парламентарните избори

Недела е последен ден за гласање на Русите на тридневните парламентарни избори во земјата. Околу 110 милиони луѓе имаат право...

Македонија2 дена

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ2 дена

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Свет2 дена

Експертите во САД против трета доза на вакцина за севкупната популација

Советодавниот одбор на Американската администрација за храна и лекови (ФДА) денеска го отфрли планот да понуди дополнителна, трета доза на...

Македонија2 дена

Османи формира работна група за укинување на визите со САД

Министерот за надворешни работи Бујар Османи, на неговиот Фејсбук профил информира дека формирал работна група во рамки на Министерството за...

Досие