Свет
Девојка од Хаваи, по еден месец, пронајдена жива во Мексико: таткото се самоуби при потрагата, се појавија нови детали

Хана Кобајаши е пронајдена жива и здрава, соопшти нејзиното семејство. Хана исчезна пред еден месец по летот од Мауи за Лос Анџелес, што предизвика голема потрага по неа. Семејството беше убедено дека таа е киднапирана.
„Исклучително сме благодарни што Хана беше пронајдена жива и здрава“, изјавија сестра ѝ Сиднеј и мајка ѝ Бренди Ји.
„Изминатиот месец беше незамисливо тежок за нашето семејство и љубезно ве молиме за вашата приватност бидејќи одвојуваме време да закрепнеме и да го процесираме сето она што го преживеавме“, додаваат тие.
Изјавата беше објавена на платформата „Икс“ од страна на адвокатката на семејството, Сара Азари. Во соопштението не се наведува каде е пронајдена Кобајаши и како семејството утврдило дека таа е безбедна.
За потсетување, Хана Кобајаши се сметаше за исчезната три недели откога со авион од Мауи слета во Лос Анџелес, а полицијата во Лос Анџелес пред една недела објави дека Хана доброволно исчезнала.
#UPDATE : Missing photographer Hannah Kobayashi spotted buying bus ticket day before police said she crossed border into Mexico.#HannahKobayashi #Mexico #MISSING #HannahKobayashiMissing pic.twitter.com/ziPQtJt7Sm
— upuknews (@upuknews1) December 4, 2024
На прес-конференција, директорот на полицијата, Џим Мекдонел, изјави дека кога Хана слетала во Лос Анџелес, била сама, имала багаж и не изгледала повредено.
„Нејзиното семејство е веќе известено дека добивме снимка од видеонадзор од американско-мексиканскиот граничен премин, на која се гледа како Хана ја преминува границата пеш“, рече тој.
Кобајаши пристигнала на аеродромот во Лос Анџелес на 8 ноември по што требало да се качи на лет за Њујорк, на кој не се појавила, а тоа во полиција го пријавила сестра ѝ.
Семејството немало контакт со 30-годишната Кобајаши од 11 ноември, а четири дена подоцна полицијата објави потрага по исчезнато лице заедно со нејзините фотографии. Во меѓувреме, се појавија фотографии и видеа од Кобајаши снимени меѓу 8 и 11 ноември, на кои таа е видена на разни локации во Лос Анџелес.
Таа исто така беше снимена како го зема својот багаж на аеродромот во Лос Анџелес, кој побара да ѝ биде вратен од Њујорк. Потоа Хана останала во Лос Анџелес додека на крајот не ја преминала границата и не влегла во Мексико на 12 ноември попладне.
Мекдонел рече дека не се пронајдени докази оти била жртва на трговија со луѓе или дека била вклучена во криминални активности и дека има право на својата приватност. Од друга страна, тој нагласи дека ја разбира загриженоста на нејзиното семејство, кое со недели не знаело што се случува со Хана.
Пред да замине од Мауи, Хана изразила желба да побегне од модерната технологија, изјави полициски поручник за „Фокс њуз“. Полицијата ја замолила Хана да стапи во контакт со семејството, кое било информирано за сè што се случило. На тој начин направија сè што можеа, нагласи Мекдонел.
The true victim is #HannahKobayashi case was her father who committed suicide while she went missing.
That’s it, that’s the post. pic.twitter.com/o2K6vSC98Q
— 𝕏 🕵🏻♀️🦋L̤̮E̤̮G̤̮🅰️C̤̮Y̤̮🦋🕵🏻♀️ 𝕏 (@iamlegacy23) December 11, 2024
Мекдонел изрази сочувство и за смртта на Рајан Кобајаши, таткото на Хана, кој по тринаесет дена потрага по Хана, изврши самоубиство. Семејството собра повеќе од 47.000 долари преку платформата GoFundMe. Парите на крајот ќе бидат искористени за погребот на татко ѝ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Петгодишно девојче се лизнало од жичара во Словенија: паднало од висина од пет метри

Несреќа се случила во словенскиот ски-центар Копе, кога петгодишно девојче од Хрватска се лизнало од жичара и паднало од висина од околу пет метри.
Таа била тешко повредена и со возило на Брза помош била пренесена во болница.
Нејзиниот живот не е во опасност, пренесува „24 часа“.
Девојчето се возело на жичара со уште две деца и едно возрасно лице кое ја придружувало. Додека се возела се лизнала под заштитната шина и паднала од висина од околу пет метри.
Полицијата прибира информации во врска со одговорноста на возрасното лице кое го ставило девојчето на жичницата, а се работи за сомнение за сторено кривично дело предизвикување општа опасност.
Девојчето било дел од група деца кои го посетиле ски-центарот Копе организиран од спортски клуб.
Свет
Украински функционер: Киев го обвинува тимот на Трамп дека го подгрева апетитот на Путин

Преговорите меѓу администрацијата на американскиот претседател Доналд Трамп и Русија без учество на Украина и Европејците само ќе го „стимулираат апетитот на рускиот претседател Владимир Путин“, изјавил за „Франс прес“ неименуван висок украински функционер.
„Ова само ќе го подгрее апетитот на Путин и неговата верба дека тој ќе победи и дека Америка ќе загуби“, изјави функционерот, по денешната руско-американска средба во Ријад, која се одржа без учество на Киев и Европа.
Тој кажа дека тимот на Доналд Трамп ја повторува тактиката на претходните американски претседатели, Барак Обама пред руската анексија на украинскиот полуостров Крим во 2014 година и Џозеф Бајден пред сеопфатната руска инвазија на Украина пред три години.
Обама пред 2014 година, како и Бајден пред оваа војна, разговараше со Путин за нас без нас, за Европа без Европа, а некој од тимот на Трамп оди во истата насока, продолжи украинскиот функционер.
„Се чини дека некој од тимот на Трамп или некој негов близок му претставува нереална слика за Русија“, додаде тој.
Украинските власти се надеваат дека ќе добијат детали за американската позиција од специјалниот пратеник на американскиот претседател за Украина, Кит Келог, кој утре се очекува во Киев во својата прва посета откако Трамп ја презеде функцијата во јануари.
„За нас е важно да слушнеме од Келог што навистина се случува“, вели украинскиот функционер.
Регион
(Видео) Вучиќ на тренинг во парк со Вучевиќ и Мали: „Решиле да не бркаат, можеби веслата ќе ни помогнат“

Претседателот на Србија Александар Вучиќ на социјалната мрежа Инстаграм сподели видео каде тренира во паркот заедно со премиерот Милош Вучевиќ и министерот за финансии Синиша Мали.
„Милош Вучевиќ, Синиша Мали и јас дојдовме да тренираме. Пропаднавме целосно, освен Синиша. Овде во паркот, милина една, се правиме дека не ни е ладно и се правиме дека работиме некој сериозен тренинг. Ми требаа пет минути да сфатам како функционира ова, сè ме боли. Нешто како веслање, не можам да одам до крај. Решиле да не бркаат, можеби веслата ќе ни помогнат. Па, сега можам да кажам дека работевме и сме подготвени за пливање и веслање. Во веслањето е спасот, нема предавање. Па, сега да јадеме плескавица. Доста е“, рече Вучиќ.