Италијански пилот на хеликоптер избегнал смрт за време на вежба на специјализираната италијанска алпска армија во Мерано, според написите во регионалните медиуми.

На видеото според извештаите се гледа хеликоптер АБ-205 кој се наоѓа на само неколку сантиметри пред да удри во карпа, но во последен момент пилотот успеал да го контролира леталото и да ја избегне трагедијата.

Incidente sfiorato a Bolzano pic.twitter.com/4yVyOArqXY

— Marco (@marcotelecono) October 4, 2022

„Ризикот од удар беше очигледно висок. Еден од колегите што го видел видеото го нарече чинот на пилотот „вистинско чудо“, изјавил воздухопловниот експерт Дејвид Сенчиоти, пишува „Дејли Мејл“.

Хеликоптерот бил однесен на аеродромот во Болзано, а при инцидентот настанала мала штета.

Марија Захарова, портпаролка на руското Министерство за надворешни работи, на „Телеграм“ објави дека земјите од Европската Унија ќе мора да се соочат со вистината и да признаат дека нивните сојузници ги предале во врска со инцидентите околу „Северниот тек“.

Таа ја коментираше изјавата на рускиот вицепремиер Александар Новак дека Русија е подготвена да испорача гас преку неоштетениот дел од гасоводот „Северен тек 2“, пишува руската новинска агенција ТАСС.

„Дали после тоа некој ќе се осмели да каже дека нашата земја стои зад чинот на саботажа? Се согласувам дека е многу тешко да се дознае вистината. Но, еден ден земјите од Европската Унија ќе мора да го направат тоа и да признаат дека нивните сојузници ги предале“, напишала Захарова на „Телеграм“.

Германскиот канцелар Олаф Шолц потврди дека Германија има проблем со работната сила и коментираше каква заедничка миграциска политика би сакал да види во Европа.

„Европа е посакуваната дестинација за милиони луѓе ширум светот. Можеме да бидеме горди на ова, бидејќи покажува дека правиме многу работи правилно и дека европските вредности се привлечни. Едно е јасно: ни треба имиграција. Тоа сега го гледаме на сите места каде што недостасуваат квалификувани работници: на пример, на аеродромите, во болниците и во работилниците“, рече германскиот канцелар во интервју за „Ел Паис“.

За да функционира сето ова, потребни се обврзувачки договори со земјите на потекло и транзит и на работниците да им се понудат повеќе легални начини да стигнат до Европа, вели Шолц, пренесува „Танјуг“.

Тој додаде дека функционалната миграциска политика мора да вклучува ефективна заштита на надворешните граници што е во согласност со стандардите на владеењето на правото.

„На Европа ѝ треба систем за азил отпорен на кризи. Наша должност е да им понудиме безбеден дом на луѓето на кои им е потребна заштита“, посочи тој и најави реформа на заедничкиот европски систем за азил.