Премиерката на Србија, Ана Брнабиќ, за РТС изјави дека бројот на вакцинирани лица се приближува до 1,6 милиони.

Брнабиќ посочи дека 95 проценти од регистрираните од приоритетните групи се вакцинирани и ги повика граѓаните од сите возрасти да аплицираат за вакцинација.

„Утре очекуваме уште 500.000 дози од вакцина на ‘Синофарм’, а нов контингент на вакцината на ‘Фајзер’ се очекува в понеделник“, рече Брнабиќ, најавувајќи дополнителна испорака и на руската вакцина „спутник В“.

„Вакцините ќе бидат доволни, ова е вистинскиот начин да се бориме против коронавирусот“, рече Брнабиќ.

Таа предупреди на зголемување на бројот на заболени по примање на првата доза на вакцината, наведувајќи дека тоа е последица на опуштање и игнорирање на мерките, повикувајќи да се почитува епидемиолошката дисциплина по првата вакцинација и најмалку дваесет дена по примање на втората доза.

Силен земјотрес го погоди Нов Зеланд. Според првичните проценки на emsc-csem.org, земјотресот бил со јачина од 6,9 степени според Рихтеровата скала, но премиерката на Нов Зеланд, Јасинда Ардерн, повикувајќи се на локалните служби, објави дека земјотресот бил со јачина од 7,2 степени според Рихтеровата скала.

 

View this post on Instagram

 

A post shared by Jacinda Ardern (@jacindaardern)

Земјотресот се случил рано наутро по локално време, во 2:27 часот.

Епицентарот на земјотресот бил на 294 километри источно од Тауранга и 181 километар североисточно од Гизборн. Тоа е локација во Тихиот Океан, североисточно од Северниот Остров.

Издадено е предупредување за цунами. Сè уште не е познато дали има жртви.

Граѓаните се предупредуваат да ги следат вестите со цел навремено да знаат нови информации и да ги слушаат препораките на локалната цивилна заштита. Исто така, граѓаните се повикуваат да не се приближуваат до морскиот брег.

Кавги во владејачката коалиција во Словачка откако премиерот Игор Матовиќ ги заобиколи коалициските партнери и испрати авион по руската вакцина против Ковид-19, пренесуваат медиумите во оваа земја.

Според нив, владејачката коалиција честопати се судира во пристапот за сузбивање со пандемијата од Ковид-19, а Матовиќ, како што пишуваат, ја донел одлуката и покрај барањата од коалициските партнери да не ја користат руската вакцина сè додека не биде одобрена од Европската агенција за лекови.

Словачка е втора земја членка на Европската Унија, по Унгарија, што ја купува руската вакцина „спутник В“.

Политичкиот партнер во коалицијата, партијата „За народот“, вчера се закани дека ќе ја напушти владата поради ова прашање, додека, пак, партијата „Слобода и солидарност “ повика на преструктуирање на кабинетот формиран по изборите пред една година, пренесуваат агенциите во Словачка.

„За време на викендот, воен авион беше испратен во Москва да донесе 200.000 дози од вакцината ‘спутник В’, прва пратка од вкупно два милиона“, рече Матовиќ.

Тој својата одлука за купување на руската вакцина ја бранеше и преку социјалните мрежи.

„Нашите партнери го користеа ‘спутник В’ како најтешкото оружје за да ја растурат сопствената влада“, рече тој.

Министерот за надворешни работи Иван Корчок изјави дека набавката на руската вакцина ја доведува во прашање позицијата на земјата на меѓународната сцена.